梁家輝

索細女Nikkie賀梁家輝63歲生日 陳年合家歡照曝光

最新娛聞

廣告

梁家輝日前63歲生日,獲細女梁靜曦(Nikkie)在社交網上連po多張父女合照賀壽,其中更他們一家四口及三代同堂的合家歡舊照,相中見到年輕時的梁家輝一樣有型有款,型足咁多年!Nikkie更留言向父親送上生日祝福說:「Happy Birthday to the best daddy in the world!!!! I love you so so much!!!!」

文:東方新地|圖:梁靜曦IG圖片及新傳媒圖片庫

梁家輝 型足咁多年

影帝梁家輝同電台製作人妻子江嘉年婚後育有一對雙胞胎女兒梁穎晨(Chole)同梁靜曦(Nikkie),梁家輝同囡囡就好似朋友咁,一家人相處融洽,日前梁家輝踏入63歲,細女Nikkie就在社交網上載了多張父女合照贈興。

索細女Nikkie賀梁家輝63歲生日 陳年合家歡照曝光
現年28歲Chole及Nikkie和父親梁家輝一向感情深厚。
索細女Nikkie賀梁家輝63歲生日 陳年合家歡照曝光
Nikkie和Chloe有意向幕前發展,早前曾與梁家輝父女檔拍攝內地真人騷節目《一路成長》。
索細女Nikkie賀梁家輝63歲生日 陳年合家歡照曝光
去年Nikkie曾入錄音室錄歌,唔知係咪想向樂壇發展?
索細女Nikkie賀梁家輝63歲生日 陳年合家歡照曝光
Nikkie大讚梁家輝係「the best daddy in the world」(世上最好的爹嗲)。
索細女Nikkie賀梁家輝63歲生日 陳年合家歡照曝光
爸爸梁家輝見到應該好冧。
索細女Nikkie賀梁家輝63歲生日 陳年合家歡照曝光
小時候的Nikkie同年輕時的梁家輝。
索細女Nikkie賀梁家輝63歲生日 陳年合家歡照曝光
最後再來一張一家四口的全家福合照,相中梁家輝仲同老婆江嘉年十指緊扣,非常Sweet!

梁家輝大女大哂比堅尼照

梁家輝一對孖女都擁有一雙水汪汪的大眼睛,笑容甜美,而且擁有魔鬼身材,早前大女Chloe曾向大家派福利,分享咗一張之前去馬爾代夫度假嘅舊相,相中見到Chloe著住件黑色三點色,大騷美好身段,又留言:「Take me back」,但小編反而想話:「Take me there」多啲。

索細女Nikkie賀梁家輝63歲生日 陳年合家歡照曝光
Chloe話好掛住當地的陽光。
索細女Nikkie賀梁家輝63歲生日 陳年合家歡照曝光
仲發夢見到自己返去晒日光浴。

之前,梁家輝一家人就去咗馬爾代夫度假,一家人心情大靚,Chloe仲去咗浮潛。

索細女Nikkie賀梁家輝63歲生日 陳年合家歡照曝光
兩個女齊著黑色比堅尼,拖實爸爸梁家輝手仔合照。

而細女Nikkie非常愛自拍,IG有大量自拍靚相,亦當然唔少得晒身材,不過Nikkie早已名花有主,佢經常在網上大晒自己同鬼仔男友的合照。

索細女Nikkie賀梁家輝63歲生日 陳年合家歡照曝光
火辣又性感。
索細女Nikkie賀梁家輝63歲生日 陳年合家歡照曝光
大晒古銅色性感Body。
索細女Nikkie賀梁家輝63歲生日 陳年合家歡照曝光
Nikkie經常同男友公然放閃。

經典回顧:63歲梁家輝初出道型相

79年 青春水著model

梁家輝加入娛樂圈前是一名模特兒,79年4月替某時裝品牌影平面廣告,其中著上紅色三角泳褲和女模特兒手拖手在海灘嬉水,大晒鋼條身形。

梁家輝
梁家輝初入行時原來是一名鋼條型男模。

81年 做發哥手下

梁家輝80年考入無綫第10期藝員訓練班,期間同劉德華獲派演劇集《 千王群英會 》做周潤發嘅保鑣, 但因擅自戴帽同加插小動作畀導演鬧,而佢亦因犯規被趕出訓練班。

梁家輝
曾在劇集《 千王群英會 》做發哥保鑣。

81年甘做觀音兵

另一張時裝廣告相,家輝哥笑口噬噬大抽細抽望實女伴,成個standard觀音兵。

索大女Nikkie賀梁家輝63歲生日 陳年合家歡照曝光
拍時裝廣告做觀音兵。

83年 最年輕影帝

梁家輝離開 TVB 後創辦雜誌,搵大導演李翰祥個女李殿朗做封面時撻著後,畀李大導睇中喺電影《火燒圓明園》同《垂簾聽政》演咸豐皇帝,翌年26歲嘅家輝哥憑《垂》片奪第三屆香港電影金像獎「最佳男主角」成史上最年輕影帝。

