梁家輝親妹沖繩出嫁 孖女盛裝靚爆出席
廣告
影帝梁家輝兩位千金Chloe和Nikkie，係出晒名的靚爆星二代，近日佢哋成家人齊齊飛去日本沖繩，並唔係旅行度假，而係去參與梁家輝妹妹Emmy的婚禮！兩位千金都分別帶上男朋友同行，齊齊喺網上放閃，好似搶晒新娘鏡喎！
撰文：東方新地｜圖片：instagram
梁家輝妹妹出嫁 家人一同見證
近日，梁家輝細妹Emmy於沖繩舉行婚禮，婚禮除了有家輝兩公婆出席外， 兩位已長得亭亭玉立的女兒Chloe和Nikkie亦有同行，仲各自帶埋男朋友，今次真係一家人齊齊整整啦！
梁家輝孖女為姑姐做花女
婚禮當日，Chloe和Nikkie當然盛裝打扮出席，擔任花女的Nikkie更直言由細到大話要做姑姐花女，講到26歲終於等到今日，同時更稱姑姐是全世界最靚的新娘。
孖女男朋友一同出席
連日來，兩姊妹都上載唔少婚禮的相片外，又各自放埋同男友一起的甜蜜合照，睇得出一雙一對的他們，令成個婚禮氣氛洋溢住更濃厚的甜蜜氣息！
梁家輝孖女感情要好
另外，由於日前是National Siblings Day，即係國際兄弟姊妹日，感情要好的一對孖女當然要順勢慶祝一下，所以就放咗唔少自拍照上網。一對孖女又索又靚，相信將來都會同姑姐一樣，係個靚靚新娘！
