朱智賢接受公司訪問無淚索鼻諸多推搪:「抽離唔到角色」、「演戲經驗唔多」、「大家畀機會我」

最新娛聞

廣告

朱智賢黎振燁被拍車廂密會,又被影到兩人去醫院睇醫生,關係撲朔迷離,更有指已婚既黎振燁冷落腹大便便既太太,仲話男方有意離婚,黎振燁暫未現身回應事件,事隔兩人朱智賢在公司安排下面對傳媒公開回應,隨後更接受自己同事訪問剖白「迷失」,不過網民似乎唔太收貨⋯⋯

文:東方新地 圖:TVB 娛樂新聞台 TVB Entertainment News

一直與謝東閔拍拖甜如蜜的33歲朱智賢,近日為無綫劇《食腦喪B》開工,竟與劇中飾演一對的已婚港男黎振燁發展不倫戀!朱黎二人被拍到斷正車廂幽會,男的家有懷孕嬌妻,又正值無綫力捧,在《機場特警》仲要飾演「暖男」,現偷食自毀前程,在公司安排下,事隔一日女方竟然聯同事件中受害者謝東閔現身拆局⋯⋯

傳媒記招不設提問,有在場採訪資深行家都不禁表示「偷食道歉記招嚟講、呢份稿都寫得算差」!
傳媒記招不設提問,有在場採訪資深行家都不禁表示「偷食道歉記招嚟講、呢份稿都寫得算差」!

「抽離唔到角色」、「我都接受唔到自己」、「大家畀機會我」

事後二人接受自己公司的獨家訪問,進一步以游離眼神解說自己的「迷失」:

我覺得自己係一個唔專業嘅演員,我係因為拍劇而導致咁,我承認自己係因為唔夠專業、演戲經驗唔多,所以搞成咁時今日咁⋯⋯我覺得自己抽離唔到個角色(索鼻)⋯⋯同埋 好多謝Brian呢段時間陪住我,因為我知佢承受咗好多⋯⋯

謝東閔表示呢段時間會多啲陪朱智賢,希望可以陪佢「走過呢個階段」。
謝東閔表示呢段時間會多啲陪朱智賢,希望可以陪佢「走過呢個階段」。

堅持係「我一個人嘅事」 唔肯同人哋老婆講對唔住

主持人再追問朱智賢除咗謝東閔仲想同啲咩人道歉,畀晒位佢向黎太講Sorry ,但似乎佢依然唔肯講出呢句說話,仲扭波轉話題,講自己嗲哋:

我最想就係同屋企人講對唔住,我唔想因為自己嘅事影響到屋企人,我即時send短訊畀嗲哋,我唔想因為我一個人嘅事影響到屋企人。同埋我想同劇入面演員講對唔住、對監製講對唔住⋯⋯因為我影響到套劇,我真係好後悔、好內疚,我都接受唔到自己犯呢個錯⋯⋯

朱智賢開記招認錯 謝東閔伴陪度難關

朱智賢開記招認錯 謝東閔伴陪度難關朱智賢同黎振燁被拍車廂密會,又被影到兩人去醫院睇醫生,關係撲朔迷離,更有指已婚既黎振燁冷落腹大便便既太太,仲話男方有意離婚,黎振燁暫未現身回應事件,但朱朱呢日就由謝東閔陪同下開記招公開道歉。#朱智賢 #謝東閔 #黎振燁 #記招 #道歉

Posted by TVB 娛樂新聞台 TVB Entertainment News on Wednesday, April 29, 2020

王喜恥笑、網民唔收貨 一面倒數臭「扮可憐」

對於兩段回應,網友都唔太收貨,在無綫做過消防員但抽離到做KOL的前輩王喜,更在 Facebook 上出帖恥笑:「抽離唔到角色?哈~~~比你撈到個角色鍾意食屎咁
阿伯母咪慳好多米飯?公司咁多過來人前輩做過咁多示範,你都毫無進步,以後點偷食,噢,sorry,點揾食?」 朱智賢接受公司訪問無淚索鼻諸多推搪:「抽離唔到角色」、「演戲經驗唔多」、「大家畀機會我」

《食腦喪B》 角色有幾難抽離?

劇中朱智賢先後戀上三男...如果可以約埋出嚟,應該夠腳打麻將。
劇中朱智賢先後戀上三男…如果可以約埋出嚟,應該夠腳打麻將。

個局愈拆愈衰,黎生繼續冇影,至於《食腦喪B》到底設計了什麼角色令朱智賢抽離唔到?據了解此劇入面朱智賢個角色又真係幾淫亂,一女侍三男,劇中黎振燁都會被派帽:

朱智賢專嗒拍檔!兩度參選港姐均無名次 搭上謝東閔即撇餐廳老闆

近日被揭發與人夫黎振燁、山邊匿車廂私會切蛋糕的姐朱智賢 (Ashley),係2013年落選港姐,入行前做過空姐,目標為本只吼有錢仔,憑J2旅遊節目《3日2夜》大騷身材而人氣急升,狂騷32C上圍加長腿被獲封為新咪神,成功上位!對 朱智賢 來說上位同媾仔一樣重要,本來佢已經有個在中環開餐廳的圈外男友Derak,不過遇上屋企有米的「巨聲幫」謝東閔後 , 朱智賢 貪新忘舊即撇舊愛,姣黐 謝東閔 大半年已心急逼婚,當時仲有說佢「一心部署入豪門」做謝夫人!

