東張西望｜商場淫窟2 尋歡男斷正慌亂狂爆金句 網民：好笑過周星馳
放蛇直擊：女技師猴急脫褲求「免費出火」
《東張》派出男臥底深入虎穴，前往富輝商場放蛇，換上一次性短褲趴在按摩床上，沒想到按了半小時後，女技師竟然「霸王硬上弓」，突然扯下男臥底的短褲並上下其手！技師起初瘋狂推銷加100元提供特別服務，見男臥底極力推卻並表示自己很保守、「對不起老婆」，技師竟然大平賣表示：「唔收你錢啦！」更爆出神級金句：「我天啊，我又唔係同你搞嘢！」實在令人啼笑皆非。
尋歡男斷正驚慌失措 爆笑死撐「入去追債」
之後《東張》主持甘詠寧（甘仔）在商場守候期間，竟然撞見上次已經被拍攝過的一位背心男客從另一間按摩店走出來。該名男子一見鏡頭立刻驚慌失措，為了掩飾自己光顧色情場所，竟然臨場發揮，編造了一個超級爆笑的藉口。甘仔一上前便詢問他：「先生，呢度啲按摩店你係咪成日幫襯㗎？」男子秒速否認：「唔係呀！」當甘仔表示已經見過他光顧幾次時，男子大腦瘋狂運轉，竟然爆出神級藉口：「我嚟追債㗎，我俾人呃呀！佢哋走出嚟，然後叫我入去，問我借錢！」甘仔繼續追問他是否知道裡面有什麼服務，男子死撐：「佢哋服務咪係呃錢囉！」甘仔質疑明明是按摩怎麼會騙錢，男子繼續兜圈子指對方：「就係問我借錢，借完錢咪呃囉！」
尋歡男：我緊係要搵罪證啦！
甘仔見狀窮追猛打，笑問既然對方借錢，正常人都會「走夾唔唞」，為何他還要進去？男子竟然理直氣壯地拋出金句：「我緊係要搵罪證啦！」甘仔順勢問他有沒有證據，表示節目組可以幫忙，男子頓時心虛語塞，只能尷尬回答：「無呀……」眼見「追債」和「找罪證」的理由都無法自圓其說，甘仔直接踢爆該處是色情按摩院。男子見底牌被揭穿，立刻反客為主大喊：「係呀，我知呀，我緊係知啦呢啲嘢！咁你想點先而家？」最後他更親口承認裡面有「手淫嗰啲囉！摸男仔嗰啲呀，抽水吖嘛，讚吓你靚仔咁樣。」隨後拋下一句「唔得閒呀」便急忙搭乘手扶梯逃離現場。
網民笑瘋：對白好笑過周星馳
這段「尋歡男遇險記」一播出，大批網民笑指該名男子的對白實在是世界級，「呢個對白，好笑過周星馳啲片！」、「兩次去都比東張撞到，黑仔到爆」、「佢自己都唔信啦」。更有網民幽默地瘋狂嘲笑：「如果東張女主持話同佢而家入去一齊對質追騙款就爆笑」、「睇左..可惜比東張chok多幾句..騰雞露底..咸濕咪咸濕咯..入去搵證據驗下啲女身材先」、「佢唔知自己之前去都已經比人周到」。還有眼尖的網民為該男子感到擔憂：「佢屋企人認得件背心仔冇？」、「條友返到屋企即刻燒咗對鞋佢！」
