林敏驄

下流上車族|林敏驄頂替姜皓文做「男一」 與江美儀演台慶劇做夫妻

劇情

廣告

無綫已開拍的新劇《下流上車族》一波三折,繼蘇皓兒被飛改由郭柏妍頂上後,開工一日的男主角姜皓文(黑仔)又唔做,臨時拉伕搵從未拍過電視劇的林敏驄執二攤。林敏驄出名不受控,拍戲做綜藝節目都鍾意爆肚爆粗,同佢合作過的藝人就知有幾難忍笑,呢套劇分分鐘變鬧劇。今次他與江美儀演一對夫妻,向來工作認真的江美儀又治唔治到佢呢?

即睇《下流上車族》最新劇情劇透
林敏驄 63歲的林敏驄執姜皓文二攤做男一。
63歲的林敏驄執姜皓文二攤在新劇《下流上車族》做男一。(圖片來源:Facebook@林敏驄)
林敏驄 林敏驄直認是曾志偉親自搵他。
林敏驄直認是曾志偉親自搵他。(圖片來源:Facebook@林敏驄)

林敏驄獲曾志偉親自邀請出山拍台慶劇

早前無綫宣布開拍由姜皓文、鮑起靜及江美儀三位「亞視之友」主演的劇集《下流上車族》,接連發生換角事件,繼蘇皓兒被飛後,姜皓文又因與電影檔期相撞而辭演,雖然開了一日工,無綫亦即時作出變動,有傳由總經理曾志偉出手,搵從未拍過電視劇的林敏驄頂上。

林敏驄 姜皓文透過經理人回應,承認因為接拍電影而辭演一事,仲話將來大把機會再與無線合作。
姜皓文透過經理人回應,承認因為接拍電影而辭演一事,仲話將來大把機會再與無綫合作。(圖片來源:IG@black_gorgor)
林敏驄 林敏驄為了出鏡更靚仔,臨急抱佛腳急救自己個樣。
林敏驄為了出鏡更靚仔,臨急抱佛腳急救自己個樣。(圖片來源:Facebook@林敏驄)

林敏驄擅長爆肚搞搞震

眾所周知,林敏驄份人冇時停,以往現身綜藝節目或訪問,都是嬉皮笑臉,拍戲更不停爆肚失控,數到近年出位事件應該是在《兄弟幫》訪問中狂窒阿Bob仲兜巴星,所以今次要跟劇本拍劇難度真係非常之高,而《下流上車族》的演員陣容中,鮑姐(鮑起靜)與江美儀都是資深演員,林敏驄應該影響不到他們,不過劇中還有新晉小花郭柏妍及新晉小生丁子朗,分分鐘頂唔住林敏驄的無厘頭,必定會頻頻NG。

林敏驄 林敏驄重返無綫開工,與服裝間萍姐打成一片。
林敏驄重返無綫開工,與服裝間萍姐打成一片。(圖片來源:Facebook@林敏驄)
林敏驄 林敏驄曾在《兄弟幫》訪問中突然掌摑阿Bob。
林敏驄曾在《兄弟幫》訪問中突然掌摑阿Bob。(圖片來源:無綫影片截圖)

新劇《 下流上車族 》開工拍攝,更請到從未拍過劇嘅才子林敏驄出山同江美儀合作。雖然林敏驄第一次拍電視劇,自己亦話緊張,不過顯然江美儀顯得比佢緊張好多,仲花三日時間翻睇佢有出演嘅作品摸底。有傳林敏驄答應出演電視劇全靠曾志偉碌人情卡,佢喺訪問中亦直認不諱,仲以幽默嘅語氣描述志偉哥點請佢出山添!

《下流上車族》林敏驄唔介意執二攤

林敏驄回應傳媒時承認將處男下海拍劇,更謂唔介意執二攤,他笑言自己做過電影導演,定角色時都會搵5個演員,邊個得就邊個來演!林敏驄更玩爛gag說黑仔做套劇就黑啲,佢做就好笑啲,他直言擔心拍劇會辛苦,但開了3日工竟比想像中好玩。對於同劇中老婆江美儀有沒有親熱戲?林敏驄笑言可能同郭柏妍,或者係鮑姐,未拍到所以唔知。

林敏驄 林敏驄話開了三日工覺得好好玩,唔知NG咗幾多次呢?
林敏驄話開了三日工覺得好好玩,唔知搞到對手NG咗幾多次呢?(圖片來源:Facebook@林敏驄)
林敏驄 林敏驄話想同郭柏妍有親熱戲,會唔會太大想頭?
林敏驄話想同郭柏妍有親熱戲,會唔會太大想頭?(圖片來源:IG@rositakpyy)
林敏驄 江美儀飾演林敏驄老婆,對住嬉皮笑臉的林敏驄,應該會擦出唔少花火。
江美儀飾演林敏驄老婆,對住嬉皮笑臉的林敏驄,應該會擦出唔少花火。(圖片來源:IG@elenakongmayyee)

《下流上車族》林敏驄為何被傳是執二攤出演?

早前無綫開拍前曾宣布此劇將由姜皓文、鮑起靜及江美儀三位「亞視之友」主演,開拍前接連發生換角事件,繼蘇皓兒被飛後,姜皓文亦突然辭演,林敏驄回應不介意⋯⋯詳見:林敏驄頂替姜皓文做「男一」

《下流上車族》劇情中郭柏妍為何要假結婚?

劇情講述飾演郭柏妍父親的林敏驄,介紹她去做地產經紀的助手,而郭柏妍成為地產助理後見盡買家百態,然後為了上車與地產助理假結婚,繼而意外地要與林敏驄一家人共住⋯⋯即睇劇情劇透

撰文:東方新地圖片來源:Facebook@林敏驄、IG@elenakongmayyee、IG@black_gorgor、IG@rositakpyy資料或影片來源:YouTube@TVB (official)