真係唔好笑

TVB《真係唔好笑》突被停播 曾志偉公開節目真正「死因」

最新娛聞

廣告

由麥美恩、何廣沛、馮盈盈、羅毓儀、郭子豪、彭慧中、方紹聰(奶仔)主持的TVB競技遊戲節目《真係唔好笑》,於4月1日起逢星期六播映,原定一共13集,但在播出第8集後,突然遭TVB停播,下周同時段改播資訊節目《共創明「Teen」活出藍天》。

tvb 真係唔好笑 《真係唔好笑》獲網民讚節目名貼切,因真係唔好笑。
《真係唔好笑》獲網民讚節目名貼切,因真係唔好笑。(圖片來源:《真係唔好笑》截圖)

曾志偉:要睇收視同觀眾反應

曾志偉日前出席無綫《Happy Summer記者會》時回應事件,指除了《真係唔好笑》要暫停,而聲生不息‧寶島季》也會更改播放時段,他表示節目調動經常有,因為要睇收視及觀眾反應。講到《真係唔好笑》用了過千萬去製作,志偉就指:「有些節目拍好了也沒有推出,未必事事如願。」

tvb 真係唔好笑 曾志偉出席活動時公開了《真係唔好笑》被腰暫的真正「死因」。
曾志偉出席活動時公開了《真係唔好笑》被腰暫的真正「死因」。(圖片來源:YouTube@TVB娛樂新聞台)

曾志偉疑睇首集已笑唔出 千萬製作費倒水落海

節目每集邀請不同嘉賓,與主持分成兩隊上演連串搞笑對決,各人要在不同的搞笑攻擊下忍住笑聲,一旦笑出來就要接受大懲罰!其實早於去年已傳出曾志偉看畢節目首集後,有感「真係唔好笑」,欲抽起不播,千萬製作費倒水落海,但事隔一年大執之後,全輯13集綜藝節目終於開播。

tvb 真係唔好笑 有傳曾志偉看畢節目首集後,有感「真係唔好笑」,已想抽起唔播。
去年已有傳曾志偉看畢節目首集後,有感「真係唔好笑」,已想抽起唔播。(圖片來源:娛樂新聞台截圖)
tvb 真係唔好笑 馮盈盈在最後一集仍搏命擘大口,可惜難引人發笑。
馮盈盈在最後一集仍搏命擘大口,可惜難引人發笑。(圖片來源:《真係唔好笑》截圖)
tvb 真係唔好笑 昨晚馮盈盈玩到不顧儀態,節目難逃被腰斬命運。
馮盈盈玩到不顧儀態,節目難逃被腰斬命運。(圖片來源:《真係唔好笑》截圖)
tvb 真係唔好笑 睇到呢幕,真係唔好笑。
睇到呢幕,真係唔好笑。(圖片來源:《真係唔好笑》截圖)
tvb 真係唔好笑 羅毓儀素顏上陣,都搞唔掂。
羅毓儀素顏上陣,都搞唔掂。(圖片來源:《真係唔好笑》截圖)
tvb 真係唔好笑 淋紅油,苦了演員。
淋紅油,苦了演員。(圖片來源:《真係唔好笑》截圖)

播映時間一改再改無助收視 下周改播資訊節目

可惜,《真係唔好笑》播出後反應一般,無綫更一直未有公佈收視,而節目由4月1日-4月15日逢星期六21:45至22:30播,4月22日起改為逢星期六22:15-23:00播映,昨晚又改為22:30-23:15,播出時間一改再改,如今更話停就停,可見節目質素!下星期同時段改播資訊節目《共創明「Teen」活出藍天》,據mytv super網頁顯示,《共》已製作40集,未知《真係唔好笑》只是讓路停播幾星期還是腰斬。

tvb 真係唔好笑 港姐扮小丑。
港姐扮小丑。(圖片來源:《真係唔好笑》截圖)
tvb 真係唔好笑 又係馮盈盈。
又係馮盈盈。(圖片來源:《真係唔好笑》截圖)

網民分析《真係唔好笑》5大死因

死因1:改壞名

有網民大罵:「個名都衰過人」、「我看咗幾集,我真係覺得好似個名咁, 一啲唔好笑」

tvb 真係唔好笑 昨晚馮盈盈和羅毓儀落場玩遊戲。《真係唔好笑》截圖)
昨晚馮盈盈和羅毓儀落場玩遊戲。(圖片來源:《真係唔好笑》截圖)

死因2:曾志偉唔buy

其實早於去年已傳出無綫電視總經理曾志偉看畢節目首集後,有感「真係唔好笑」,欲抽起不播,千萬製作費倒水落海。

死因3:主持嘉賓太奀

主持麥美恩、何廣沛、馮盈盈、羅毓儀、郭子豪、彭慧中、方紹聰(奶仔),嘉賓有朱智賢、鄺潔楹、林凱恩、曾淑雅等,雖然都是上緊位的藝員,但都未夠吸引難以孭飛。

tvb 真係唔好笑 麥美恩雖有觀眾緣,但唔係搞笑能手。
麥美恩雖有觀眾緣,但唔係搞笑能手。(圖片來源:《真係唔好笑》截圖)

死因4:太嘈太亂

有網民表示:「太嘈太亂,真係無興趣睇。」、「一味大嗌,得個嘈字」。

死因5:遊戲低B

節目每集邀請不同嘉賓,與主持分成兩隊上演連串搞笑對決,各人要在不同的搞笑攻擊下忍住笑聲,一旦笑出來就要接受大懲罰!有網民留言大彈遊戲唔好笑:「玩埋啲低B遊戲,我都唔知有乜咁好笑?」

tvb 真係唔好笑 噴水玩糟質。
噴水玩糟質。(圖片來源:《真係唔好笑》截圖)

網民點睇:

tvb 真係唔好笑
(圖片來源:網民留言)
tvb 真係唔好笑
(圖片來源:網民留言)

曾志偉啜爆性感女模影片詳情?

近日曾志偉與一名性感女模慶生的視頻流出,從片中可見曾志偉在飯局中為壽星女熱唱生日歌之後,特意走向女模身旁一同吹蠟燭,隨後更…詳情請看

被啜爆的性感女模是誰?

影片流出之後,女模的身份背景亦立即被起底。原來女模擁有180cm魔鬼身形,曾經被傳是擔任過多間上市公司主席富豪余錦基的契女…詳情請看

圖片來源:《真係唔好笑》截圖、娛樂新聞台截圖