亞洲超星團｜TVB宣布節目須延遲播出 因70歲曾志偉上周割腫瘤後要休養

70歲曾志偉入院割腫瘤手術需裝支架

現時70歲的曾志偉，在2021年2月9日正式以總經理身分回到TVB上班，開始進行一連串改革。上年曾被爆要用輪椅代步，不過當時曾寶儀回應指爸爸用輪椅一定是因為飲醉酒，未有對是否健康問題作出回覆。曾志偉自重返TVB後，工作一直馬不停蹄，除了行政方面，更自己親自落場主持《獎門人》節目，以70歲來說的確不容易。

而TVB外事部於19日代曾志偉發出聲明

無綫電視（節目內容營運）總經理曾志偉於8月19日傍晚透過公司正式回應各界的慰問與詢問。曾志偉表示，他每年都會前往台灣進行身體檢查，近期的檢查結果發現有血管擴張的情形，因此依據醫學建議進行了支架植入手術，手術後的情況良好。曾志偉表示：「一切都非常順利，所以我要感謝大家的關心。我會很快回來工作的，大家放心，再次感謝。」

TVB發聲明宣布《亞洲超星團》延遲播出

今日（22日），TVB企業傳訊部再發聲明，交代曾志偉的康復狀況：「無綫電視（節目內容營運）總經理曾志偉先生，上周在台灣順利進行了支架植入手術，目前康復情況十分理想，按醫生指示繼續在進行適當的休養中，我們期待曾先生能盡快重回崗位，全力推動制作業務進展。我們在此對各方的關心表示衷心的感謝。」

聲明上亦提到，曾志偉的健康問題亦導致節目上有所變動：「由於曾先生暫時無法參與任何幕前工作，特別是參與由本台獨家轉播節目《亞洲超星團》的工作，該節目原定於9月3日(周日)首播，現將會適當延遲播映。翡翠台當晚節目將作重新編排，晚上8時播映《愛．回家之開心速遞》、8時30分《施巴pH 5.5潔膚浴露呈獻:思家大戰》、9時《鄰住買特約:獎門人中秋感謝祭》、10時《中年好聲音2 Ready！Go！》、10時30分《J Music》。我們對此帶來的不便表示歉意，並感謝各界的理解和支持。」

曾志偉4月大搞70歲大壽逾200位圈中朋友一齊慶祝

4月14號正式踏入70歲生日嘅曾志偉特別安排喺尖沙嘴一間餐廳包場，同逾200位圈中朋友一齊慶祝，當中除咗同月同日生嘅黃杏秀之外，仲有超大班圈中同圈外朋友先後到場慶賀，場面熱鬧到不得了呀。

除咗大班老朋友之外，曾志偉嘅親友子女亦都有來港一齊慶祝。佢又話為等大家都玩得盡興，不醉無歸，仲要求大家盡量唔好影相，就算影完都避免擺上網呀。

踏入70歲之後，曾志偉就話心境上要學識注意身體，仲話連日慶祝晚晚都醉到不醒人事呀。而之前一晚佢又再次舉辦咗慈善素宴，同大班朋友共襄善舉，籌得善款760萬仲破曬紀錄呀。

同曾志偉拍檔搞笑出曬名嘅林敏驄呢日當然都有到賀啦，佢仲妙語如珠咁恭祝對方。而謝天華同陳小春就齊齊到場，仲有唔少賓客都齊齊估到底志偉幾點會醉呀。至於獲邀參加嘅《中年好聲音》一班參賽者亦都跟足黑白Dress Code到場，原來曾志偉係想佢哋更加了解藝人生活同認識多啲音樂界朋友呀。

曾志偉去年宣布停播《獎門人》

《獎門人》系列至今已有27年歷史，是香港人的集體回憶。當《開心無敵獎門人》獲得台慶頒獎禮「最佳綜藝節目」獎後，總經理曾志偉在接受TVB娛樂新聞台訪問時就表示好開心大家仲非常支持呢個廿幾年的節目，不過《開心無敵獎門人》早前播出最後一集就宣布暫別幕前，令不少觀眾都大為不捨。

總經理事忙終於頂唔順

曾志偉貴為無綫總經理，每日要處理的事情非常多，據知除了要諗如何為電視台賺錢，劇集收視跌關佢事，藝員有負面新聞都關佢事，日日要拆彈都真係好唔得閒，他表示現階段難以分身兼顧:「好辛苦，因為我要返工啦，如果每個禮拜要錄話呢，我其實要兩三日同佢哋度問題，所以我頂到過年就話唔得喇，我真係要停一停。等我呢上半年將下半年節目安排好喇，或者睇下有冇機會下半年啦！」