前TVB主播李穎琳著Deep V泳衣行夏水禮 罕有派福利被指撞樣一女星

李穎琳 去主題樂園玩泡泡

現年33歲的李穎琳自離巢無綫後靠做瑜伽同行山成功搣走Baby Fat，不時在社交網大曬S曲線，日前她到主題樂園行「夏水禮」，就著上Deep V泳衣配熱褲，罕有騷出深長事業線，大玩水槍同泡泡，成功震撼網民眼球！

網民勁讚：大到就嚟跌出嚟

網民都紛紛大讚李穎琳：「廟細燈籠大」、「不得了」、「要噴鼻血啦」、「大到就嚟跌出嚟」、「送大禮」、「多謝你大派福利請我食冰淇淋，身材呼之欲出，我睇到眼定定」、「震撼」等等。

show自己做高空瑜伽嘅相，身材苗條腿夠長，網民都大讚李穎琳keep得好！

李穎琳被封「翻版歐倩怡」 幾年間完全擺脫Baby Fat

李穎琳靚女就毋庸置疑，但網民仲話李穎琳有明星相，拍得住啲一線花旦。原來當年網民曾指李穎琳似足郭晉安老婆歐倩怡，難怪有網民認為李穎琳勁有明星相，望落唔似新聞主播反而是一位藝人。李穎琳身形苗條，五官立體突出，望落塊面冇乜肥肉，但以前非如現在耀眼。2020年離巢無綫前，李穎琳塊面仲好有Baby fat，望落比較年輕，帶點可愛嘅感覺。隨住李穎琳開始沉迷運動，幾年間終於完全擺脫以前嘅Baby fat，成為而家嘅輕熟女神！

李穎琳大派高空瑜伽福利相

已退隱幕前嘅李穎琳，活躍社交網絡，經常分享日常生活動態與粉絲交流。李穎琳向來鍾意做瑜伽，近日仲大派福利喺IG上載自己做瑜伽嘅相。相中見到李穎琳樣貌屬於輕熟女，而身材依然keep得好好，貼身瑜伽褲將佢下身線條表露無遺。李穎琳也露出招牌甜美笑容，氹得粉絲開心，紛紛留言大讚：「好仙女啊」、「索天使」！

李穎琳學歷勁猛料 同前新聞主播陳嘉倩關係友好

李穎琳除咗外貌勝人一籌，學歷同樣唔輸蝕，效無綫期間半工讀，終於在2021年香港大學碩士畢業。作為好姊妹嘅前新聞直播陳嘉倩，當然到場支持李穎琳嘅畢業禮，兩人拍攝多張合照，陳嘉倩仲開心到上載圖片到社交網絡，祝福自己好姊妹：「半工讀捱過來了！未來繼續加油。」

李穎琳除咗學歷猛料，在新聞界年資也不淺，曾經在亞洲電視做財經直播，之後過檔大台，最後宣布係2020年5月離巢，加入基金公司工作，仲成為投資者關係高級主任，認真威水！