林盛斌踩入ViuTV FB挑機負評者 展現高EQ 阿Bob：「叫我仆街仔都得﹗」
文：東方新地 ｜圖：ViuTV FB截圖、林盛斌IG
阿Bob多謝King Jer 「大家開心就好」
12月26日晚上兩台選秀綜藝對決，節目完結後King Jer娛樂台開帖問大家睇咗《全民造星3》定係《衝上雲霄大選》，結果成功引來阿Bob留言：
阿Bob活躍於各大平台
其實阿Bob林盛斌不時「路過」不同社交平台，若遇見有關自己的帖文，會留言同網友們「傾吓偈」，之前有網民在黃長興的新聞下留言指黃跟阿Bob一樣是「追仔L」，令阿Bob躺著也中槍，阿Bob立即現真身留言指自己冇追仔「可能你誤會咗，仔女我哋一樣咁錫，相信長興都係一樣」，被網民大讚EQ高，答得得體﹗
阿Bob：「唔係社交平台都唔可以留言呀﹗」
阿Bob面對負評展現最高EQ，早前更「踩過界」在ViuTV FB留言，向負評者挑機，事源ViuTV在某周六播出張繼聰、周柏豪、林敏聰、林盛斌、欣宜、連詩雅、蔡瀚億、雨橋的電影《西謊極落：太爆太子太空艙》，有網民留言指「咁多無綫藝人，不了」，阿Bob竟然踩場留言回覆「都唔係好多啫」，網民再留：「小心方丈小器﹗你入嚟ViuTV留言」，阿Bob繼續回覆：「方丈好大方㗎，其實呢套戲都幾好笑㗎﹗」網民發現阿Bob現身，都紛紛留言，阿Bob指自己路過所以同大家傾吓偈，又指「唔係社交平台都唔可以留言呀﹗」、又話「路過啫，好快走，唔好咁勞氣」
被罵擦鞋精 阿Bob自嘲：「我係擦鞋神」
對有尖酸負評，狂踩是「爛片」想熄機，阿Bob照樣回覆「睇少少試吓先啦，頂唔順先唔好睇囉」、「都唔係好爛嘅」、有網民稱他做Bob哥，引起有網民不滿，阿Bob即幫忙滅火：「都係一句稱呼啫，叫我仆街仔都OK㗎﹗」阿Bob的至高EQ真是無藝人能及，每個得體的回覆都光速KO所有負評者，獲網民大讚。
