林盛斌

林盛斌搵「阿妹」出鏡扮「有錢大晒呀」工人姐姐 網民:簡直成個餅印

最新娛聞

廣告

日前,一名外傭一邊食飯一邊以不純正但很清晰的廣東話拍片,內容大概是投訴顧主「使到盡」,該片段更在僱主群組之間瘋傳。及後,阿Bob林盛斌在IG拍片出Post,搵嚟與自己非常似樣的外傭姐姐上鏡模仿一次,網民不單止笑到轆地,更有不少人誤會工人姐姐是阿Bob的親生妹妹!

林盛斌 片中的姐姐投訴謂:「你有錢大晒呀,你而家試吓請工人,請得到咩?你試吓呀,可以呀!你估我唔可以呀,我都可以呀幫你做!你畀錢幾多啫,4千幾咋嘛,4千幾有幾多,仲幫你24小時,你話,放假又冇得放,仲講!冇話有錢大晒呀,你而家試吓搵工人,睇吓公司有冇人,你知唔知呀,工人都係人嚟㗎,唔係機械人呀,你要做乜就做乜,你要講乜就講乜,係,你係老闆,乜都啱晒,你唔使請人啦自己做啦,好簡單,係咪呀!」
片中的姐姐投訴謂:「你有錢大晒呀,你而家試吓請工人,請得到咩?你試吓呀,可以呀!你估我唔可以呀,我都可以呀幫你做!你畀錢幾多啫,4千幾咋嘛,4千幾有幾多,仲幫你24小時,你話,放假又冇得放,仲講!冇話有錢大晒呀,你而家試吓搵工人,睇吓公司有冇人,你知唔知呀,工人都係人嚟㗎,唔係機械人呀,你要做乜就做乜,你要講乜就講乜,係,你係老闆,乜都啱晒,你唔使請人啦自己做啦,好簡單,係咪呀!」(圖片來源:YouTube截圖)

林盛斌搵家傭姐姐再扮一次

阿Bob林盛斌日前在IG分享了一段影片,並寫道:「有咩唔開心咪直接同我講囉……..同埋佢唔係我屋企個姐姐嚟㗎,佢係我阿妹嚟㗎,似唔似樣呀?」片中只見與阿Bob極度相似的工人姐姐將原片的重要字眼略為講一次,包括「你有錢大晒呀,你而家試吓請工人,請得到咩」、「工人都係人嚟㗎,唔係機械人呀」,及後阿Bob更抵死地入鏡問「做咩」。不少網民都大讚好笑兼留言稱Bob與Nita好似樣,十足兩兄妹:「大鑊真係好似樣」、「簡直成個餅印」等,連吳若希都現身問:「你可唔可以唔好咁黐線」。

林盛斌 工人姐姐名叫Nita。
工人姐姐名叫Nita。(圖片來源:[email protected]_lamshingbun)
林盛斌 阿Bob突然現身引發笑點。
阿Bob突然現身引發笑點。(圖片來源:[email protected]_lamshingbun)
林盛斌 真係似十足兩兄妹。
真係似十足兩兄妹。(圖片來源:[email protected]_lamshingbun)
林盛斌 吳若希、陳自瑤現身留言。
吳若希、陳自瑤現身留言。(圖片來源:[email protected]_lamshingbun)

林盛斌與家傭姐姐關融洽似家人

阿Bob林盛斌與太太黃乙頤共育有三女一子,一家五口另外再聘請了兩位外傭姐姐幫忙打理家頭細務,而且相處非常融洽。Nita有一年生日,更曾經獲阿Bob全家人與她一起慶祝,事後阿Bob亦有分享至社交網站,當時已經有不少網民發現阿Bob與Nita好似樣十足兩兄妹,阿Bob形容說:「而家要搵到一個好嘅姐姐,機率係同中六合彩差唔多。」

林盛斌 一家五口與外傭姐姐相處融洽。
一家五口與外傭姐姐相處融洽。(圖片來源:[email protected]_lamshingbun)
林盛斌 仲邀請外傭姐姐的好友到自己家慶生。
仲邀請外傭姐姐的好友到自己家開Party。(圖片來源:[email protected]_lamshingbun)
林盛斌 不時曬合照。
不時曬合照。(圖片來源:[email protected]_lamshingbun)
林盛斌 過時過節都會一齊慶祝。
過時過節都會一齊慶祝。(圖片來源:[email protected]_lamshingbun)

撰文:東方新地圖片來源:[email protected]_lamshingbun、YouTube截圖

讀者留言