朱智賢3年前撇男友箝謝東閔

朱智賢 於2013年參選港姐,與陳凱琳及蔡思貝同屆,惟當時未能入圍決賽,落選後佢簽無綫並入讀訓練班,憑高佻及豐滿身材出位。Ashley去年在J2台旅遊節目《3日2夜》遊台中浸溫泉,先後換上兩套比堅尼大騷32C、23、35噴血身材,成功彈出,近年被安排主持不少旅遊及綜藝節目,節目幾受男觀察歡迎㗎! 朱智賢專嗒拍檔!兩度參選港姐均無名次 搭上謝東閔即撇餐廳老闆

32C身材的朱智賢,一副戰鬥格。
32C身材的朱智賢,一副戰鬥格。
入行四年朱智賢以身材做賣點,無綫亦用到盡。出席宣傳活動,朱智賢與同是咪神的陳婉衡被安排在水上激鬥,玩到小背心走位露事業線是常識吧!
入行四年朱智賢以身材做賣點,無綫亦用到盡。出席宣傳活動,朱智賢與同是咪神的陳婉衡被安排在水上激鬥,玩到小背心走位露事業線是常識吧!

秘戀餐廳老闆 扮晒女主人現身

有胸又有腦的 朱智賢 一副戰鬥格,2016年被踢爆與Lobster Central餐廳其中一位老闆Derak秘密拍拖兩年,餐廳開張時,朱智賢以半個女主人身份現身支持,見男友被大班女仔圍住影相,她即縞實男友手臂宣示主權。當時她更坦白承認戀情,表示「與男友拍拖已一段時間,感情都好穩定」⋯⋯

朱智賢的圈外男友是Lobster Central其中一個老闆,年約30歲個樣似足韓星Rain,冇家底全靠自己創業,講條件,屋企開按摩店與食店的謝東閔應該高一線。
朱智賢的圈外男友是Lobster Central其中一個老闆,年約30歲個樣似足韓星Rain,冇家底全靠自己創業,講條件,屋企開按摩店與食店的謝東閔應該高一線。

專嗒拍檔 寓工作於拍拖

不過近半年 朱智賢 卻與「巨聲幫」的闊少謝東閔愈行愈埋,早前Ashley與謝東閔早前一齊拍《Big Boys歷險記》,在記者會上二人合照有默契笑晒。談到在節目中探險有緋聞男友謝東閔貼身照顧,怕黑的Ashley卻聲稱唔需要勞煩佢。

朱智賢專嗒拍檔!兩度參選港姐均無名次 搭上謝東閔即撇餐廳老闆

在公在私,朱智賢都mark實謝東閔,早前二人拍《Big Boys歷險記》更攞正牌寓工作於拍拖。
在公在私,朱智賢都mark實謝東閔,早前二人拍《Big Boys歷險記》更攞正牌寓工作於拍拖。

覓食斷正 融入朋友圈

朱智賢 與謝東閔矢口否認拍拖,但早前卻被粉絲當場斷正,二人與友人在餐廳醫肚,當時謝東閔對女友照顧周到,一碟嘢兩份食。身為crazy runner成員的謝東閔,今年一月尾帶埋Ashley出席在胡諾言家中開的聚餐,可見二人拍拖已是不爭的事實。

朱智賢專嗒拍檔!兩度參選港姐均無名次 搭上謝東閔即撇餐廳老闆

朱智賢 姣黐謝東閔

據知Ashley入行前做過空姐,目標為本只吼有錢仔,佢識Derak時以為對方有家底,之後發覺Derak只係餐廳一個小股東。後來因為做嘢同謝東閔混熟咗愈行愈埋,有段時間仲一腳踏兩船。Ashley計過度過,謝東閔有錢咁多,梗係唔放過啦!

後來Ashley同Derak正式分手,同謝東閔更加唔避忌,謝東閔不時揸車接女友放工,又成日孖住出席圍內朋友飯局。早前兩個一齊拍《Big Boys歷險記》,不時去荒山野嶺拍外鏡,據知Ashley成日捉實男方,喺電視城兩人嘅關係都半公開!Ashley份人又好進擊,成日有意無意向Brian提結婚,不過男方連公開戀情都未肯,睇嚟冇咁快畀Ashley夾到。

朱智賢專嗒拍檔!兩度參選港姐均無名次 搭上謝東閔即撇餐廳老闆
咁多年嚟朱智賢都對各式蛋糕不離不棄⋯⋯似乎真係一個西餅達人。