李泳豪

李泳豪徹底放低舊愛楊思琦 與圈外台灣女友結婚恨生B

最新娛聞

廣告

現年42歲嘅李泳豪曾與楊思琦拍拖9年,當大家以為佢哋會拉埋天窗,點知楊思琦就被爆未婚生女,情傷與分手之痛令李泳豪單身多年,至兩年幾前先識到而家嘅台灣女友Agnes Lin,日前更宣布結婚好消息!

李泳豪 現年42歲嘅李泳豪今日宣布同台灣女友Agnes Lin入紙結婚!
現年42歲嘅李泳豪今日宣布同台灣女友Agnes Lin入紙結婚!(圖片來源:Facebook@gregleewingho)

大讚台灣女友充滿正能量 一早有結婚計劃恨生B

據知李泳豪同台灣女友Agnes Lin拍拖幾個月已經見晒家長,鼎爺(李家鼎)當時對未來新抱讚口不絕,開晒綠燈叫個仔結婚。李泳豪亦覺得女友Agnes Lin為人思想成熟兼諗法正面,可以俾到好多正能量自己,而且做嘢勤力,肯腳踏實地做好寵物美容師工作,加上相處舒服,所以二人一早有結婚計劃。另外,李泳豪而家希望婚後可以盡快生B,組織三小口家庭。不過有網民就留言表示,Agnes其實有幾分似楊思琦,尤其是個笑容,一樣有啲蘋果肌凸出。

李泳豪 鼎爺李家鼎)一早開晒綠燈,叫李泳豪同台灣女友Agnes Lin結婚。
鼎爺(李家鼎)一早開晒綠燈,叫李泳豪同台灣女友Agnes Lin結婚。(圖片來源:IG@drift_greg)
李泳豪 李泳豪台灣女友Agnes Lin早已融入李家生活。
李泳豪台灣女友Agnes Lin早已融入李家生活。(圖片來源:IG@drift_greg)
李泳豪 李泳豪台灣女友Agnes Lin同樣係愛狗之人。
李泳豪台灣女友Agnes Lin同樣係愛狗之人。(圖片來源:[email protected]
李泳豪 李泳豪話同女友Agnes Lin一早有結婚計劃。
李泳豪話同女友Agnes Lin一早有結婚計劃。(圖片來源:Facebook@gregleewingho)

李泳豪親認徹底放低舊愛楊思琦

李泳豪2011年同楊思琦分手後一直寄情工作,除咗拍《愛回家》,亦發展餐飲業小生意,忙過不停,但爸爸鼎爺(李家鼎)仲係好擔心李泳豪只係想用工作麻醉自己,走唔出情傷陰霾,唔敢諗結婚。至近日,李泳豪傳出結婚消息,佢接受傳媒訪問時表示已徹底放低舊愛楊思琦,亦明白好多人擔心佢走唔出情傷,因為呢個經歷唔係一般人接受得到,而家終於遇到對的人可以準備投入婚姻新生活。

李泳豪 李泳豪曾與楊思琦拍拖9年,2011年分手後,李泳豪單身多年。
李泳豪曾與楊思琦拍拖9年,2011年分手後,李泳豪單身多年。(圖片來源:新傳媒圖片庫)
李泳豪 李家鼎曾經擔心李泳豪走唔出楊思琦情傷,唔敢諗結婚。
李家鼎曾經擔心李泳豪走唔出楊思琦情傷,唔敢諗結婚。(圖片來源:IG@drift_greg)

同場加映:楊思琦有圈外老公「好歸宿」

楊思琦2020年2月被踢爆離奇生仔,事後她解釋與圈外老公已在2019年結婚,不過從來冇人見過她口中的老公,令楊思琦的虛擬老公成謎,最近她接受內地《南方周末》訪問,難得提到其神秘老公,她笑言:「我有老公啦喎!因為佢係圈外人,佢本身過住一個正常嘅生活,我唔想令到佢畀人哋去追訪,搞到佢未必可以接受得到。」

李泳豪 楊思琦 楊思琦在訪問中難得講到她的神秘老公,仲一路講一路笑得好開心。
楊思琦在訪問中難得講到她的神秘老公,仲一路講一路笑得好開心。(圖片來源:微博@南方周末)
李泳豪 楊思琦 楊思琦在訪問中難得講到她的神秘老公,仲一路講一路笑得好開心。
不過網友對她解釋隱瞞老公身份多年的原因依然拒絕收貨,紛紛繼續追問楊思琦神秘老公的真正身份。(圖片來源:微博@南方周末)
李泳豪 今年2月中兒子出世,楊思琦只透露囝囝英文名叫 Kody,暱稱「豬豬」,她更與囝囝去影初生寫真,雖然細仔出世前她聲稱與老公在外地已婚,但Kody也跟媽咪姓楊。
2020年2月中兒子出世,楊思琦只透露囝囝英文名叫 Kody,暱稱「豬豬」,她更與囝囝去影初生寫真,雖然細仔出世前她聲稱與老公在外地已婚,但Kody也跟媽咪姓楊。(圖片來源:微博@楊思琦szeki)
李泳豪 為湊B冇覺好瞓的楊思琦,笑指大女卓穎懂事聽話,是照顧弟弟的好幫手,而兩個月大的「豬豬」能吃能睡,生長線超晒標,現在已變成「大豬豬」。
為湊B冇覺好瞓的楊思琦,笑指大女卓穎懂事聽話,是照顧弟弟的好幫手,而兩個月大的「豬豬」能吃能睡,生長線超晒標,現在已變成「大豬豬」。(圖片來源:微博@楊思琦官方影迷會論壇)
李泳豪 楊思琦 思琦妹年過四十女人當自強,雖然口口聲聲說有個非常關心和照顧她的老公在身邊,但老公形同虛擬,生完囝囝遇上疫情亦冇有怕,狀態已回勇的她希望疫情過去可以繼續正常搵錢養家。
思琦妹年過四十女人當自強,雖然口口聲聲說有個非常關心和照顧她的老公在身邊,但老公形同虛擬,生完囝囝遇上疫情亦冇有怕,狀態已回勇的她希望疫情過去可以繼續正常搵錢養家。(圖片來源:微博@楊思琦szeki)

李泳豪台灣女友有咩來頭?

據知李泳豪同台灣女友Agnes Lin拍拖幾個月已經見晒家長,李泳豪更大讚對方充滿正能量,做嘢勤力⋯⋯詳見:李泳豪與圈外女友結婚恨生B

楊思琦現任丈夫背景?

楊思琦與圈外老公已在2019年結婚,不過從來冇人見過她口中的老公,日前她接受內地傳媒訪問,難得提到其神秘老公的身分⋯⋯詳見:楊思琦笑談虛擬老公小秘密

撰文:東方新地圖片來源:IG@drift_greg、Facebook@gregleewingho、[email protected]、微博@楊思琦szeki、微博@楊思琦官方影迷會論壇、微博@南方周末、新傳媒圖片庫