梁敏巧

東張西望|梁敏巧真素顏曝光 曾被彈個樣唔掂 眼下垂感自卑焦慮

最新娛聞

廣告

26歲的梁敏巧(Maggie)因主持《東張西望》而為觀眾認識,其火辣身材成為焦點,被封新一任「東張女神」,但原來梁敏巧選港姐入行時外貌曾被批評,她因眼下垂感到自卑,甚至懷疑自己有焦慮症。幸好梁敏巧有阿Q精神,入行後鑽研化妝技巧改善五官的缺點,早前她更公開自己少女時代的舊照,指出當年身形上亦有缺陷,經過多年努力梁敏巧終重拾少少自信。

梁敏巧 26歲的梁敏巧看似充滿自信,但原來初入行已受盎打擊。
26歲的梁敏巧看似充滿自信,但原來初入行已受盎打擊。(圖片來源:IG@maggiemanhau)
梁敏巧 梁敏巧主持《東張西望》入晒屋。
梁敏巧主持《東張西望》入晒屋。(圖片來源:IG@maggiemanhau)

梁敏巧拍片教化妝技巧 真素顏曝光

梁敏巧除了是《東張西望》主持,近年她更在YouTube開設個人頻道,拍片做KOL,港姐出身又係靚女,梁敏巧不時在片中分享美容心得,早前她上載一條影片分享自己平時護膚及化妝的過程及小秘訣,當講到自己的樣貌時,梁敏巧自爆參選港姐時有行內人建議她要執執個樣。

梁敏巧 梁敏巧話最唔滿意自己對眼。
梁敏巧話最唔滿意自己對眼。(圖片來源:YouTube@梁敏巧Maggie Leung)
梁敏巧 入行前受盡批評。
入行前受盡批評。(圖片來源:YouTube@梁敏巧Maggie Leung)
梁敏巧 笑起上來對眼又真係幾下垂。
笑起上來對眼又真係幾下垂。(圖片來源:YouTube@梁敏巧Maggie Leung)

梁敏巧被彈雙眼嚴重下垂

梁敏巧邊向觀眾介紹她用的護膚品及化妝品,邊親自示範化妝技巧,畫眼妝時她開始大吐苦水,直言不喜歡自己的眼型,參選香港小姐時更被導師及幕後建議:「如果你想入行嘅話,你整下隻眼喎,你隻眼咁下垂又咁細,點搞呀?」梁敏巧坦言當時打擊非常大,參選期間又有好多網民在網上對她評頭品足,令她更加感到自卑,她說:「其實到依家都好自卑。」因為她的臉形比較方腮骨亦明顯,曾在朋友聚會上被當眾恥笑上鏡時塊面會遮了3/4個鏡頭,梁敏巧為此亦耿耿於懷。

梁敏巧 梁敏巧直認好自卑。
梁敏巧直認好自卑。(圖片來源:YouTube@梁敏巧Maggie Leung)
梁敏巧 仲話自己唔算係靚女。
仲話自己唔算係靚女。(圖片來源:YouTube@梁敏巧Maggie Leung)

梁敏巧自認唔係靚女

梁敏巧雖然非常介意別人對她的批評,不過她亦在片中自認在圈中唔算係靚女,更在入行初期曾經在網上查找很多有關於整形的資料,梁敏巧更誇張到會為自己的五官每個一部分都做資料收集,了解當中的風險、修復期需要的時間以及效果,梁敏巧回想自己的行為直言:「我係黐咗線,我覺得自己嗰陣真係有少少焦慮症。」

去片!梁敏巧因為個樣曾感自卑

梁敏巧 梁敏巧現在的身形的確係誇啦啦!
梁敏巧現在的身形的確係誇啦啦!(圖片來源:IG@maggiemanhau)

梁敏巧自揭黑歷史

梁敏巧(Maggie)2019年參加《香港小姐競選》時,已經擁有驕人身材,之後擔任《東張西望》外景主持亦因為經常穿緊身衫而出位。早前她在社交網上載自己少女時期的舊照,表示以前的她身形唔fit,亦有少少X型腳,梁敏巧仲分享自己的減肥飲食餐單,教大家如何才能擁有42吋長腿。

梁敏巧 少女時期的梁敏巧,身形圓潤都幾有分量,個樣同依家真係好唔同。
少女時期的梁敏巧,身形圓潤都幾有分量,個樣同依家真係好唔同。(圖片來源:IG@maggiemanhau)
梁敏巧 梁敏巧自爆修身秘技。
梁敏巧自爆修身秘技。(圖片來源:IG@maggiemanhau)

梁敏巧靠拉筋拉長雙腳

梁敏巧唔止po判若兩人的舊照,仲留言:「再爆多個秘密你知,其實我有落苦功!唔睇返啲舊相唔覺,原來我細個有少少X腳,幾年前開始間唔時拉下筋,但從來都無特別留意自己腳型,自從開始做瑜伽之後就日日幾乎都有拉筋,慢慢發現腳型開始直咗!同埋線條柔和咗,睇落修長很多!」梁敏巧接受傳媒訪問時更表示在沙發或是床上都可以做拉筋運動,每日做兩次,朝早起身一次,臨瞓做一次。平日睇電視都可以做,keep住拉鬆啲筋,對身體同埋矯正腳型同埋修長線條都好有幫助。

