胡杏兒

最後兩個位 胡杏兒賣萌唱廣東歌爭出線

最新娛聞

廣告

冇錯,又到咗每個星期都出現嘅胡杏兒喇!又係內地歌唱節目《跨界歌王》,話說比賽即將去到第9集,介紹返,成個比賽有10個晉級名額,換言之,杏兒得番兩次機會出線,否則就bye bye喇!上集王祖藍超賣力,以職業歌手水準唱出高難度英文歌〈Feeling Good〉,睇到評判同現場觀眾拍爛手掌,最終順利晉級,賣甩「同鄉」胡杏兒!

延伸閱讀:

專出童顏?細寶阿雪原來係中學師兄妹

《一屋老友記》扮廢青 細寶張彥博勁有才華

準決賽資格得番兩個位,杏兒自參賽以來唱過英文歌、國語歌,都係時候要唱自己最擅長嘅廣東歌啦!今次杏兒以一身簡約白色喱士長裙坐定定應戰,估計將會唱慢歌,終於唔使跳來跳去賣〈叉燒包〉!

雖然杏兒出過唱片算係半個歌手,但比賽對手好有實力,例如《瑯琊榜》嘅郡主劉濤、同張柏芝拍過《河東獅吼2》嘅諧星小沈陽等。香港人未必識呢班內地參賽者,但其實個個都好唱得,尤其係小沈陽,上集唱星爺經典《大話西遊》主題曲〈一生所愛〉,真係震驚13億人!對手強勁,杏兒惟有出殺手鐗:賣萌冧粉絲!除此之外,杏兒仲會唱廣東歌出賽,期間仲突然喊爆,唔通今集又晉唔到級?

全文完

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!