f977b6ea-0546-4472-be20-ff1ee1683bb7

80年代女神柏安妮17歲大女首登銀幕即獲獎 遺傳唔到母親顏值 激似呢位女星

最新娛聞

八十年代女神柏安妮的17歲女兒許恩怡(Natalie),不但繼承母業入行追夢,近憑電影《燃野少年的天空》在「2021東京國際電影節中國電影周」金鶴獎勇奪「最佳新人獎」﹗許恩怡坦言媽媽柏安妮對她演藝之路影響甚深,而息影多年的柏安妮雖然當年為家庭絕跡娛樂圈,並沒有安於做全職媽媽,在心理學上不斷進修,現為臨床心理學家﹗

文:東方新地|圖:[email protected] 、新傳媒圖片

柏安妮大女許恩怡首次參演內地青春歌舞片,首次拍戲及首擔女一便獲得獎項﹗Natalie遺傳了母親的優良基因,3歲開始習舞及學中國武術,在學校亦獲得不少學術獎項,品學兼優生,文武雙全﹗

內地青春歌舞電影《燃野少年的天空》,由張一白、韓琰執導,許恩怡(Natalie)與彭昱暢等人主演,Natalie在片中飾演一位追尋跳舞夢想的少女小黃(圖片來源:IG@natalieenyi)
內地青春歌舞電影《燃野少年的天空》,由張一白、韓琰執導,許恩怡(Natalie)與彭昱暢等人主演,Natalie在片中飾演一位追尋跳舞夢想的少女小黃。(圖片來源:[email protected]

疫情關係未能親自領獎

由於疫情關係,Natalie未能赴東京出席頒獎禮,拍片致謝辭時感謝台前幕後工作人員、經理人及家人的支持,Natalie說:「大家好!十分榮幸能夠獲得此獎項。我首先要感謝大會給我這個獎,對我來說是很大的鼓勵,我非常榮幸,再來想感謝一白導演和韓琰導演給我這麼一個機會。我第一次拍戲,拍得很開心,學到了很多,組裏每個人都對我很好,然後想感謝小余姐姐、Dora姐姐,和所有同事們和主創,大家都為了這部電影付出了很多,最後想感謝我的經紀人Kim和家人一直以來的支持,我一定會繼續努力,謝謝。」

(圖片來源:IG@natalieenyi )
(圖片來源:[email protected]
許恩怡因疫情關係,未能親赴日本領獎,只能拍片致辭﹗(圖片來源:官方圖片)
許恩怡因疫情關係,未能親赴日本領獎,只能拍片致辭﹗(圖片來源:官方圖片)

感激柏安妮教誨:她讓我學會隨機應變

提到首次拍電影,Natalie直言有一種難能可貴的神奇感覺,她說:「首次拍電影,我很開心能夠通過一個故事和裏面的角色感染别人。能和我甚至從沒見過的人進行交流是一件很神奇、很可貴的東西。」Natalie又不諱言媽媽柏安妮對她加入影圈也會給予意見,她說:「有,她讓我學會隨機應變,總是準備好迎接變化,然後也讓我學會接受意見,還有從意見中學習讓自己進步,成為更好的演員。」

柏安妮17歲大女首登銀幕即獲獎 3歲習舞練武遺傳母親優良基因
經歷了今次的拍攝後Natalie愛上演戲,由最初戰戰兢兢,很快便適應拍戲的節奏,到最後珍惜拍攝的每一刻,對她來說這確是一次難忘的經驗。(圖片來源:官方圖片)
奪獎令Natalie猶如打了一支強心針,以後她將會如電影中的角色小黃一樣,繼續追求夢想,做自己喜歡做的事,繼續拍好電影來感染別人﹗(圖片來源:官方圖片)
奪獎令Natalie猶如打了一支強心針,以後她將會如電影中的角色小黃一樣,繼續追求夢想,做自己喜歡做的事,繼續拍好電影來感染別人﹗(圖片來源:官方圖片)

Natalie是80年代混血女神柏安妮(Ann Bridgewater)的女兒,今年在經理人Kim的帶領下踏入影圈。Natalie品學兼優,三歲開始學習跳舞,自小開始已接受過古典舞、芭蕾舞與現代舞等舞蹈訓練,並完成了所有皇家舞蹈學院嘅分級同職業考試。Natalie更接受過武術訓練,擅⻑劍術、長拳、太極等,2019年亦參加了香港演藝學院年度傑出⻘年舞蹈家計劃,在武術與舞蹈領域均取得優異成績,而且在公開比賽上獲得不少獎項。

柏安妮17歲大女首登銀幕即獲獎 3歲習舞練武遺傳母親優良基因
許恩怡被指與內地女星周冬雨撞樣﹗其母柏安妮曾在訪問中直指兩女樣貌完全唔似自己,惟遺傳了其舞動基因﹗(圖片來源:[email protected]
周冬雨(圖片來源:IG@zhoudongyu)
周冬雨(圖片來源:[email protected]