梁敏巧 梁敏巧熱愛做運動。
梁敏巧熱愛做運動。(圖片來源:IG@maggiemanhau)
梁敏巧 早前開工被攝影師話有肚腩,令梁敏巧的起心肝發奮修身。
因為開工被攝影師話有肚腩,令梁敏巧的起心肝發奮修身。(圖片來源:IG@maggiemanhau)
梁敏巧 梁敏巧話自己拉筋多年,雙腿現在有42吋長。
梁敏巧話自己拉筋多年,雙腿現在有42吋長。(圖片來源:IG@maggiemanhau)
梁敏巧 26歲的梁敏巧成為東張新女神。
26歲的梁敏巧成為東張新女神。(圖片來源:IG@maggiemanhau)
梁敏巧 梁敏巧的出眾身材成為焦點。
梁敏巧的出眾身材成為焦點。(圖片來源:IG@maggiemanhau)

梁敏巧開設個人YouTube頻道狂派福利

2019年參選香港小姐的梁敏巧(Maggie),上年7月加入《東張西望》後被派做外景主持,集集出動貼身衫突顯火辣身材的梁敏巧好快受到網民的關注,26歲,5呎7吋高,32C、23、34的梁敏巧經常在社交網大派福利,被封為新一代「東張女神」。最近佢喺YouTube開設個人頻道,同粉絲增加互動,大玩你問我答!梁敏巧表示好多都係男粉絲的關係,所以就邀請咗佢男性朋友Jetso嚟代粉絲講出問題,問題大都非常敏感刁鑽,不過絕對難唔到梁敏巧,佢仲非常大方答晒!

梁敏巧 對於尖銳問題,梁敏巧有問必答﹗
對於尖銳問題,梁敏巧有問必答﹗(圖片來源:IG@maggiemanhau)

梁敏巧大講性事唔迴避

梁敏巧一開始就被問「會唔會考慮影尺度大啲嘅相」,梁敏巧直言唔單止可以影「尺度大啲」,全裸都無問題!不過佢就話最重要係睇件事「cheap唔cheap」,只考慮基於藝術成份的相。後來有粉絲大膽問梁敏巧最喜歡咩體位?佢即埸搵咗隻公仔做示範,雖然因為怕黃標而打咗格,但個答案竟然係「金雞獨立」,都幾特別!

梁敏巧
(圖片來源:youtube@梁敏巧Maggie Leung)
梁敏巧
(圖片來源:youtube@梁敏巧Maggie Leung)

「5億駙馬」黎諾懿係幻想對象

跟住再被追擊問「搞過幾次嘢?」梁敏巧表示點會記得:「你要我數就真係唔知點數,你唔會搵本簿Mark低嘛!」不過男朋友就只有3個。後來被問到最想同邊個男藝人拍床戲,梁敏巧的答案竟然係「胡楓叔叔」,Jetso當堂聽到都呆一呆,問梁敏巧係咪想搵啲比較有經驗的男藝人?梁敏巧就補充床上面可以捉吓棋、傾吓計,好多嘢可以做,被Jetso即讚轉數快!後來Jetso繼續追問落去,答案竟然係「5億駙馬」黎諾懿,梁敏巧仲表示係佢嘅幻想對象,因為黎諾懿予人感覺好溫柔,估唔到梁敏巧咁大方答晒粉絲啲難題!

梁敏巧 梁敏巧雖然有問必答,但就一度以雙掩面﹗
梁敏巧雖然有問必答,但就一度以雙掩面﹗(圖片來源:youtube@梁敏巧Maggie Leung)

網民:竟然咁大膽!

唔少網民睇完都畀好評,認為梁敏巧的答案相當大膽敢言,又指對呢啲敏感話題,大部分藝人都會落閘或者大耍太極。網民亦都表示對梁敏巧了解多咗,覺得佢為人好真,唔造作,大大加分,睇嚟梁敏巧今次玩你問我答非常成功!

梁敏巧
(圖片來源:youtube@梁敏巧Maggie Leung)
梁敏巧
(圖片來源:ig@maggiemanhau)

梁敏巧靚相:

梁敏巧
(圖片來源:IG@maggiemanhau)
梁敏巧
(圖片來源:IG@maggiemanhau)
梁敏巧
(圖片來源:IG@maggiemanhau)
梁敏巧
(圖片來源:IG@maggiemanhau)

想了解更多睇片啦!

點擊下圖逐格睇梁敏巧靚相

梁敏巧為何曾懷疑有焦慮?

梁敏巧近日拍片分享化妝心得,直言曾被彈外貌,到而家都好自卑⋯⋯詳情請看

梁敏巧曾自揭什麼黑歷史?

早前她更公開自己少女時代的舊照⋯⋯詳情請看

撰文:東方新地圖片來源:IG@maggiemanhau、YouTube@梁敏巧Maggie Leung資料或影片來源:YouTube@梁敏巧Maggie Leung