林作稱今日舉行記招 最索靚女下屬已割席 講明唔會轉公司！

林作：同公司背道而馳係好嚴重指控

林作先以三點解釋：「第一，喺目前情況下，有好多客戶都唔會受影響。目前團隊仍在公司工作；第二，有新聞報道指團隊割席，並非正確，係我要求佢哋唔會離開自己崗位；第三，有非常多客戶自發地向前公司，作出投訴』林作指客戶要求解釋「點解將客戶利益擺喺客戶之下」，更表示網民使用「極端性字眼」。林作表示不同意「前公司」講法，並表示保留所有法律權利。

林作指過往已經多次不同程度抽水，當時並未指違反「社交媒體守則」，認為今次事件值得商確。林作：「話同公司背道而馳，咁嘅罵名，我認為恕不能接受！呢個係公司不尋常舉動，我作為一個無名小卒都要保護自己。話我價值觀同公司背道而馳，呢個係好嚴重嘅指控，嚴重影響我將來嘅工作可能性，如果佢係善良我就係邪惡。」

林作旗下最索靚女下屬即時割席：唔會轉公司

林作出名專請靚女做下屬，其中兩位靚女下線Jasmine同Bronte就最出名，社交平台都有幾萬Followers。不過其中嘅「保險KOL」Jasmine係老闆林作被炒之後，就迅速在本人社交平台出限時動態，講明唔會轉公司：「收到很多客人查詢，大家請放心，你們的保單不會受到影響，還未批的保單會繼續努力跟進。已受保的保單，我也會一直努力幫你們處理。不用擔心，絕不變成孤兒單，我會努力做好自己最愛的事業。另外：致大保險公司的愛戴，不會考慮轉公司了。」

林作稱今日開記招 記招日子改完又改

林作今次抽水抽著火水，引來網民連環負評，不過林作就一而再聲稱自己不會道歉，亦不後悔作出相關言論。林作在6月3日下午曾發文表示會在4日開「辯論大會」，不過隨後又即刻刪Post，之後又再發文指會在6月5日下午6點開記者招待會，暫時發文至今仍未刪帖！

曾深得林作歡心 獲讚為顏值最高的新成員

去年3月林作在IG貼出一張美女合照，歡迎相中的Jasmine Tang加入旗下團隊，更叫網友盡情Follow她、鞭策她，他說：「相信是目前 #林作保險軍團 顏值最高的一位新成員。」而Jasmine亦有在自己的IG宣布加入保險業，不但大讚林作是值得信賴、有智慧的領袖，還指新工作是她的終身職業，在短短半年時間內，Jasmine就成功成為「百萬圓桌」一員，更試過大曬二十萬嘅糧單，非常厲害。