李克勤

李克勤演唱會2023|3.29公開發售!久違六年再踏紅館開4場

最新娛聞

廣告

李克勤2003年前曾經與香港管弦樂團合作過紅館的演唱會,廿年後大家再次相逢,相當興奮。久違六年,李克勤今日再踏紅館開個唱跟歌迷見面,5月13-16日,舉行「AXA安盛presents 弦續李克勤‧港樂演唱會」,演唱會將於22/3優先訂票,29/3公開發售。

李克勤演唱會
久違六年,李克勤今日再踏紅館開個唱跟歌迷見面,5月13-16日舉行「AXA安盛presents 弦續李克勤‧港樂演唱會」,演唱會將於29/3公開發售(圖片來源:官方提供)

弦續李克勤‧港樂演唱會|聯合國式音樂 友情大交流

最近克勤非常忙碌,剛由新加坡、曼谷等地演出回來,馬上就開工為演唱會籌備及開會。他表示今次這個演唱會,可以話係聯合國式音樂及友情上大交流,因為香港管樂團的朋友,來自五湖四海,首藉指揮是菲律賓人,吹小號是泰國人,另外又有英國,法國、及日本、香港等樂手。

近日大家不斷開會及進行演唱會內容籌備工作,克勤謂第一次做演唱會,籌備工作如此歡樂: 「我同菲律賓藉總指揮謝拉特.莎朗嘉 GERARD SALONGA 開會,地點係哥爾夫球場,一路打波一路傾音樂,呢幾年好少有時間落到場打哥爾夫,所以個日真係開心到不得了,同埋好意外,佢唔止叻音樂,佢打哥爾夫都一樣咁叻。

然後,同圓號( Horn)李少霖及李太胡淑徽一齊上左山頂,佢兩個o既愛情故事,直頭可以用來拍部戲,兩個係遠矩離戀愛始祖,十幾年來談情係靠書信神交。佢地有問我有冇寫過情信比老婆,我話梗係有啦,佢地互相寫左幾百封情信。我重有寫過情歌《妳是我的太陽》送 比老婆添。」

李克勤演唱會
同菲律賓藉總指揮謝拉特.莎朗嘉 GERARD SALONGA 開會,地點係哥爾夫球場,一路打波一路傾音樂(圖片來源:官方提供)
李克勤演唱會
同圓號( Horn)李少霖及李太胡淑徽一齊上左山頂(圖片來源:官方提供)

這班管樂大師之中,克勤謂最搞笑係首席吹小號( Principal Trumpet)的巴力勛 Nitiphum Bamrungbanthum,「佢係泰國人,佢帶左我去試香港最地道的泰式按摩,走個陣,佢叫我同按摩講,tell那媽….我問佢做咩叫我鬧人,佢話泰文tell那媽係下次再來、下次再見咁解…笑到我眼水標。」

李克勤演唱會
首席吹小號( Principal Trumpet)的巴力勛 Nitiphum Bamrungbanthum(圖片來源:官方提供)

與樂手開會 充滿歡樂

問到克勤點解開會唔係正正經經,而係去呢度個度,聽落似玩多過做,克勤謂並非如此,去呢度個度,其實係會拍一些特別的影片,到時於演唱會中穿插,為觀眾帶來歡樂,保証大家會覺得好得意,好好睇,至於當中是什麼就入場先知。而舞台今次設計都係非常之特別,希望大家入場會有驚喜。

談到早前優先訂購,火促爆滿,會不會再加場?克勤就表示,一切看場地檔期及公司安排,我剩係知我老婆最想我加場,因為佢負責接所有朋友訂飛,佢日日同都好緊張我講,你公司會唔會唔夠飛架,太多人落飛,驚到時冇飛得罪朋友。

李克勤演唱會
問到克勤點解開會唔係正正經經,而係去呢度個度,聽落似玩多過做,克勤謂並非如此,去呢度個度,其實係會拍一些特別的影片,到時於演唱會中穿插,為觀眾帶來歡樂,保証大家會覺得好得意,好好睇(圖片來源:官方提供)