索大女Nikkie賀梁家輝63歲生日 陳年合家歡照曝光
憑電影《垂簾聽政》首封影帝。

87年 演監𧄌重生

87年台灣解禁令權取消後, 梁家輝共拍咗四部電影, 當中以票房勁收三千萬嘅《監獄風雲》最成功, 片中演耿直懦弱嘅監犯精彩百出,同出手幫佢獄友嘅周潤發演繹一段動人情誼。

索大女Nikkie賀梁家輝63歲生日 陳年合家歡照曝光
在電影《監獄風雲》飾演耿直懦弱的監躉。

87年 迎娶江嘉年

梁家輝84年雖贏得影帝卻遭台灣封殺,潦倒到做無牌小販賣飾品,86年參演香港電台劇集同喺港台工作嘅江嘉年撻著,三、四個月後喺87年5月20日閃婚,婚後帶旺家輝哥令事業屢創高峰。

索大女Nikkie賀梁家輝63歲生日 陳年合家歡照曝光
原來江嘉年當年與梁家輝結婚時,梁家輝的戶口只得8000元,可說是個窮小子,但女方卻毫不介意,還說:「我相信你以後不會讓我傷心的。」然後即下嫁梁家輝,故令對方相當感動!

92年 法片晒靚股

92年梁家輝迎嚟事業另一高峰,除獲頒香港藝術家年獎外仲打入國際喺法國電影《情人》 演越南華僑闊少,同珍瑪奇演嘅法國少女合演一段愛情故事,床戰時家輝哥更露出優質靚股。

索大女Nikkie賀梁家輝63歲生日 陳年合家歡照曝光
92年在法國電影《情人》 演越南華僑闊少。

92年 搞笑攞影帝

梁家輝92年喺電影《92黑玫瑰對黑玫瑰》扮呂奇,一本正經搞笑,不但大獲成功更第二次奪得香港電影金像獎「最佳男主角」,成首位以喜劇攞影帝嘅演員。

索大女Nikkie賀梁家輝63歲生日 陳年合家歡照曝光
憑電影《92黑玫瑰對黑玫瑰》再奪影帝大獎。

93年 偉仔父子情

梁家輝同梁朝偉93年喺電影《新難兄難弟》,演一對關係溝通唔到嘅父子,兒子偉仔意外穿越,令佢重新了解後生時期嘅家輝哥令父子和解,片中兩位影帝亦父亦子、稱兄道弟同樣動人。

索大女Nikkie賀梁家輝63歲生日 陳年合家歡照曝光
93年同梁朝偉在電影《新難兄難弟》飾演父子。

94年 不羈黃老邪

94年王家衛套《東邪西毒》拍咗三年終於完成上映,張國榮演多重性格嘅「西毒」歐陽鋒,梁家輝則演「東邪」黃藥師,性格放蕩不羈,造型頹廢cool爆。

索大女Nikkie賀梁家輝63歲生日 陳年合家歡照曝光
《東邪西毒》演「東邪」黃藥師。

94年 日本影靚相

梁家輝呢張靚仔相,係94年接受日本某電影刊物專訪時影嘅,相中嘅家輝哥西裝骨骨,神態自若。

索大女Nikkie賀梁家輝63歲生日 陳年合家歡照曝光
接受日本某電影刊物專訪。

97年 惡搞段皇爺

91年王家衛開拍電影《東邪西毒》因超時超資,喺投資者壓力下監製劉鎮偉以原班巨星,拍無厘頭瘋狂93年賀歲喜劇電影《射鵰英雄傳之東成西就》,梁家輝演一心想成仙嘅段皇爺,演得生鬼搞笑。

索大女Nikkie賀梁家輝63歲生日 陳年合家歡照曝光
出演喜劇電影《射鵰英雄傳之東成西就》。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

關鍵詞
梁家輝