杜汶澤EOS女團Summer上JFFT做嘉實真性情有實力獲粉絲力撐

Summer上JFFT的「床哥心事台」轉數快又不失麻甩幽默

杜汶澤女團EOS成員22歲的Summer上YouTube頻道JFFT的「床哥心事台」做嘉賓，直播做足3小時，同聽眾分享「綠帽故事」，Summer表現和反應都十分活潑，對於來電聽眾的綠帽分享，都提供唔少寶貴意見，作為客席主持轉數夠快又不失麻甩幽默，令節目生色不少。而講到女團EOS時，Summer表示都好想EOS經常見到大家，非常多謝大家的支持，仲大爆當時為咗去韓國培訓，3個星期由50kg減到42kg，超有決心勁勵志！

杜汶澤 eos Summer自爆自己澳洲留學時已經係網台JFFT的Fans，原來仲打過電話上去直播、自己仲有影片留底，如今以女團身份做「床哥心事台」嘉賓，Summer都話好似發夢咁成就解鎖，感覺好似「追星成功咁」，令床哥受寵若驚！ — Summer自爆澳洲留學時已經係網台JFFT的Fans，原來仲打過電話上去直播、自己仲有影片留底，如今以女團身份做「床哥心事台」嘉賓，Summer都話好似發夢咁成就解鎖，感覺好似「追星成功咁」，令床哥受寵若驚！（圖片來源：ig＠JFFLive）

杜汶澤 eos Summer有樣有實力，身材亦相當好！ — Summer有樣有實力，身材亦相當好！（圖片來源：ig＠eos.latedao.official）

Summer清唱《BIG BANG》出色憑實力成為網民「我推的孩子」

後尾床哥都認為呢個時候真係要俾多啲支持EOS同Summer，直頭開埋「直播打氣區」，俾觀眾打上去支持一吓。唔少觀眾都即刻打上去，收到9個觀眾電話，支持者有男有女，觀眾群十分廣泛！個個都話支持EOS、又向Summer示愛大讚「真人勁靚女」，好多粉絲仲課金支持Summer，希望杜生可以俾多啲資源佢哋，大讚Summer係「女神榜第一位」，直播完結後床哥更於IG Story 形容Summer係「我推的孩子」！直播期間，Summer仲喺Live度即場唱咗2句《BIG BANG》，清唱的情況下表現非常出色！

杜汶澤 eos Summer仲喺Live度即場唱咗2句《BIG BANG》，清唱情況吓非常出色！ — Summer仲喺Live度即場唱咗2句《BIG BANG》，清唱情況吓非常出色！（圖片來源：youtube＠JFFLive）

杜汶澤 eos 上星期另一成員「雞翼」去旺角busking ，Summer 同Hazelle 都有撐場，關係友好，被稱為「JFFT女兒」！ — 上星期另一成員「雞翼」去旺角busking ，Summer 同Hazelle 都有撐場，關係友好，被稱為「JFFT女兒」！（圖片來源：JFFT）

EOS無資源 Summer要做音樂節炒散

早前根據其他媒體報導，EOS成員無新歌無嘢撈，各個成員都為咗支持生計而做PartTime，成員Summer表示自己當時都係得個等字，唔夠膽問公司幾時再有新歌出，就唯有去幫人補習之外，仲去做埋音樂節炒散，開頭經理人都唔想佢去，覺得Summer都係artist點可能去幫其他artist搬嘢，不過佢認為為咗生存無所謂啦！仲話因為咁可以識到世界各地的DJ，可以同佢哋交流，完全唔係一件壞事，Summer真係非常樂觀！

EOS叱咤無份網民大感可惜

《叱咤樂壇流行榜頒獎典禮2023》「XiX」拎到「叱咤新力軍組合」銀獎，唔少網民都表示EOS女團竟然無份實在係可惜，仲建議杜生放手，不如俾EOS另覓出路「EOS明明有實力又搞唔起」「杜生冇心攪不如放手啦」「不如放佢哋簽間細公司博下啦」「EOS絕對係有實力，Summer唱歌真係幾好」不過都有網民力撐杜生，指一開頭搞韓國培訓，第一首歌《Big Bang》mv都洗咗好多錢，又指捧女團本來就難，所以無功都有勞。