李克勤與港樂近六十人大樂隊拍攝留念

是次拍攝,非常大陣仗,皆因李克勤希望與港樂近六十人大樂隊一起拍攝留念,所以大會特地移師到演奏廳進行,由早影到傍晚。廿年前克勤曾經與香港管弦樂團合作過紅館的演唱會,廿年後大家再次相逢,感情經過歲月,亦增加了厚度,所以海報計設上亦沿著濃濃友情出發,用兒時 玩具帶出由細玩到大的溫馨及歡樂。單是海報上見到平日總是西裝骨骨、正襟危坐的管弦樂團,個個像小朋友一樣拿著玩具,與克勤你打我鬧的神態,都已經感受到這是一個繽紛歡樂的演唱會。

克勤笑著說:「影海報當然心情係極度興奮,好大陣仗呀今次,人多勢眾,覺得好熱鬧,好開心,回想返對上一次合作,已經係20年前。當年我只係7,8歲啦,哈哈哈….. 個種感覺係,你識個朋友二十年,再一次合作,大家無論係感情、功力上都有升華。今次張海報主要係想表達呢個騷,主要係要話俾大家知,音樂可以有好嚴肅一面,亦可以好輕鬆快樂, 個騷好認真做亦可以好好玩。」

李克勤演唱會
是次拍攝,非常大陣仗,皆因李克勤希望與港樂近六十人大樂隊一起拍攝留念,所以大會特地移師到演奏廳進行,由早影到傍晚(圖片來源:官方提供)

由老婆負責揀衫 真空上陣差啲走光

是次挑選西裝拍照,,克勤謂都是由老婆負責揀衫,「我拆開個衫袋,以為自己帶少左襯衫,點知打俾老婆,佢話:你識咩,總之入面真空啦,乜都唔駛著,係咁先靚。老婆話乜就乜啦…覺得入面涼浸浸咁。影個陣有工作人員竟然提我,李生你走光呀!哈哈….麻甩佬都有人提走光,我覺得好好笑。」

李克勤演唱會
是次挑選西裝拍照,,克勤謂都是由老婆負責揀衫(圖片來源:官方提供)

等到頸長 恨再踏上紅館

克勤又謂,疫情之後,相信每一個對音樂有憧憬的歌手,都等到頸長,好恨再一次紅館做騷,「今次個騷,我希望歌迷觀眾可以多些參予,所以其實已經係社交媒體上面,叫歌迷留言俾我,想聽咩歌,大家同我一齊揀,我地會以最勁管弦樂團合音樂,重新編排,最正視覺效果,帶比大家震憾的音樂盛宴,「我發覺我好多經典歌,同管弦樂真係係夢幻聯動,經過管樂演奏,首歌氣質會變得非凡,並且震憾。我地已經開始籌備緊好多新元素係個騷入面,呢輪日日開會,為個騷拍攝影片咁,都好忙下,自己操練就都係咁上下,我不嬲都大量運動,唔係打波就踢波,所以都唔駛點狂操。」問到演唱會會否有特別嘉賓,克勤就笑道,「有。其中一晚重會有一個來頭好猛嘉賓添,就睇下大家買飛買唔買得中啦。」

AXA安盛 presents 弦續李克勤‧港樂演唱會
日期 / 時間: 2023年5月13 – 16日 / 8:15PM
地點: 紅磡香港體育館
票價: $980 / $580 / $380
購票平台: 城市售票網
門票公開發售日期: 3月29日起
電話購票: 3166 1288
票務查詢及客戶服務: 3166 1100
節目查詢: 2835 6688
查詢網址: www.eeg.zone

主辦機構:英皇娛樂

合辦機構:耀榮文化

冠名贊助:AXA安盛

指定信用卡:恒生Mastercard

贊助:溥儀眼鏡 / 英皇金融集團 / 國泰

弦續感動:商業電台

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

圖片來源:官方發相