娛樂圈魔爪處處 除咗林敏驄仲有邊個？ 盤點娛樂圈10宗鹹豬手事件

撰文：東方新地｜圖片：新傳媒圖片庫

娛樂圈魔爪處處林敏驄調戲巨胸翠如

2018年，ViuTV製作遊戲節目《全民星戰》，對撼無綫最高收視嘅《愛・回家》時段，因為節目請到唔少紅人嘉賓坐鎮，播出以來就引起唔少回響。不過，節目播出後就有幕後爆料，指節目主持之一林敏驄，向連續擔任兩集嘉賓的巨胸翠如多手調戲，又攞對方35F巨胸來講笑，令對方感覺極不舒服。

傳魏焌皓「強吻」麥明詩

有報道指跟麥明詩在早前播出的劇集《使徒行者2》中飾演情侶的魏焌皓，涉在拍攝期間「強吻」麥明詩，女方因而向公司投訴，魏焌皓被照肺兼炒魷。不過

爾康伸脷強吻格格

廿年前電視劇《還珠格格》紅遍中港台，男女主角 個個大紅大紫升上神枱，唯獨扮演爾康的周杰愈撈 愈霉，有傳當年同林心如拍嘴戲霸王硬伸脷。

陳浩民醉擒陳嘉桓

近年最經典莫過於陳浩民在橫店拍劇期間借醉對陳 嘉桓上下其手又強吻，同行 馬德鐘齋睇唔幫，事後要公開道歉。

TVB魔術男咸豬手事件

08年底，苑瓊丹喺港台節目《瘋SHOW快活人》大爆TVB有男藝員借變魔術為名揩油。當時苑瓊丹列出線索：高過黃宗澤(即是180cm)、斯文靚仔、識煮幾味、常拍旅遊節目、鍾意玩魔術、曾同女藝人秘密拍拖，而傳媒同網民猜測最大嫌疑人係蔡子健。苑瓊丹就話：「我絕對唔會講人名，花邊新聞的原則是開心、唔講名，以降低殺傷力。當日我在節目中提到嘅特徵，有真有假，我唔會回應哪些是真、哪些是假，希望對當事人有警剔作用，我已盡量幫忙。」

官恩娜爆有男藝人借醉行兇

09年初，官恩娜被傳媒問到有冇聽聞過「魔術咸豬手」一事，結果ELLA忽然自爆出埠拍TVB劇時，有女藝人同佢訴苦，話有同行男藝員飯後借醉上下其手。事件曝光後，曾與官恩娜合拍電視劇《酒店風雲》的藝員當中包括馬德鐘、郭政鴻、郭可盈、吳卓羲、姚子羚等紛紛被列為嫌疑及受害人物，搞到人心惶惶。TVB高層對此事大為震怒，召見官恩娜，無綫製作資源部總監樂易玲命令官恩娜封口，最後結局係，官恩娜為事件道歉及認錯。

李志剛、AOA雪炫

港台DJ李志剛在「第六屆香港亞洲流行音樂節」喺台上無厘頭向表演嘉賓韓國女團AOA成員雪炫擁抱，又無端端伸腳疑似觸碰雪炫下體，李志剛回應時話喺台上透過翻譯問過雪炫，而對方都曾經點頭，故並非強行抽水。李志剛又話「希望fans唔好唔開心」，同時又話「我自己就好開心」。

Alex Lee（@alexlee54）分享的貼文 於 PST 2017 年 11月 月 13 日 上午 5:24 張貼

楊思琦被熊抱

06年，楊思琦在金鐘擔任模特兒行騷，為了賺錢供樓的她穿上低胸透視裝並露黑 bra，品牌的國際副總裁 Steve Holt在台上對思琦虎視眈眈，更當眾又攬又錫，為保飯碗的思琦只能尷尬苦笑，完全沒有反抗餘地，好慘！

李子奇、劉錦玲

拍劇出事嘅仲有呢單，02年劉錦玲拍《絕世好爸》一場分手戲，講佢要畀李子奇掟落梳化，有傳當時劉錦玲問李子奇係咪錯手掂到佢個胸，但對方可能覺得被屈博懵非禮，鬧喊劉錦玲。不過李子奇喺09年話5年後劉錦玲已幫佢平反，而劉錦玲早已轉職做咗保險。

尹天照、王秀琳

04年，亞視劇集《我和殭屍有個約會3永恆國度》，有份參演嘅尹天照、陳寶轅、王秀琳等演員在8月飯聚，而王秀琳9月開記招指當日飯局後坐尹天照車返屋企，被尹天照拖手、強吻兼伸手入衫，報警求助。尹天照堅稱無辜，並且不介意同佢對質，最終亦無畀警方起訴，事件不了了之。

海俊傑、劉綽琪、吳亭欣

06年，海俊傑拍亞視劇《義無反顧》期間，被劉綽琪指喺片場播四仔，又被劉綽琪及吳亭欣指強姦戲太逼真，留下心理陰影。海俊傑就質疑劉綽琪點解唔報警，暗串對方博宣傳。