李元玲

李元玲爆男友偷食閨密第二波 公開H先生「獵食」手法

最新娛聞

廣告

「大馬鋼琴女神」李元玲(Cathryn)日前在IG自爆男友偷食閨密發出「渣男警告」,估唔到事件仲有餘波⋯⋯男主角「H」怕講多錯多不想回應,今日(4月12日)李元玲再爆料,公開「H」先生的「獵食」手法。

李元玲 李元玲難得分享與男子親密合照,點知原來係為了發出「渣男警告」!
李元玲日前難得分享與男子親密合照,點知原來係為了發出「渣男警告」!(圖片來源[email protected]

李元玲 再爆渣男惡行

上回講到,32歲的「大馬鋼琴女神」李元玲自爆前男友「H先生」偷食自己閨密,一於在社交網圖文並茂大踢爆,將自稱單身的渣男惡行公諸於世,現在全世界都知「H先生」是個不知足的渣男,有李元玲咁索咁完美的女朋友都要偷食,真係罪加一等。李元玲自爆後仍未能一洩心頭之忿,有網民問起前男友的底蘊,令她再度爆料。

李元玲 李元玲豪不畏懼踢爆前男友「H先生」的惡行。
李元玲豪不畏懼踢爆前男友「H先生」的惡行。(圖片來源:[email protected]
李元玲 李元玲被問到前男友的身份,她直指對方不是高富帥也沒有才華,只是一個普通打工仔。
李元玲被問到前男友的身份,她直指對方不是高富帥也沒有才華,只是一個普通打工仔。(圖片來源:[email protected]

「H先生」唔否認亦唔敢回應

李元玲公開呼籲各位女性要小心此人之餘,更力數對方前男友「惡行」,事件通天後男主角「H先生」未有否認李元玲對他的指控,並回覆馬來西亞傳媒表示:「我沒有回應,不好意思,我回應的話會有愈多事情。」唔想講多錯多惟有收口。

李元玲 對於李元玲的指控,「H先生」未有否認。
對於李元玲的指控,「H先生」未有否認。(圖片來源:[email protected]

踢爆「H先生」專食兄弟女友

網民都對「H先生」如何攻陷李元玲芳心感到好奇,並於社交網問有關其前男友的底蘊,李元玲透露「H先生」不健身、只是從事IT行業的打工仔,更進一步揭露對方的「獵食」手法:「雖然他不是高富帥也沒才華,但我不介意!他一開始對我的用心真的讓我心動了,把自己所有能付出的都付出了,還以為一個平庸老實人,不會壞到哪裡去,可以一起過日子,原來我遇到了偽君子渣男慣犯,喜歡在夜店找獵物吃,他看準我不敢揭發他,因此越玩越囂張,專門喜歡背著兄弟撩他們的對象……男生們,真的千萬別介紹自己的對象給他認識!任何一個美女,他都不會放過!全部通吃!他搶了你的女人還會一副淡定又勝利的模樣,跟你說,是她自己送上門的。」

李元玲 李元玲表示不介意前男友的出身,可惜遇人不淑。
李元玲表示不介意前男友的出身,可惜遇人不淑。(圖片來源:[email protected]
李元玲 李元玲咁完美「H先生」都唔珍惜,真係錯得好緊要。
李元玲咁完美「H先生」都唔珍惜,真係錯得好緊要。(圖片來源:[email protected]

李元玲前度聲稱單身 同時偷食多人

李元玲(Cathryn)除咗琴技了得,由於經常做運動,弗爆身材亦係佢嘅標記。而今日佢喺Instagram上載咗三張同前男友嘅合照,點解係「前」男友,事關李元玲呢個帖嘅第一句就係「渣男Alert !」(渣男警告),根據佢所講呢位男友曾經唔止出軌,對象仲係李元玲嘅朋友。李元玲仲警告所有女性唔好再上當,指前男友聲稱自己單身,而家仲同好多女性有曖昧。

李元玲 李元玲公開了三張同前度嘅合照
李元玲公開了多張同前度嘅豪宅家居合照!(圖片來源:[email protected]

