李蘊

30歲李蘊救貓B再放生被轟打卡呃Like 拒養寵物原來係慈母行為!

最新娛聞

廣告

30歲李蘊(Renee)2015年嫁給金融才俊羅章冠成人妻後,隨老公定居廣州,育有一對子女。日前,李蘊在IG上載一幅抱黑色貓B相,並在該貼文中寫:「救活了你,我很高興,希望呢十幾日會有奇蹟,有人願意收留你吧……如果無……你要出去自己執生啦~乖乖的龍女!」帖文一出,紛紛被網民質疑是消費流浪貓呃關注。

李蘊 李蘊湊了名叫小龍女的貓B兩個月
李蘊照顧貓B兩個月。(圖片來源:IG@renee0727)
李蘊、貓
(圖片來源:李蘊@FB)

網民求李蘊收留貓B

帖文一出,不少網民留言,希望李蘊能夠繼續養,並苦口婆心勸她:「貓貓仲咁細,放番佢出去好大機會會冇命或者好危險,請你再考慮一下」、「貓仔慣咗畀你照顧,佢出到去未必自己生存到,或者有無啲義工機構可以收留佢呢?」、「其實佢現在仲係BB,如果係會放番佢出去自生自滅,不如一早就唔好救佢啦,佢現在走出去都未能夠獨立生活,死路一條。」

李蘊、貓
(圖片來源:IG@renee0727)

李蘊自揭被指為咗打卡呃Like

求收留的消息傳開後,廣大的網民貓奴爭相轉發,直至昨晚(21日),李蘊在IG限時動態留言:「有間貓舍願意收留我小龍女呀!!好開心!!嗰個人好好……話會有好多貓同佢玩……同埋有機會畀好心人領養,多謝甄采浠每次緊急關頭你都好幫手,I Love You!」而李蘊亦不忘解釋找人領養的原因:「其實養貓嘅人都知道,由出世第一日開始冇貓媽媽餵奶,係幾難養大,我好多晚唔瞓覺餵奶,又全身起貓癬,我點會唔想佢有一個好歸宿?⋯⋯唔係話我自己想養貓我就可以自私養,都要睇吓其他屋企人嘅意見同身體狀況,好明顯我係自己養唔到我先至搵人要啦。」

「我噚日出Post講嘅只係最壞情況,其實原本係諗住畀人寄養住先,等佢大少少就幫佢絕育再考慮放養,不過收到好多難聽嘅說話,確實唔太開心,有人話我打咗卡就算,有人話我想害死佢,唔緊要,大家都係關心隻貓,不過話個好消息畀你知,佢有人要啦,我今日會帶佢去睇醫生檢查身體,下星期會將佢交畀新主人,佢一定會好好的,多謝甄采浠落力幫我轉發。」

李蘊、貓
(圖片來源:李蘊@FB)

唔養得因女兒過敏

李蘊又透露,在端午節當日,在家中的花園發現3隻剛出世的貓BB,其中兩隻已過身,貓媽媽亦不見,只剩下一隻貓B,她就為貓B改名做「小龍女」並暫時雨媽媽一齊照顧。頭一個月,要2至3個鐘餵一次奶,半夜都要起身,與湊普通BB無異,她亦透露沒有長養的打算,而只是希望等到「小龍女」長大後找人照顧,她更表示在搬嚟現時屋企之前,就決定唔會養寵物,因為屋企人唔鍾意之餘,自己個女都對貓毛過敏;李蘊之前帶過個女去貓Cafe,女兒其後雙眼發炎紅腫更流出了好多分泌物,經醫生檢查後發現女兒對貓毛過敏,因此打消念頭。

李蘊、貓
(圖片來源:李蘊@FB)

其實係養貓老手

原來李蘊曾經養貓達20年,最多同一時間養4隻,其中一隻更有19歲命。今次「小龍女」事件純屬緣份,而她最想多謝甄詠珊,因為對方幫自己轉發後,就找到合適領養人,下個禮拜「小龍女」就能夠去新主人住處。昨日李蘊更帶了「小龍女」睇醫生,貓貓健康但自己就染上了貓癬,更表示以前在香港養咁多年貓,都未試過咁。對於收到難聽的說話,李蘊就表示自己盡了最大責任,其他人的說話雖然都理解,但自己無愧於心。

李蘊曾出寫真集成宅男女神

現年30歲的李蘊(Renee)於2003年被經理人Peter Chiu發掘簽約,一直備受公司力捧。2004年年僅12歲的她便以女子組合Cream的成員身份正式出道,但到2007年因組合解散轉為個人發展。之後李蘊以健康性感形象推出個人寫真集,獲不少宅男粉絲熱捧為女神,成為一時佳話。但到2015年李蘊下嫁現任老公羅章冠後,隨老公定居內地,並先後誕下一對仔女,逐漸淡出幕前。

李蘊、貓 年僅12歲的李蘊中)以女子組合Cream的成員身份正式出道。
年僅12歲的李蘊(中)以女子組合Cream的成員身份正式出道。(圖片來源:新傳媒圖片庫)
李蘊、貓 李蘊當年以健康性感形象推出個人寫真集,獲不少宅男粉絲熱捧為女神。
李蘊當年以健康性感形象推出個人寫真集,獲不少宅男粉絲熱捧為女神。(圖片來源:新傳媒圖片庫)
李蘊、貓 2015年李蘊下嫁現任老公羅章冠後,隨老公定居內地。
2015年李蘊下嫁現任老公羅章冠後,隨老公定居內地。(圖片來源:IG@renee0727)
李蘊、貓 李蘊婚後育有一對子女,逐漸淡出幕前。
李蘊婚後育有一對子女,逐漸淡出幕前。(圖片來源:IG@renee0727)

李蘊神隱7年宣布復出

神隱7年,李蘊近日在老公和粉絲的支持下宣布復出,更飲水思源重投Peter Chiu公司旗下,並簽下1314(一生一世)長約。李蘊有感Peter多年來的栽培,希望一生一世能有他的照顧及保護,重新開拓更多工作機會。提到Renee會否擔心未能照顧子女?她完全不擔心:「其實廣州好近,直通車都只需兩個鐘車程,以前未有疫情,我都成日中港兩邊走,我媽咪幫忙照顧兩個小朋友,所以我好放心!」

李蘊、貓 神隱7年的李蘊近日宣布復出。
神隱7年的李蘊近日宣布復出。(圖片來源:IG@renee0727)
李蘊、貓 李蘊重投恩師舊經理人Peter Chiu旗下的輝煌娛樂,並簽下1314一生一世)長約。
李蘊重投恩師舊經理人Peter Chiu旗下的輝煌娛樂,並簽下1314(一生一世)長約。(圖片來源:IG@renee0727)
李蘊、貓 李蘊與與鄧紫棋及何超蓮識於微時,三人情同姊妹。
李蘊同鄧紫棋及何超蓮識於微時,三人情同姊妹。(圖片來源:IG@renee0727)

點擊下圖逐格重溫李蘊靚相


李蘊寫真集2011《Changed》- 宣傳片

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

撰文:東方新地圖片來源:IG@renee0727資料或影片來源:IG@renee0727