李佳芯

39歲李佳芯自認曾對人夫視帝有感覺:如果佢未結婚,真係會中

最新娛聞

廣告

現時39歲的李佳芯於2021年與與陳炳銓分手結束7年情之後,感情狀況一直空白,早前曾經傳過她與「蟲草大王」陳恩德秘戀,不過及後李佳芯亦落閘拒認愛,令對方心酸一度徹走對TVB的廣告費(後已重返)。雖然李佳芯十足「冰山美人」,但原來她亦曾經對一名前輩級人夫演員動情,「如果我早幾年入行,如果佢未結婚,真係會中,因為佢真係一個太好嘅男人。」

李佳芯 《絲打圍爐》主持分別有蝦頭楊詩敏、連詩雅。
《絲打圍爐》主持分別有蝦頭楊詩敏、連詩雅。(圖片來源:ChillGOOD TV圖片)
李佳芯
(圖片來源:[email protected] TV)

李佳芯自認因拍戲迷戀對手

李佳芯日前作客網上節目《絲打圍爐》,大談與異性撻著的行為,提到「拍對手戲」時,身為視后的李佳芯尤其多感受:「演員投入角色,嗰段時間會當真咁做,因為對得太耐,日對夜對,其實演員真係容易撻着,我慶幸自己咁遲開始拍戲,因為有時心諗,完咗之後大家依然繼續,真係會容易…甚至乎鍾意咗對方,會懷疑自己係咪鍾意咗佢,有時真係會迷失咗…唔知係咪演員底,演員啲感情好容易流出去,細個唔識控制,流出去收唔返。而家大個咗,就識得控制情緒,嗰啲假嘅、表面表面,識得區分。」

李佳芯
(圖片來源:[email protected] TV)

李佳芯直認曾戀上陳豪

提到真實例子,李佳芯第一個即諗起陳豪,更大讚對方好到不得了:「阿Mo(陳豪)囉,真係阿Mo,我好多套劇同佢一齊,《潮流教主》嗰時係敵對,加上我好慢熱,好少同藝人好快熟絡,嗰時同佢好唔熟。直至《誇世代》開始熟,我哋喺戲裏面係一對,開始真係投入,阿Mo真係好友善,無論戲內戲外都好照顧,係好爸爸、好老公。我作為後輩有時會問佢意見,佢好樂意解答後輩問題。去到《誇世代》同《殺手》之間,真係覺得呢個男人,如果我早幾年入行,如果佢未結婚,真係會中,因為佢真係一個太好嘅男人。」

李佳芯之後又爆陳豪與老婆陳茵媺到底有幾咁恩愛:「晚晚同佢開劇,佢會同Aimee(陳茵媺)視像通話,好甜蜜,呢個男人好到做老公一流,你會有呢種感覺。」連詩雅再問她:「有少少幻想?」Ali坦言:「係,會有種『去邊度搵呢種男人』嘅感覺囉。」

李佳芯 二人由《誇世代》開始熟絡
二人由《誇世代》開始熟絡(圖片來源:劇集截圖)

相關文章:39歲李佳芯自嘲一把年紀「乜都得」 面對感情事來者不拒?

李佳芯自嘲一把年紀感情事「乜都得」

李佳芯早前與「蟲草大王」陳恩德傳出緋聞,事後無疾而終,但其實Ali都擔心自己會孤獨終老!日前接受訪問時自嘲,自己都有一定年紀,面對感情事「乜都得」。她又提到,緣份之事不能強求,但外界競爭大,比自己漂亮、身材好的大有人在,生怕自己等吓等吓就變成不婚不嫁,雖然很多女星都是這樣,但始於會擔心自己。

雖然李佳芯童顏夠青春,但女神其實都39歲,面對感情事,她自嘲一把年紀「乜都得」。
雖然李佳芯童顏夠青春,但女神其實都39歲,面對感情事,她自嘲一把年紀「乜都得」。(圖片來源:[email protected]

常見問題

李佳芯因那部劇曾戀上陳豪?

李佳芯提到「拍對手戲」時,身為視后的李佳芯尤其多感受,直言與陳豪曾於劇中因太投入,而對方戲內戲外都⋯⋯詳情請看

李佳芯對感情事有何睇法?

李佳芯提到緣份之事不能強求,但外界競爭大,生怕自己⋯⋯詳情請看

撰文:東方新地(部分內容轉載自SundayKISS)圖片來源:ChillGOOD TV、[email protected]、截圖截圖、劇照資料或影片來源:ChillGOOD TV

讀者留言