李旻芳

《東張》女神李旻芳無視寒風 著Bra Top捉龍蝦晒澎湃身材

最新娛聞

廣告

擁有34C激凸身材的《東張西望》女神李旻芳,雖然已在前年嫁給同樣是《東張西望》主持的黃耀英,升呢做人妻,但依然深受網民喜愛,日前她跳出《東張西望》,為藝人方紹聰主持的節目《野外步出》擔任嘉賓,更著上橙紅色Bra Top親自落海捉龍蝦享用,網民都留言大讚她「秀色可餐」!

文:東方新地|圖:新傳媒圖片庫、李旻芳IG圖片及節目預告片截圖

李旻芳 同陽光玩遊戲

現年33歲的李旻芳(Lucy)作為無綫《東張西望》主持,向有「東張咪神」之稱,日前她在社交網上載了一段影片,片中可見她為藝人「奶仔」方紹聰主持的節目《野外步出》擔任嘉賓,一齊到小島探險,除了大玩水上活動外,兩人更親自落海捉龍蝦享用。

李旻芳《野外步出》
李旻芳在IG上載了為方紹聰主持節目《野外步出》任嘉賓的預告片。

不過今次網民的焦點又再落在李旻芳的衣著上,原來她在除低外套後,身上著住一件橙紅色Bra Top,輕露34C事業線之餘,視覺效果亦比身後海浪更加澎湃,網民睇完片段後都留言大讚:「秀色可餐」、「真.東張女神」,更話「一定會準時收睇」節目!

李旻芳《野外步出》
除低外套後,李旻芳原來身上著住一件橙紅色Bra Top。
李旻芳《野外步出》
捉龍蝦時李旻芳嘅34C身材視覺效果相當澎湃。

李旻芳在上載預告片的同時又留言說:「其實我好鍾意做運動同同陽光玩遊戲架(㗎) !如果有任何關於做運動或者同動物有關嘅拍攝節目或廣告!歡樂(迎)隨時聯絡我經理人度期啊!」

李旻芳《野外步出》
李旻芳話自己好鍾意做運動以及同陽光玩遊戲。
李旻芳《野外步出》
愛狗嘅佢仲話想拍同動物有關嘅節目或者廣告。

被問到性感上陣擔唔擔心老公黃耀英呷醋,李旻芳話:「唔會!健康性感老公一啲都唔介意,仲鼓勵我拍多啲呢類形節目!」

李旻芳《野外步出》
李旻芳笑指老公黃耀英都鼓勵佢拍多啲健康性感類形嘅節目。
李旻芳《野外步出》
李旻芳平日做無綫《東張西望》主持時都愛著緊身Tee上陣。

重溫李旻芳經典激凸場面:巨乳版任何仁

作為《東張西望》主持,李旻芳繼在節目內獻出緊身白Tee劈柴露營的名場面後,去年初在採訪抗疫口罩的街訪中,又有出位作,雖然天氣寒冷,但無阻呢位去已經出嫁成為人妻的主播,戴罩激凸的藍衫造型,更被網民指好似消防代言吉祥物「任何仁」!

李旻芳《野外步出》
李旻芳著緊身藍Tee出動追訪口罩及消毒洗手液等缺貨的情況。
李旻芳《野外步出》
有網民提議消防署請李旻芳做巨乳版「任何仁」。

話說去年初的《東張西望》提及香港亦受疫情影響,市面亦出現口罩及消毒洗手液等缺貨的情況,更有商人借機謀取暴利。主持李旻芳就出動採訪,雖然帶上口罩,但仍無阻觀眾認識佢嘅出眾之處:

李旻芳《野外步出》
男街坊都唔知望邊處好…..
李旻芳《野外步出》
大家都唔敢望佢⋯⋯
李旻芳《野外步出》
網友一句總結當時場面:「好過份!人哋有鎅波袋都輸!」

著緊身白Tee盪奶劈柴

李旻芳又曾在《東張西望》介紹長洲西園特式營帳以及野外製作「乞兒雞」,但網友焦點就完全集中在落力劈柴的女主持身上:

李旻芳《野外步出》
有巴打發帖問:「其實《東張西望》係介紹露營定女主持對嘢?」
李旻芳《野外步出》
隻雞Ready了,鏡頭就聚焦擺上枱嘅一對…..手!
李旻芳《野外步出》
食到自己親手撕嘅雞,係開心嘅。

人美心更美 為照顧愛犬暫停生B大計

李旻芳在前年11月下嫁無綫藝員黃耀英,結婚一年多不時在IG放閃晒恩愛,兩人本已講明有生B計劃,不過卻甘願為了14歲愛犬而延遲生育大計,李旻芳更媽媽上身不時孭住愛犬出行,對愛犬照顧得無微不至!

李旻芳《野外步出》
李旻芳和黃耀英至今已拍拖六年、結婚一年多,一直非常恩愛。
李旻芳《野外步出》
兩口子為照顧兩隻年老愛犬,決定延遲生B大計。
李旻芳《野外步出》
李旻芳話:「只要我仲行得走得!我會一直帶住你哋同我一齊行!」

讀者留言