李元玲前男友同閨密因唱K而「結緣」

除咗喺Instagram出帖「警世」,李元玲前一晚已經喺限時動態訴心聲,話被男友呃感情之餘,仲被閨密背叛,又話要自己一個人面對真係好可怕,今次上咗好寶貴嘅一課。到咗今日佢再「加碼 」,貼出背叛佢嗰位閨密嘅合照,並留言:「帶我男友出來唱K,介紹我朋友們給他認識,她就背著我私底下跟他約會,真的不敢再相信閨蜜。」睇嚟佢真係傷得好重。

李元玲 李元玲上載與背佢嘅閨密合照
李元玲上載與背佢嘅閨密合照(圖片來源:[email protected]
李元玲 由IG限時動態嘅字裏行間睇得李元玲被背叛後幾咁難過
由IG限時動態嘅字裏行間睇得李元玲被背叛後幾咁難過。(圖片來源:[email protected]

李元玲憶述相戀過程到被背叛 呻唔敢再信男人

李元玲去到4月10日黃昏以長文講番同前度當初由相識到熱戀,再到情變嘅過程。

佢話起初覺得呢個男人係無害又正直嘅暖男,所以一齊。拍拖嗰陣,考慮到對方嘅經濟同面子,所以都唔敢去高級餐廳消費,只係敢食經濟餐。又謂為咗俾對方安全感同信任,李元玲從來唔會同異性有任何灰色地帶嘅關係,有個咁好嘅女友都未滿足。李元玲指控前度自從認識咗佢嘅朋友,就偷約會佢嘅女性朋友,甚至連男性朋友睇中嘅心儀對象都唔放過。咁都未算最 「渣」嘅行為,前度仲「渣」到同李元玲嘅朋友講,係被李元玲單方面纏住佢唔放。

李元玲 李元玲表示,拍拖嗰陣,考慮到對方嘅經濟同面子,去餐廳都係女方埋單比較多。
李元玲表示拍拖嗰陣,考慮到對方嘅經濟同面子,去餐廳都係女方埋單比較多。(圖片來源:[email protected]

食飯唔埋單 李元玲仲有大把證據在手

雖然李元玲有大把證據證明男友偷食,不過因為愛得太深驚失去,每次都選擇忍受,結果到最後無限量嘅付出,只係換嚟絕情,背叛,欺騙,劈腿,謊言以及推卸責任。經歷呢次情傷,李元玲透露用咗好長時間沉浸喺極大痛苦中,又話唔敢再相信男人,希望自己能夠放下過去,從新開始,仲話有好男人等緊佢,有唔少網民留言為佢打氣加油。

李元玲 李元玲力數前度渣男行為
李元玲力數前度渣男行為。(圖片來源:[email protected]

李元玲身材弗爆 自爆曾被要求「潛規則」

現年32歲嘅李元玲係鋼琴王子李雲迪愛徒,近年經常喺社交網大晒弗爆泳衣同健身相,身高168CM嘅佢曾經公開三圍數字「32C、23、36」,一度被杜汶澤封為「馬來西亞籮柚王」,以天使面孔加上魔鬼身材,喺Instagram臣服咗逾223萬追隨者。另外,李元玲言論作風都好大膽,舊年曾經點名大爆自己曾被導演監製要求飲酒陪睡,嚟換取角色的潛規則。

李元玲 李元玲經常喺社交網派福利
李元玲經常喺社交網派福利(圖片來源:[email protected]
李元玲 不時大騷完美身材。
不時大騷完美身材。(圖片來源:[email protected]
李元玲 李元玲喺社交網晒身材多過晒琴技
李元玲喺社交網晒身材多過晒琴技。(圖片來源:[email protected]
李元玲 連彈琴都咁性感,難怪有咁多追隨者
連彈琴都咁性感,難怪有咁多追隨者。(圖片來源:[email protected]
李元玲 被封「馬來西亞籮柚王」,唔係冇原因
被封「馬來西亞籮柚王」,唔係冇原因。(圖片來源:[email protected]

常見問題

李元玲為何忽然公開與男友的合照?

李元玲不單只發佈了三張與男友的合照,更寫道警告所有女性要小心⋯⋯詳情請看

李元玲男友與閨蜜如何搭上?

李元玲除了公開男友合照警告大家之外,於限時動態亦放上與閨蜜的合照並寫上二人如何背叛她⋯⋯詳情請看

撰文:東方新地圖片來源:[email protected]

讀者留言