相關文章:

息影23年 柏安妮心理學教女

2016年,闊別銀幕23年的柏安妮(Ann Bridgewater),一身素服、手持iPad並面帶笑容前來接受訪問,正切合她在平凡中找到喜愛工作的形象。Ann於1985年出道,為青春組合「開心少女組」一員,一齣代表作《為你鍾情》飾演張國榮的妹妹,瞬即登上女神之位,之後合作的粒粒皆星,有《咖哩辣椒》的周星馳、張學友、《俠盜高飛》的周潤發、《風塵三俠》的梁朝偉,正當事業最璀璨之時,Ann放棄短短八年的銀色旅途,投身專業行列,並與港大同學結婚誕下兩女,當年分別15及12歲,專心做個平凡的職業女性。 一直對兒童教育有興趣的她,先後考取了職業治療師及臨床心理學家專業資格,一做十多年,幫到人,更幫到女兒,利用工作經驗去教女,重溝通、不問成績、嚴守家教,令青春期的女兒不但無反叛,更感激媽咪的嚴厲。

近年贏在起跑線的文化,Ann收到很多家長學生求助,「考試焦慮最多,好多小朋友因為生活轉變而處理唔到學業。好多家長成日話小朋友懶,其實冇一個係特登懶,大部分都盡咗力,只係有啲原因kick住咗,做唔到父母嘅要求。」(圖片來源:新傳媒圖片)
近年贏在起跑線的文化,Ann收到很多家長學生求助,「考試焦慮最多,好多小朋友因為生活轉變而處理唔到學業。好多家長成日話小朋友懶,其實冇一個係特登懶,大部分都盡咗力,只係有啲原因kick住咗,做唔到父母嘅要求。」(圖片來源:新傳媒圖片)
3_270K_family
柏安妮 於80年代中至90年代初拍過多部電影,出眾的外貌及一雙帶點憂鬱的眼神,風靡萬千男士。(圖片來源:新傳媒圖片)
1985年《為你鍾情》飾演張國榮妹妹,青春逼人。(圖片來源:新傳媒圖片)
1985年《為你鍾情》飾演張國榮妹妹,青春逼人。(圖片來源:新傳媒圖片)
1993年拍畢代表作《風塵三俠》,便告別娛樂圈。(圖片來源:新傳媒圖片)
1993年拍畢代表作《風塵三俠》,便告別娛樂圈。(圖片來源:新傳媒圖片)

娛樂圈無安全感 退出讀書嫁同學

Ann是中、英、馬來西亞混血兒,美艷動人,更是一名叻女,入行前為香港花式溜冰冠軍,後獲英國牛津大學錄取,因獲黃百鳴賞識而放棄升學,一嘗做明星的滋味。在千變萬化的娛樂圈,際遇要講運氣,對性格踏實的Ann來說,沒有安全感,「喺娛樂圈除咗靠實力,好多嘢都要靠運,同埋睇你想唔想出去見人、交際、識到邊個,我覺得唔係好適合我。」八年的星途,Ann也自覺幸運,認識了許多愛錫她的人,但她覺得除了拍戲之外,仍想發掘其他興趣發展,在尋找新出路之前,必須重拾書本,故90年代初她到香港大學進修生物系,邊拍戲邊讀書,更認識了港大同學,其後相戀結婚,育有兩名女兒,正式展開新生活。

2_270K_family
Ann婚後育有一對女兒,管教比較嚴厲,尤其重家教、守規矩,希望女兒不會行差踏錯。

幫一個家庭 多一份滿足感

畢業後她做過無印良品香港品牌經理,之後為興趣再進修職業治療,從此為小朋友效勞,一做十幾年。 能找到真正喜歡的事業,又可以幫人,並非人人有如此福份。對Ann來說,每一個case都難忘獨特,「做過咁多個家庭,我個個都鍾意,好願意為佢哋做嘢,冇一個家庭我係唔想見,當深入認識每個家庭,就會睇到佢哋嘅好處同難處。難忘嘅都有,好似有小朋友嚟之前乜都唔肯食,嚟到做做吓佢食咗隻蕉,我已經開心到不得了!早幾日又有個小朋友,家長教咗好耐佢都唔識自己去廁所,我同佢傾咗一陣,佢返屋企終於去到。好多嘢我哋平時覺得好容易,對某啲人係好難,而我幫佢哋做到少少嘢,已經可以改善佢哋生活。」 做了多年職業治療後,Ann近幾年轉做臨床心理學家,希望多從內心去幫助有困難的小朋友,「以前多做0至6歲,依家會做到10幾歲,好似小朋友喺讀書、專注力、社交或心理上有問題,我都會幫佢。」

