李幸倪 英皇娛樂

李幸倪加盟英皇娛樂 大讚新公司自由度高:完全係100%信任我!

最新娛聞

廣告

踏入2023年,李幸倪(Gin Lee)宣布正式加盟英皇娛樂,新歌《Dum Dum》在1月12 日上架,今次選擇耳目一新的快歌,MV動作連場,而Gin Lee最感興奮是能夠首度與Wyman合作,據雙方透露,填詞作品仲唔止一首⋯⋯

Gin Lee Wyman 填詞 李幸倪 英皇娛樂 李幸倪 英皇娛樂 加盟英皇。
Gin Lee加盟英皇,新歌《Dum Dum》1月12日各大音樂平台上綫。(圖片來源:英皇娛樂提供)

Gin Lee大讃新公司誠意十足

出道十二年,Gin Lee決定跳出一直以來的舒適圈,問到簽約新公司的契機,她表示接觸過幾間不同的公司,在整個過程中,覺得新公司誠意十足,同時亦跟自己的理念一致,「我覺得最重要係大家嘅方向同理念一致,接觸過咁多間公司,EEG同我嘅方向係最接近,方向好清晰,大家有共識未來嘅方向。」

Gin Lee Wyman 填詞 李幸倪 英皇娛樂 李幸倪 英皇娛樂 覺得新公司誠意十足。
覺得新公司誠意十足。(圖片來源:英皇娛樂提供)

Wyman 自爆二人 「十年之約」

1月12日公開的新歌《Dum Dum》是首耳目一新、節奏感強的快板歌曲,MV更是動作連場,負責填詞的Wyman就分享了今次合作的心得,原來二人互相等往合作已超過10年 。Wyman透露「時機一到,她馬上就來找我,我馬上就敞開懷抱說好好好好好。」說到這個十年之約,Wyman本來都唔相信Gin有這個耐性,但被她的誠意感動,更留言說「間中能與這種暖呼呼真憑實據碰個滿懷,也是種行氣活血的適時鼓勵。」

Gin Lee Wyman 填詞 李幸倪 英皇娛樂 新歌造型曝光。
新歌造型曝光。(圖片來源:GinLee)

承諾「至少生兩件」網上互動預告第二胎

但原來Wyman最想為Gin寫一首慢歌,但目前Gin覺得加盟新公司最恰當頭炮是是首中快板,於是二人決定了「至少會生兩件」對於Wyman的分享Gin Lee 也有留言「由第一次冒昧發短訊俾你,到我哋深夜嘅對話,再到親身感受你份歌詞嘅魅力,我,終於等到。」感謝之餘又打趣說「二女係咪要培養佢琴棋書畫」⋯⋯

Gin Lee Wyman 填詞 李幸倪 英皇娛樂 Gin Lee 新歌《DumDum》
Gin Lee 新歌《DumDum》(圖片來源:英皇娛樂 )

Gin Lee感新公司自由度高

除此之外,Gin又謂自由度高亦是她簽約的原因之一,「新公司俾好大好大嘅自由度我,特別係音樂、形象上面,完全係100%信任我!令我覺得好舒服。另外,亦都可以同好多唔同嘅音樂單位合作,好有新衝擊。好似我首新歌,終於等到時機可以同Wyman合作。大家嚟緊可以留意我新歌、形象,都會有好大嘅轉變。」

李幸倪 英皇娛樂 gin lee Gin終於等到時機可以同Wyman合作。
Gin終於等到時機可以同Wyman合作。(圖片來源:IG@ginleeginlee)

迎接家人到香港居住 回應「轉會費」Package好滿意

新一年新聞始,為了全程投入音樂事業,Gin更將家人從馬來西亞接到香港居住:「以往喺香港工作,都會擔心喺馬來西亞嘅屋企人生活成點?雖然會打電話、facetime,但始終自己唔喺佢哋身邊,都會有擔心,而家接咗佢哋嚟香港住,咁我就可以投放晒精神喺事業上,所以其實今次都係一個好大嘅決定。」至於「轉會費」,Gin坦言十分滿意:「咁當然唔係單單因為酬勞,係所有配套,係一個整體嘅package。」

Gin Lee Wyman 填詞 李幸倪 英皇娛樂 李幸倪 英皇娛樂 好型。
好型。(圖片來源:英皇娛樂提供)

Gin Lee認為入咗大家庭

她又謂雖然加入公司只是一段短時間,但已感覺到無論是藝人還是同事,已經像大家庭一樣。問到最想跟公司哪一位藝人合作,她表示希望可以跟公司不同的藝人合作,「無論喺音樂上定係電影上,而且好多歌手都認識咗好多年,一直都冇機會合作,所以希望嚟緊同大家有多啲交流。」

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

撰文:東方新地圖片來源:英皇娛樂