杏兒歸隊 胡說八道會開P

三個女人一個墟，六個肯定雞啄唔斷！講緊係胡說八道會六個靚女胡杏兒、姚子羚、黃智雯、李施嬅、胡定欣同胡蓓蔚開P。自從杏兒去年忙於籌備婚禮，而今年初又同老公李乘德展開75日環球蜜月之旅，咁耐冇同班好姊妹見面，杏兒除了送手信之外，相信仲有好多密偈傾！而大家一見面即攬頭攬頸合照，又擺出不同搞笑表情，完全感受到佢哋玩得好開心！