8new_270K_family
Ann與羅明珠(中)於80年代中出道,後與其他少女藝人組成開心少女組。

轉做臨床心理學家

職業治療與臨床心理學的最大分別,在於前者較重於教小朋友的日常生活,後者則關乎小朋友及家長的心理,比較全面具挑戰性。「職業治療師做多啲日常嘅嘢,小朋友嘅職業就係瞓覺、食嘢、返學、寫字,真係落手落腳教佢哋寫字、點樣換衫等等;臨床心理學固然之做心理嘢,如果小朋友唔開心,要同佢傾偈,睇吓佢家庭狀況,鼓勵家長點改善關係。」 其中一個最常見的學習問題「專注力不足」,是Ann的重點工作,主要做評估及幫家長正視問題。「好多專注力不足嘅小朋友好聰明,只係上堂遊魂,所以我就做好多評估,去證明個小朋友係聰明、智力冇問題,只係教佢嘅方式要多花心機,搵啲佢有興趣嘅嘢去教,咁對個小朋友轉變會好大,因為佢哋自細就俾人話懶同蠢,其實佢哋係聰明,所以佢哋好忟,做好多奇怪行為俾人鬧,形成惡性循環。」

Ann與丈夫在教女上比較隨和,對學業成績不執著,令女兒快樂地成長﹗(圖片來源:新傳媒圖片)
Ann與丈夫在教女上比較隨和,對學業成績不執著,令女兒快樂地成長﹗(圖片來源:新傳媒圖片)

兩女樣貌不似自己 惟遺傳舞動基因

談起兩個女兒,Ann感到窩心,她笑言女兒樣子不似自己,「樣同性格都似我老公多啲,大女比我靜,細女比我更活潑,所以我喺中間。」媽咪曾是花式溜冰健將,兩女遺傳了舞動基因,皆熱愛跳舞,細女有玩體操、武術。 息影後從不斷進修,到真正接觸無數家長小朋友,所得到的經驗,對自己教女也相得益彰,「進修期間一路提高對小朋友嘅知識同心理學,都幫到自己小朋友,例如點同佢哋傾偈、點樣教導、點分輕重。」在其他小朋友面前,Ann是一個仁慈的專家;在女兒面前,卻管得比較嚴,「我唔係嚴得好緊要,但我有規矩,個女要明白。佢哋覺得我嚴啲係好㗎,有時佢哋講其他同學發生咩事,就慶幸我係佢哋媽咪,唔畀佢哋做啲咁嘅嘢,好彩我嚴。」 兩女已踏入青春期,理應較多少女心事,Ann笑言幸好她們較成熟,明白事理,「唔多唔少總會有,佢哋試過喺學校同同學嗌交、畀人蝦,但佢哋處理得好好。」自建立家庭以來,Ann堅持擺最多時間在女兒身上,為了家庭她亦無意復出,「一有時間就畀晒佢哋,自己係冇晒私人時間。」

13_270K_family
Ann與拍檔研發了改善專注力的視頻遊戲GlowMaster,但打機多不怕反影響小朋友的專注力嗎?「呢個係特別嘅治療方式,人有腦電波,呢隻game係用特製頭箍量度專注力,如果專注力好,就會喺game中反映出來,所以隻game係利用治療方式去幫小朋友,佢哋喺game度睇到點樣集中精神,玩耐咗就會達到最佳水平。」

女兒想入行:好難唔畀佢嘗試

處理過眾多有考試壓力的小朋友,Ann更堅持不做虎媽,甚至令女兒覺得媽咪太不着緊,「我唔緊張佢哋成績,仲畀佢哋話番我唔緊張,有次大女話佢考到幾多分,我話咁咪好囉!佢竟然話:『係你先話好㗎咋,其他人唔會話好囉!』我覺得佢哋盡咗力就得,尤其十幾歲嘅女仔,喺學校、朋輩已經受好多壓力,會同其他人比較分數。」 受媽咪影響下,細女都有意從事臨床心理學,「細女久唔久有跟我返工,大女都有,因為我哋有時會同小朋友、年青人開小組,佢哋都一齊參加。」媽咪曾是女神級明星,兩女間中都有上Google、YouTube重溫媽咪的舊作,但不覺得媽咪是大美人!「我對佢哋嚟講一啲都唔靚,哈哈!佢哋知我拍過戲,間中睇報紙雜誌會見到我,久唔久都有YouTube我,但都係睇短短一段仔。細女試過細個返學學上Google,佢話同學Google我,哈哈!佢哋都慣咗!」 媽咪入行八年後,才找到真正的興趣,女兒會否想一試星途,再看出路?「如果佢哋想入行的話,好難唔俾佢哋嘗試,但點都要讀完書先。」

讀者留言