曾志偉手術後返港現身見傳媒回應離巢一事：遞過幾封辭職信

曾志偉再對離巢一事作回應：遞過幾封辭職信畀人彈返轉頭

曾志偉今日（3日）下午從台灣返港，一步出禁區就即刻接受傳媒訪問。剛接受完動脈瘤微創手術的他精神十足，與記者們有講有笑。當記者問到會否在明天上班時，曾志偉就笑指：「你聽日嚟唔嚟吖？你聽日嚟我嚟。」似乎暗示明日星期一就會正式復工。此外，在曾志偉休養期間，曾經一度傳出他將會離開TVB，當被記者問到會否辭職時，曾志偉就笑指：「遞過幾封辭職信畀人彈返轉頭」。

曾志偉曾志偉今日從台灣回到香港後，即刻在機場接受傳媒訪問，親自就傳聞做出回應。 — 曾志偉今日從台灣回到香港後，即刻在機場接受傳媒訪問，親自就傳聞做出回應。（圖片來源：TVB）

曾志偉怒斥做假新聞害死人

當被問到有否受近日各種傳聞影響時，曾志偉幽默回應指：「本身我就唔睇呢啲新聞嘅，做咗呢行幾廿年啦。但實在有好多朋友都搵我，我仲同佢哋開玩笑講：『嗰個唔係我嚟，係韓琛嚟』。係韓琛先會做呢啲，我哋點會做呢啲詐騙集團呢。我最憎呢啲嘢。」曾志偉說的韓琛是他在電影《無間道》飾演的角色。

tvb 曾志偉曾志偉空降成為無綫高層後，曾志偉一直努力爭取表現，一年一度的台慶頒獎禮亦碌盡人情牌搞到星光熠熠，恍如置身電影頒獎禮。 — 曾志偉指以原本性格一定會無視謠言，但因為現在於TVB擔任要職，所以才會發聲明澄清。（圖片來源：TVB）

曾志偉曾志偉在《無間道》飾演的韓琛。 — 曾志偉在《無間道》飾演的韓琛。（圖片來源：《無間道》截圖）

曾志偉怒斥假新聞容易令一些小朋友睇唔開

曾志偉開完玩笑就再次正經回應事件，他指：「假新聞對我哋呢啲咁年長、係到咁多年，其實對我哋影響唔係太大，但如果係後生、剛剛出道嘅，明明接咗好好嘅廣告或劇集，最後因為假新聞而失去機會，其實真係好慘。好多時都因為假新聞而害到好多人，甚至一啲小朋友因為睇唔開而自殺。」曾志偉呼籲市民在看網上新聞時不要盡信，要判斷新聞的真偽；而做假新聞的人亦要問清楚良心，希望在做假新聞前三思。

曾志偉曾志偉又重提2017年流出疑似曾志偉裸體跳舞的短片，佢仲笑指：「似樣到呢，好似孖生咁嘅。」 — 曾志偉又重提2017年流出疑似曾志偉裸體跳舞的短片，佢仲笑指：「似樣到呢，好似孖生咁嘅。」（圖片來源：網上圖片）

回應「三陳一蕭」災難級表現：畀人睇下靚仔未必做到司儀

當被問到對今年港姐總決賽中四位型男主持的災難級主持有何看法時，曾志偉就笑指：「都好嘅，畀人睇下靚仔未必做到司儀。我覺得唔能夠怪佢哋，因為佢哋實在係太忙，我都同佢哋講加油，我哋都想畀新鮮感大家，換吓口味，唔好又見到我、C君呢啲甩頭甩骨嘅。但原來大家都會回味我哋呢班口齒伶俐嘅，所以靚仔都有靚仔嘅好，三尖八角又有三尖八角嘅好，咁出年再諗過囉，每年都有新花臣。」

曾志偉今年香港小姐競選總決賽由四位型男視帝做主持，不過表現就強差人意，被網民狠批為「災難級表現」。 — 今年香港小姐競選總決賽由四位型男視帝做主持，不過表現就強差人意，被網民狠批為「災難級表現」。（圖片來源：TVB）

曾志偉香港小姐2023 司儀香港小姐陳豪琴晚扮《破毒強人》的聲線讀稿，網民都話唔好笑又尷尬。 — 其中陳豪被網民踩得最厲害，網民都話佢唔好笑又尷尬。（圖片來源：TVB截圖）

自爆病情已經拖延十年：動脈瘤穿嘅話就冇得救

此外，曾志偉亦有就病情作出回應，他指手術非常成功，康復進度良好，將會在下年回台複診。曾志偉指一直有到台灣動手術的念頭，但十年來動脈瘤的情況都沒有特別情況，直至去年才得悉動脈瘤發大道需要做手術。現時肚臍下方放了三種支架，他表示感恩現代醫學昌明，指如果沒有做手術的話，大動脈有機會會穿，更指「穿嘅話其實就冇得救」。

曾志偉曾志偉表示今次到台灣接受手術之餘，亦有抽空與家人見面。 — 曾志偉表示今次到台灣接受手術之餘，亦有抽空與家人見面。（圖片來源：IG@bowie0221）

發聲明否認參與投資詐騙集團

近日網上一度流傳有關曾志偉涉嫌參與投資緬甸詐騙集團，甚至已經被警方帶走接受調查。傳聞越傳越逼真，曾志偉於昨日（2日）接受傳媒訪問，表示對事件「完全唔知情」，並且馬上透過無綫發出聲明，指控無理指控對他個人和專業聲譽造成了嚴重損害，並且會保留留尋求法律賠償的所有權利。

一度被傳出即將離巢TVB 視像形式現身否認事因

除了被捲入入股詐騙集團風波之外，在曾志偉手術過後修養期間，曾經有報道指在曾志偉回TVB擔任總經理後，收視沒有提升之餘，TVB損失嚴重，在剛公布的無綫中期業績更錄得4.06億元虧蝕，所以身為總經理的曾志偉將為首當其衝，連同主席許濤一齊離開TVB。就此謠言，主席許濤早前在將軍澳電視城開記者會，表示報道所講的他與曾志偉離開TVB崗位絕非事實。曾志偉亦以視像形式見記者，兼否認辭職的說法。