李亞男心急想生BB 向好姊妹鍾嘉欣請教
廣告
藝人李亞男日前以大使身份出席灣仔一間學校的慈善活動，並向同學們分享護眼心得。活動中，李亞男透露與老公王祖藍已經努力開始「造人」大計，更指已向好姐妹鍾嘉欣請教生b秘訣！
撰文：東方新地｜圖片：新傳媒圖片庫
李亞男恨生bb
現時33歲的藝人李亞男於2015年與王祖藍結婚，至今二人仍未有小朋友，最近佢出席一間學校的慈善活動，向同學仔分享護眼心得之餘，仲同同學仔互動十足。活動中，李亞男透露自己好心癢癢想生bb，皆因唔少身邊朋友就連同助手都經已「造人」成功，所以佢都同老公王祖藍不斷努力中！
王祖藍留港努力「造人」
李亞男更大讚老公祖藍好好，唔單止多咗時間留喺香港，就連有時間都冇點搵朋友，得閒都會留番啲時間俾佢。佢仲話唔想畀壓力老公，所以都係順其自然。
李亞男得長輩指點
被問到長輩有冇傳授生BB秘方，李亞男就話長輩叫佢哋倆公婆放多啲假，仲話之前佢上綜藝節目贏咗啲「瑪卡」（據知具有生理調節功效），因起初唔知係咩嚟放埋咗一邊，笑言依家要搵番出嚟。
李亞男向好姊妹請教生b秘訣
另外，有記者提到其好姊妹鍾嘉欣已懷有第二胎，會否請教生bb秘訣，李亞男則笑說：「嘉欣真係好勁、好犀利，佢話最緊要放鬆心情，做番自己，我都有煲湯畀自己同祖藍飲，同埋食吓保健食品。」
延伸閱讀：
趙希洛「御用癲婆」係隱形女筍盤 父經營石油生意
將來還有什麼演唱會值得留意？
有不少歌手宣布舉辦演唱會，小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
