東張西望

東張西望|容羨媛質疑黃耀英未生仔有問題焫㷫網民 入行19年非第一次出事

最新娛聞

廣告

現年39歲的容羨媛(Fion)入行19年,加入《東張西望》做主持亦有11年的時間,主持經驗理應好豐富,但近日她在節目中為了引入「香港為全球生育率最低的地方」這報道,竟質疑同事黃耀英與太太李旻芳結婚近4年,仍未生小朋友,係咪黃耀英有問題?令到黃耀英表情非常尷尬,同時亦引來不少網民炮轟她「冇腦」!

東張西望 黃耀英同李旻英同為《東張西望》主持,自2019年結婚,至今已近四年。
黃耀英同李旻芳同為《東張西望》主持,自2019年結婚,至今已近四年。(圖片來源:[email protected]

《東張西望》容羨媛叫黃耀英去做Body Check

容羨媛早前在《東張西望》中問拍檔主持黃耀英:「點解你結婚咁耐都冇生小朋友呢,其實係唔係你有問題啊?」令黃耀英面露尷尬表情解釋:「嗱,其實係香港做小朋友真係一啲都唔容易㗎!又要測試啊、考試啊…」但被容羨媛截停指他未有作正面回應係咪有問題,更叫對方要去檢查一下身體:「身體健康緊要呀嘛!」

東張西望 黃耀英被問到好尷尬,意圖反駁,但被截停。
黃耀英被問到好尷尬,意圖反駁,但被截停。(圖片來源:《東張西望》截圖)
東張西望 當容羨媛將話題引入到生育率低的報道上時,黃耀英才鬆口氣尷尬狂笑。
當容羨媛將話題引入到生育率低的報道上時,黃耀英才鬆口氣尷尬狂笑。(圖片來源:《東張西望》截圖)

被網民鬧爆:積下口得啦

容羨媛這番說話惹起網民極大爭議,紛紛怒轟容羨媛:「你識唔識尊重兩個字?諗你應該都唔識㗎啦,咁大個人冇腦!」、「個女主持真係好X唔專業乜X唔生就問人身體有冇問題」、「積下口德啦」、「人地唔生又關佢咩事,自己去生飽佢」、「姓容呢個女主持不嬲都有問題!搞到人尷尬,仲以為自己好識問嘢!」等等。

東張西望 黃耀英自2013年加入《東張西望》,但直到2021年聖誕節,才首次與容羨媛拍檔做廠景主持。
黃耀英自2013年加入《東張西望》,但直到2021年聖誕節,才首次與容羨媛拍檔做廠景主持。(圖片來源:[email protected]
東張西望 《東張西望》主持一向陰盛陽衰,男主持不多。
《東張西望》主持一向陰盛陽衰,男主持不多。(圖片來源:IG@fiyung)

近年撈過界做親子KOL

節目中容羨媛自認已經幫香港生了兩個小朋友,原來她自2012年結婚,並在翌年為老公Ben誕下大女Beth,2015年再誕下細仔Fraser,並在近年撈過界成為親子KOL。網民亦就這件事鬧爆她:「講到生咗兩件好威咁」、「咩叫幫香港生咗兩個小朋友?你生小朋友唔係為咗幫你老公生咩?」、「兩孩之母應以身作則」等。

東張西望 容羨媛曾與老公及兩個仔女一齊拍片介紹曼谷親子遊。
容羨媛曾與老公及兩個仔女一齊拍片介紹曼谷親子遊。(圖片來源:IG@fiyung)
東張西望 容羨媛話佢已經為香港生咗兩個小朋友!
容羨媛話佢已經為香港生咗兩個小朋友!(圖片來源:IG@fiyung)

曾一句話令蔣家旻超尷尬

容羨媛2012年加入《東張西望》成為節目主持,雖然身為老臣子但都不時出事。容羨媛去年底訪問《美麗戰場》的蔣家旻和李成昌,她的大頭開場白竟然是勁興奮四萬咁話:「全城熱睇蔣家旻兩分鐘強姦戲!」在現場的蔣家旻顯得甚為尷尬,仲話:「其實俾人強姦都唔係好好受。」

東張西望 無綫 容羨媛身為老臣子但都出事,「問題」完全零修飾仲四萬咁話:「全城熱睇蔣家旻兩分鐘強姦戲!」。
容羨媛身為老臣子但都出事,「問題」完全零修飾仲四萬咁話:「全城熱睇蔣家旻兩分鐘強姦戲!」。(圖片來源:TVB影片截圖)
東張西望 無綫 現場受訪的蔣家旻,面對主持人容羨媛的失禮提問都只能以笑遮醜。
現場受訪的蔣家旻,面對主持人容羨媛的失禮提問都只能以笑遮醜。(圖片來源:TVB影片截圖)

