曾志偉

林夏薇爆冷奪視后惹爭議 曾志偉無奈:其實我心水係黃智雯

最新娛聞

《萬千星輝頒獎典禮2022》已圓滿結束,得獎名單塵埃落定。當中最具爭議的應該是「視后」一獎由林夏薇奪得,有不少網友替鍾嘉欣不值,紛紛在討論區直指「無綫造馬」。其實除了鍾嘉欣之外,TVB還有不少「陪跑員」,當中包括曾志偉日前現身《2022北京冬季奧運會》表示是自己心水的黃智雯。

文:東方新地 |圖:[email protected]娛樂新聞台截圖、[email protected]_manman

曾志偉強調評選制度公道

無綫總經理曾志偉日前現身《2022北京冬季奧運會》記者會,談及今年《萬千星輝頒獎禮》最高達29.1收視點,成績十分不俗。但對於林夏薇爆冷力壓鍾嘉欣奪視后,惹來大量網民不滿,曾志偉亦大感無奈,並強調評選制度公道:「今年制度係盡量公道,係觀眾、職員同藝員夾埋投票嘅最高票數,所以都係眾望所歸。」他續稱︰「其實我心水係黃智雯,佢喺台慶嘅表現都好好,而我都有讚過佢演文戲嘅表演都好好,亦都喺唔同嘅劇都有好表現。但係始終我哋幾個人開會,各個人心水都唔同。」

無綫總經理曾志偉日前現身《2022北京冬季奧運會》記者會。
無綫總經理曾志偉日前現身《2022北京冬季奧運會》記者會。(圖片來源:[email protected]娛樂新聞台截圖)
曾志偉公布北京冬季奧運會期間的播映安排。
曾志偉公布北京冬季奧運會期間的播映安排。(圖片來源:[email protected]娛樂新聞台截圖)
曾志偉 志偉亦談及今年《萬千星輝頒獎禮》最高達29.1收視點,成績十分不俗。
志偉亦談及今年《萬千星輝頒獎禮》最高達29.1收視點,成績十分不俗。(圖片來源:[email protected]娛樂新聞台截圖)
對於林夏薇爆冷奪視后,惹來大量網民不滿,曾志偉亦大感無奈。
對於林夏薇爆冷奪視后,惹來大量網民不滿,曾志偉亦大感無奈。(圖片來源:[email protected]娛樂新聞台截圖)

黃智雯多次飲恨

黃智雯是近的的心「陪跑專員」之一。參選《2007年度香港小姐競選》最後五強後入圍的黃智雯出道初期即獲大量演出機會,2012年更憑 《缺宅男女》飾演巴辣人妻「婁笑蘭(關二嫂)」而在《萬千星輝頒獎典禮2012》首度入圍「最佳女配角」最後兩強,同年獲得「飛躍進步女藝員」獎。及後開始走上女主角之路。入行14年,總獲得8次視后提名,當中三次打入最後五強,最唔抵嗰次大概係2018年《三個女人一個因》入面一人分析三角,最後輸咗畀《BB來了》嘅李佳芯。

曾志偉更自爆視后心水其實是黃智雯。
曾志偉更自爆視后心水其實是黃智雯。(圖片來源:[email protected]_manman)

鍾嘉欣最唔抵

其實今年呼聲最高的一直都以憑《星空下的仁醫》章以芯一角入圍的鍾嘉欣,原因除了是她特意返港拍劇兼出席頒獎禮,然而到最後都係輸畀林夏薇。鍾嘉欣入行17年,入圍提名視后共11次,當中有8次都能夠入圍5強,可惜從來都沒有封后,又難怪網民會咁戥佢唔抵嘅!不過原來陪跑次數最多嘅另有其人!

曾志偉 萬千星輝頒獎典禮2021
鍾嘉欣在《星空下的仁醫》演活章醫生一角。(圖片來源:[email protected]

郭可盈先係真正嘅陪跑大使

現時52歲的郭可盈在1993年參選香港小姐入行,雖然三甲不入,但觀眾緣好的她一加入聯合TVB即拍劇,以驚人的速度升呢做女主角,1995年更憑《刑事偵緝檔案》的高婕(Jessie)一炮而紅,之後參與的劇集幾乎全部都係擔正!而在1995年至2009年期間,郭可盈總共獲提名13次視后,當中5次能夠躋身5強位置,但都係冇攞過。

曾志偉 呢個《刑偵》嘅「姐時」令郭可盈炮而紅。
呢個《刑偵》嘅「姐時(Jessie)」令郭可盈炮而紅。(圖片來源:TVB截圖)

視帝陪跑皇者-林峯

但講到最最最唔抵嘅,男子陪跑組比起女士更加慘烈,當中林峯則以17次提名全落空而「冠絕」TVB,當中有8次入圍最後五強。其實林峯自1999年出道就經常擔任重要角色,到2001年接拍《尋秦記》飾演男主角趙盤更加大獲好評。而去到2008年《溏心風暴之家好月圓》的管家仔以及2012年《雷霆掃毒》中的Happy Sir亦獲得高度評價。當然唔少得2014年《使徒行者》爆Seed一角,當時不少觀眾都認為他穩奪視帝寶座,但最後還仍然輸畀《忠奸人》嘅郭晉安。

曾志偉 爆Seed一角之後,林峯開展北上之路。
爆Seed一角之後,林峯開展北上之路。(圖片來源:TVB截圖)

黃宗澤15次落空僅隨其後

1998年入衘的黃宗澤原來都係視帝「陪跑員」,曾15次入圍爭視帝,當中三次成功躋身最後五強。當中以2016年《幕後玩家》的大反派秦昇海一角以及2011年《潛行狙擊》的蘇星柏呼歡最高,可惜都係全數數落空。

曾志偉 黃宗澤大反派演出備受肯定。
黃宗澤大反派演出備受肯定。(圖片來源:TVB截圖)

其它陪跑專員

其實TVB設視帝視后獎項僅25年,每年十幾二十部劇集,陪跑嘅人一定多過得獎者。例如馬浚偉、吳啟華、劉松仁以及林文龍等都獲提名超過10次以上;郭羨妮、吳美珩、滕麗名等都係提名常客。攞到獎固之然開心,但攞唔到獎嘅都總會有人戥你唔抵。如果吓吓都好似林夏薇咁攞完又咁多人質疑嘅話,可能真係唔攞好過攞!

曾志偉 林夏薇曾6次提名視后,共獲獎一次。
林夏薇曾6次提名視后,共獲獎一次。(圖片來源:TVB截圖)

讀者留言