53歲林憶蓮與恭碩良秘密分手！ 傳男方另結新歡、8年「姊弟戀」玩完！
林憶蓮、恭碩良分手 共同聲明曝光： 這是一個艱難、且悲傷的選擇
分手消息曝光後，林憶蓮與恭碩良分別在自己社交平台發出一段中英對照的分手聲明：「2019年的一月，恭碩良先生和我非常理性地做出了人生新的決定。 在一起經歷了八年美好的日子後，我們決定各自走向各自的人生。這是一個艱難、且悲傷的選擇，但也是一個出自對於彼此的愛與關懷而做出的決定。 謝謝大家的關心。希望大家這段時間能夠尊重我們的私隱。 這段日子大家有更重要的事情要處理及安排，希望各位好好照顧身體及幫助身邊有需要的人。」
話說林憶蓮、恭碩良年齡相差11年，前年仍然十分恩愛，堪稱人辦，本來還顯得愈愛愈難捨難離就知道！想不到兩位咁癡纏亦都有分手的一日，前年兩人無論開騷、出碟定參加內地唱歌真人騷，憶蓮都有Jun打鼓、編曲做監製做背後男人吖嘛！
林憶蓮 掉轉男前女後
二人近年的關係，最出位都係一直以「女前男後」作演出賣點，前年曾經一度要掉轉，話說Jun同黃貫中等人首度合體騷開，早排憶蓮再同Jun出埠做嘢，今次就輪到憶蓮做番背後女人，粒聲唔出企喺Jun身後等男朋友做訪問。適當時候避開鏡頭唔想搶男朋友鏡，呢啲咪係愛囉！
相關文章：藝人專訪「恭碩良：同憶蓮感情毋須婚書證明 我來自破碎嘅家庭…」
平時憶蓮開騷做慣新聞焦點，近排輪到恭碩良做番次主角，同五大band神六月合體在紅館開騷，所以兩位出現機場時，憶蓮識做退下火線交畀男友自己問題自己答。
剛踏入52歲生日，憶蓮喺男友面前都不經意好似少女一樣，粗重嘢交晒畀男友做，不時嘟嘴又撒嬌，好可愛噃！
憶蓮默默跟在阿Jun後面，繼續做個背後的女人。
拍拖七年恩愛如昔，憶蓮亦都慣咗去到邊都有Jun照顧倍伴，推行李呢啲絕對係基本。
請恭碩良做鼓手 林憶蓮公開示愛
林憶蓮前年喺紅館開騷時搵來男友恭碩良擔任鼓手，向來對戀情低調嘅憶蓮，喺個唱上忽然同個唱音樂總監倫永亮(Anthony)講「我愛你」，搞到Anthony忍唔住笑笑口望住恭碩良，憶蓮笑言：「呢種愛同嗰種愛唔同，唔能夠混淆！」
憶蓮向個唱音樂總監倫永亮高呼「我愛你」，不過佢話呢種愛屬於友情，二人其後合唱〈明天醒來時〉。
完騷後憶蓮受訪時冧爆話：「兩種愛梗係唔同，一種友情、一種愛情，好明顯。(台上冇多謝男友？)個個樂手都有多謝，唔使特别多謝佢，咁好偏心。」
去年再開騷，憶蓮表示特別感謝人生中最重要嘅兩位男性：「一個係我嘅音樂總監倫永亮，一個係我好好嘅音樂夥伴恭碩良！」
將來還有什麼演唱會值得留意？
有不少歌手宣布舉辦演唱會，例如：溫拿、周國賢x麥浚龍、太妍、鄭容和、鄭秀文、容祖兒、張學友、劉德華、Twins、久石讓！Mirror各成員會舉行個人演唱會，包括：Edan、AK、姜濤、Anson Lo、Ian、Jer、Jeremy李駿傑，以及12子合體MIRROR演唱會！
小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！有不少歌手宣布舉辦演唱會，例如：溫拿、周國賢x麥浚龍、太妍、鄭容和、鄭秀文、容祖兒、張學友、Twins、久石讓！Mirror各成員會舉行個人演唱會，包括：Edan、AK、姜濤、Anson Lo、Ian、Jer、Jeremy李駿傑，以及12子合體MIRROR演唱會！
小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
