郭奕芯

有酒今晚吹|郭奕芯認18歲落老蘭打躉 疑曾被落藥灌醉

最新娛聞

廣告

郭奕芯與好姊妹Helen(譚海倫)孖住上ViuTV節目《有酒今晚吹》,摸住酒杯底大講飲酒經,26歲的郭奕芯自爆當年滿18歲即成為老蘭(蘭桂坊)常客,自覺可以合法飲酒好威威,曾經試過飲一杯就出事,懷疑被人落藥。

撰文:東方新地 圖片:《有酒今晚吹》影片截圖、[email protected]

郭奕芯與Helen譚凱倫因為合作主持《晚吹戀講嘢》而成為好姊妹。
郭奕芯與Helen譚凱倫因為合作主持《晚吹戀講嘢》而成為好姊妹。(圖片來源:《有酒今晚吹》影片截圖)

郭奕芯 酒齡8年

郭奕芯與好姊妹Helen(譚海倫)上ViuTV節目《有酒今晚吹》,一開場郭奕芯已表示最驚自己酒後亂講嘢、追酒飲同講粗口,主持人強尼指二人酒量好ok,這集就飲日本清酒。被問及是否好細個就學人飲酒,郭奕芯表示:「啱啱夠秤(18歲)嘅時候,我係頭半年成日去蘭桂坊,以前未夠秤成日好想有日終於夠秤,可以去玩、去蒲喇!好想好似啲大人咁去蘭桂坊,嘩!好勁呀!試吓係咩感覺,所以18歲嗰排係玩得多嘅!覺得自己長大可以嘗試飲酒,酒量係可以鍛鍊嘅!」

郭奕芯自爆18歲已經喜愛夜蒲。
郭奕芯自爆18歲已經喜愛夜蒲。(圖片來源:《有酒今晚吹》影片截圖)
郭奕芯 輪流講飲醉酒難忘經歷。
輪流講飲醉酒難忘經歷。(圖片來源:《有酒今晚吹》影片截圖)

郭奕芯 飲一杯就謝晒皮

郭奕芯自認飲酒時非常進取,一係唔飲,試過在慶功宴一飲就撻著,追住人玩遊戲飲酒,講到其中一次最深刻的醉酒經歷,Helen試過飲到覺得自己會死在床上,郭奕芯的經歷就相當驚險,她說:「記得18歲時有一次去蘭桂坊玩,點解覺得嗰次咁大鑊,因我平時酒量係飲一、兩杯都唔會醉,但嗰次只係飲咗一杯紅酒,忽然有人生未試過嘅麻木感,即係篤電話想發短訊,但篤極都篤唔到嗰個字,我知我開始醉喇!連打個字都要諗好耐,遲鈍咗好多好多,比我平日嘅醉係醉10倍。」

郭奕芯好記得18歲當年曾經飲完一杯紅酒就出事。
郭奕芯好記得18歲當年曾經飲完一杯紅酒就出事。(圖片來源:《有酒今晚吹》影片截圖)
郭奕芯自爆落老蘭飲酒疑遭落藥︰「一杯後全身謝晒皮,差啲畀人……」
郭奕芯自爆落老蘭飲酒疑遭落藥︰「一杯後全身謝晒皮,差啲畀人……」(圖片來源:《有酒今晚吹》影片截圖)

娟姐(練美娟)即問︰「係咪畀人落咗藥?」郭奕芯答︰「我都懷疑係,飲咗一杯就全身謝晒皮,差啲俾人強姦……」郭奕芯直言好彩被相識的男友人救走,她才避過一劫,之後夜蒲飲酒都提高驚覺。

娟姐心水清,覺得郭奕芯當年是被人落藥。
娟姐心水清,覺得郭奕芯當年是被人落藥。(圖片來源:《有酒今晚吹》影片截圖)
郭奕芯大爆Helen為人非常宅,試過真係有工作介紹給她,約她出席正經的飯局,她死都唔肯去,畀佢激死。
郭奕芯大爆Helen為人非常宅,試過真係有工作介紹給她,約她出席正經的飯局,她死都唔肯去,畀佢激死。(圖片來源:《有酒今晚吹》影片截圖)

被爆飲酒一定有仔陪

郭奕芯直指每次約Helen去飲酒消遣,她都經常找藉口推搪,Helen解釋自己不想在外飲酒亦不善交際,她較喜歡私人幽靜的環境,更大爆郭奕芯每次的酒局都有男士在場,所以她不想去。另外,郭奕芯亦大爆圈中有不少潛規則,有女星為上位參加K局陪飲酒,藉以換取演出機會,她說:「試過有內地導演話想一齊唱K,我發現有啲女仔好進取,亦有人提示只要飲多幾杯進取啲會有更多機會,我係絕對唔會咁做,呢個世界冇不勞而獲嘅事,再加上我覺得你喺邊度認識嗰個人,嗰個人就會覺得你係咩人,你咁隨便,人哋點解要畀啲咁專業嘅工作畀你呢!」

郭奕芯好為食,邊飲酒邊狂擦即食鮑魚,個樣仲好滿足。
郭奕芯好為食,邊飲酒邊狂擦即食鮑魚,個樣仲好滿足。(圖片來源:《有酒今晚吹》影片截圖)
郭奕芯 娟姐飲到面都紅,不停追鮑魚食。
娟姐飲到面都紅,不停追鮑魚食。(圖片來源:《有酒今晚吹》影片截圖)
郭奕芯在節目內分享自己的經歷,亦係對一眾女士的忠告。
郭奕芯在節目內分享自己的經歷,亦係對一眾女士的忠告。(圖片來源:[email protected]
郭奕芯夜蒲經驗老到,對於18歲那次懷疑被落藥,當刻她意識到危機,好在有男性朋友及時相救,她說︰「我諗如果冇遇到嗰位男性朋友,我下場會係點?」
郭奕芯夜蒲經驗老到,對於18歲那次懷疑被落藥,當刻她意識到危機,好在有男性朋友及時相救,她說︰「我諗如果冇遇到嗰位男性朋友,我下場會係點?」(圖片來源:[email protected]
早前張敬軒曾在節目中表示,近年的女星中最靚係郭奕芯。
早前張敬軒曾在節目中表示,近年的女星中最靚係郭奕芯。(圖片來源:[email protected]

常見問題

將來還有什麼演唱會值得留意?

有不少歌手宣布舉辦演唱會,例如:黃妍五月天BLACKPINK澳門站林敏驄周杰倫COLLARTwins鄭秀文鄭欣宜許冠傑(2月14日公開發售);喜歡K-pop的你亦有福了,ITZYNCT DREAM亦在香港開演唱會!小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

情人節有什麼好去處推介?

情人節想攪攪新意思?多個商場都換上浪漫裝飾,讓情侶們甜蜜打卡,更有商場設置「戶外星空影院」,讓情侶們在漫天星宿下一邊欣賞電影,享受溫馨時光!即看:情人節好去處2023;除此之外,相信各位都很苦惱要揀甚麼餐廳,編輯為大家精選15間情人節餐廳,包括fine dining、自助餐、扒房及米芝蓮餐廳,價錢有平有貴,快啲bookmark定同男女朋友過一個浪漫情人節!

讀者留言