李成昌演強姦戲竟被指最著數

之後容羨媛又問李成昌:「你又強姦咗人,然後大家仲好開心支持你,你冇被人鬧,你咪最著數?」李成昌即尷尬否認:「我好多思考㗎!我哋男演員真係好多思考㗎,有啲位又唔可以過份,但係又要自然,好大壓力㗎!」「問題」完全零修飾,擁11年節目主持經驗都可以令場面尷尬。

東張西望 李成昌亦被容羨媛問到好尷尬。
李成昌亦被容羨媛問到好尷尬。(圖片來源:TVB影片截圖)
東張西望 李成昌在《美麗戰場》中有一幕強姦蔣家旻的戲份。
李成昌在《美麗戰場》中有一幕強姦蔣家旻的戲份。(圖片來源:TVB影片截圖)

20歲做DJ入行 擁碩士學歷

容羨媛自2004年讀大學期間參加DJ比賽,成為香港電台DJ入行,並先後修得香港理工大學建築經濟及管理學(榮譽)理學士,及香港浸會大學的傳理系碩士學位,是圈中少有高學曆的藝人之一。08年容羨媛轉投無綫,在無綫娛樂新聞台擔任節目主持,直至2012年加入《東張西望》,成為節目的廠景兼外景主持,至今已有11年。

東張西望 2006年,初入行的容羨媛曾主持香港電台Teen Power《盛莊天下》,當時她的拍檔有港台DJ梁德輝,及現為C君老婆的港台DJ黃天頤中)。
2006年,初入行的容羨媛曾主持香港電台Teen Power《盛莊天下》,當時她的拍檔有港台DJ梁德輝,及現為C君老婆的港台DJ黃天頤(中)。(圖片來源:新傳媒照片庫)
東張西望 當時年僅22歲的容羨媛,更在節目中訪問過薛凱琪。
當時年僅22歲的容羨媛,更在節目中訪問過薛凱琪。(圖片來源:新傳媒照片庫)
東張西望 2007年容羨媛仲訪問過泳兒。
2007年容羨媛仲訪問過泳兒。(圖片來源:IG@fiyung)

自言讀書為令訪問更有深度

容羨媛曾透露自小已鍾意唱歌跳舞,好有表演慾,大學時曾於澳洲墨爾本一個社區電台工作,但因母親堅持,大學時才會選擇讀建築,因此她在大學畢業後,便再報讀浸會大學的傳理系碩士,她說:「我覺得讀得多書令我變得更有見識,做訪問時可以問到更有深度嘅問題。」

東張西望 容羨媛曾直言做主持背後亦有不少辛酸:「有時等演員做訪問要等好幾個鍾頭,係好辛苦,但能夠做好一個訪問就係值得。」
容羨媛曾直言做主持背後亦有不少辛酸:「有時等演員做訪問要等好幾個鍾頭,係好辛苦,但能夠做好一個訪問就係值得。」(圖片來源:IG@fiyung)

近年密密客串拍劇

除了做主持外,容羨媛亦客串過不少無綫劇集,包括《她她她的少女時代》、《迷網》及《過街英雄》等,不過講到有名有姓的角色,就只有2020年劇集《堅離地愛堅離地》中的「餘美琪」、2021年《愛美麗狂想曲》中的「顔朱迪」,及2022年《童時愛上你》中「魯健怡」一角。

東張西望 容羨媛曾在《堅離地愛堅離地》中飾演闊太「餘美琪」一角。
容羨媛曾在《堅離地愛堅離地》中飾演闊太「餘美琪」一角。(圖片來源:TVB影片截圖)
東張西望 雖然被網民劣評如潮,但容羨媛都一於懶理,照樣同朋友食飯,預早慶祝母親節。
雖然被網民劣評如潮,但容羨媛都一於懶理,照樣同朋友食飯,預早慶祝母親節。(圖片來源:IG@fiyung)
東張西望 飯局中仲見到陸永同阿Bob林盛斌。
飯局中仲見到陸永同阿Bob林盛斌。(圖片來源:IG@fiyung)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

撰文:東方新地圖片來源:IG@fiyung、[email protected]、《東張西望》截圖、新傳媒照片庫