《踩過界》 朱千雪 重投王浩信懷抱
廣告
大台劇《踩過界》都播出一段日子，雖然李佳芯飾演的索女法官真係冇得輸，不過網民最期待的始終係 朱千雪 ！日前劇情講到千雪BB相隔12年同王浩信重遇，重遇固然感人，奈何女神將另嫁他人！經過一輪發展後，千雪雖然決定跟隨王浩信，但就再次被爸爸單立文施計捉走，面臨毒手，到底下場會係點？
朱千雪 重遇王浩信
朱千雪 同王浩信喺劇中本來係一對戀人，但女方12年前突然失蹤，呢日兩人終於重遇，王浩信呢刻當然死攬到對方實一實唔放！可惜……
可惜的是，千雪多年來被爸爸單立文以王浩信安危脅迫，為保愛人安全，佢只好繼續隱瞞事實。另一方面，佢亦即將同銀行太子爺翟威廉結婚，王浩信得悉後頓時失望至極，傷心欲絕；當然千雪BB亦不好過，流著淚忍痛轉身離去。
朱千雪 被逼結婚
大婚背後，其實單立文喺婚禮前收到翟威廉母親五億資金，完全係「賣女」的政治婚姻。而千雪得知王浩信被爸爸派人捉走，為保對方安全，佢又被逼再次違背自己意願，簽下婚書……
睇吓千雪BB個樣幾唔願意！
盲俠被遺棄荒島
婚禮進行的同時，王浩信已被單立文手下遺棄在荒島，不過張振朗同蔡思貝坐大飛再出動埋航拍機，逐個逐個荒島搵，火速就已經救番佢……
王浩信遲來一步
得救的王浩信終於去到婚禮場地，但都係遲來一步，千雪BB已為人妻。雖然千雪心繫王浩信，但同時佢唔想丟下無辜的翟威廉一走了之。
朱千雪 重投王浩信懷抱
不過千雪BB望住王浩信的背影，從前的快樂回憶頓時湧上心頭，最終都係決定重投對方懷抱！睇到呢度，小編突然回想起《EU超時任務》……
獸父單立文教人迷姦自己女兒
千雪跟王浩信走後，與爸爸單立文正式反目，更鬧上法庭申請婚姻無效。最後單立文竟然「出大技」，教翟威廉要要盡快同千雪做對「真夫妻」，更派人用哥羅芳迷暈千雪，送去翟威廉屋企。教人迷姦自己女兒？正一獸父！到底千雪BB最後會點呢？
全文完
將來還有什麼演唱會值得留意？
有不少歌手宣布舉辦演唱會，小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
