東京街頭潮玩孖寶賽車 楊千嬅 丁子高 化身Mario慶生

最新娛聞

楊千嬅剛在上周六(2月3日)慶祝44歲生日,丁子高同佢飛到日本搞咗個驚喜「Mario」生日派對,同一大班好友齊齊貼上鬍鬚,化身「孖寶兄弟」,之後仲潮玩東京出晒名嘅真人版「Mario Kart(孖寶賽車)」,認真有心思,連千嬅都讚「surprise」!

撰文:東方新地

楊千嬅:突然驚喜很有趣

今次生日派對是在旅行途中舉行,楊千嬅話事前並唔知情:「原本是簡單幾對couples旅行團,突然驚喜,很有趣,感謝朋友們的surprise!」相中可見千嬅同老公丁子高貼上鬍鬚,一身「孖寶兄弟」裝,但丁子高就留言話兩人係「Mr & Mrs Mario」,認真sweet!

潮玩真人版孖寶賽車

除咗「Mario」生日派對外,丁子高仲為楊千嬅準備咗一場真人版孖寶賽車,兩公婆齊齊cosplay紅色Mario look,喺寒冷嘅6度氣溫下玩賽車,事後丁子高喺IG留下一大串分享體驗話:「#好好玩㗎 #不一樣的經驗 #大街小巷 #遊歷涉谷 #又見六本木 #全程兩小時 #有啲凍 #著夠衫就搞掂 #點可以唔玩 #下次再玩過 」睇嚟仲好回味!

讀者留言