森美

48歲森美聞胳肋底有「反應」自爆補習補上牀:嗰陣味我到而家都記得

最新娛聞

廣告

森美最近現身《絲打圍佬》同連詩雅(Shiga)、楊詩敏(蝦頭)大談愛情哲學,更自爆學生時代試過補習補上牀,原因係「臭味相投」?

森美 森美自爆補習補上床經歷,佢話當時拍緊拖,即係間接認自己試過「偷食」?
森美自爆補習補上床經歷,佢話當時拍緊拖,即係間接認自己試過「偷食」?(圖片來源:圖片來源:《絲打圍佬》影片截圖)

森美聞胳肋底有「反應」 自爆補習補上牀

森美喺節目分享,有科學家發現男女相愛同汗味等基因配合程度有關,若果唔覺得對方汗味難聞,就好大機會可以發展落去。講講吓,森美自爆當年同女朋友拍緊拖,有次上門幫女學生補習,補習時情不自禁親熱起上嚟,對方一瞓落牀,「我聞到佢胳肋底有陣味,我聞到即刻有反應著晒,覺得好正,嗰陣原始嘅味好香,可能佢自己都聞到陣味,就行出去噴止汗劑。之後我真係覺得冇咁正,但嗰陣味我到而家都記得,係sexy嘅味道,覺得佢同我喺身體上,完全係perfect。」

森美 森美到而家都記得女學生嗰陣味。
森美到而家都記得女學生嗰陣味。(圖片來源:《絲打圍佬》影片截圖)
森美 森美話基因會控制自己鍾意乜嘢人,對方一開口講嘢就判斷得到,完全係天生。
森美話基因會控制自己鍾意乜嘢人,對方一開口講嘢就判斷得到,完全係天生。(圖片來源:《絲打圍佬》影片截圖)
森美 連詩雅聽完激動鬧森美係「壞男人」。
連詩雅聽完激動鬧森美係「壞男人」。(圖片來源:《絲打圍佬》影片截圖)

森美爆金句:

如果男人完事後,攬住你,佢就係愛你。

人類天生愛「臭味」

連詩雅聽完森美自爆,自言好明白嗰種感覺,因為身邊朋友生完BB,都好鍾意攬住BB用鼻聞「BB騷味」,就如養狗朋友聞到愛犬有尿味可以表現得咁享受。森美解釋呢樣嘢係天生,因為寵物馴化過程中,係一代代配種,下一代特性會更得人鍾意,所以狗仔會愈來愈可愛。而人類喜不喜歡對方也是一樣,因為嗅覺基因一早決定「臭味相投」的人容易喺埋一齊,佢哋大機會繁衍到下一代,所生嘅下一代免疫系統亦會更好。

森美 森美話打完波成身汗都唔會覺成班朋友臭,因為臭味相投先做到朋友。
森美話打完波成身汗都唔會覺成班朋友臭,因為臭味相投先做到朋友。(圖片來源:《絲打圍佬》影片截圖)

青春期突然覺得阿媽臭 原來有得解

森美仲分享自身經歷,話自己青春期嗰陣突然覺得阿媽好臭,後尾發覺原來同人類演進學有關,「去到青春期,我成日覺得阿媽好臭,成陣汗味,其實係基因上驚你脫離唔到媽咪,所以先會覺得阿媽臭。而家我太太都覺得阿囝開始臭,但我係聞唔到,反而我個女就覺得我好臭。」簡單嚟講,即係基因上令你覺得父母臭,唔會亂嚟,避免近親繁衍情況出現。

森美 森美分享自身經歷,話自己青春期嗰陣突然覺得阿媽好臭,後尾發覺原來同人類演進學有關。
森美分享自身經歷,話自己青春期嗰陣突然覺得阿媽好臭,後尾發覺原來同人類演進學有關。(圖片來源:《絲打圍佬》影片截圖)
森美 森美分享自己當年係先訂婚,然後兩年都冇行動,再爆出金句:「婚姻對男人毫無好處,講一個好處俾我聽吓?」
森美分享自己當年係先訂婚,然後兩年都冇行動,再爆出金句:「婚姻對男人毫無好處,講一個好處俾我聽吓?」(圖片來源:《絲打圍佬》影片截圖)

立即睇最新一集《絲打圍佬》

森美自爆學生時代試過補習補上牀,認真大膽!

同場加映:每個男人都要4個女人

森美表示男女唔只身體構造不同,連腦部構造都好大分別,所以係冇辦法完全明白對方。對於搵老婆,森美就大爆每個男人其實都係想要四個女人,「男人係希望有一個老婆,一個情婦,一個情人,然後再有一個知己,每個位置都可以放一個人,最有趣嘅地方係佢會鍾意以上全部人,好公平對待每個人。」連詩雅聽完呢個獨到見解一頭霧水,森美續以一雙手解釋,每個人對左、右手都好公道,唔會錫右手多啲,而唔錫左手,揚言女人要接受老公或男朋友可以同時擁有兩個女人。森美呢番說話聽落好似好有道理,但諗深一層總係怪怪地,唔知佢老婆受唔受呢?

絲打圍爐 絲打圍佬 森美:「男人係希望有一個老婆,一個情婦,一個情人,然後再有一個知己。」
森美:「男人係希望有一個老婆,一個情婦,一個情人,然後再有一個知己。」(圖片來源:《絲打圍佬》影片截圖)
絲打圍爐 絲打圍佬 森美:「男人係希望有一個老婆,一個情婦,一個情人,然後再有一個知己。」
森美:「男人係希望有一個老婆,一個情婦,一個情人,然後再有一個知己。」(圖片來源:《絲打圍佬》影片截圖)
森美 絲打圍爐 絲打圍佬 連詩雅:「作為女人聽到呢件事好唔放心。」
連詩雅:「作為女人聽到呢件事好唔放心。」(圖片來源:《絲打圍佬》影片截圖)

點解女人鍾意壞男人?

森美話戀愛係為咗開心、快樂,而人之所以會得到開心嘅感覺就係嚟自荷爾蒙,而荷爾蒙喺生物角度嚟講,就係繁衍下一代,將基因流傳到下一代。正因為多情嘅壞男人可以俾到女人更多新鮮感、開心感覺,女人自然會傾向揀壞男人做另一半,同時多情亦代表容易發生親密關係繁衍下一代,「揀個渣男,係確保你嘅仔女有幸福,你個孫出到世,而犧牲女人自己嘅幸福,女人幾偉大呀。」

森美 絲打圍爐 絲打圍佬 連詩雅:「作為女人聽到呢件事好唔放心,好唔想生女,只係想生仔,因為仔可以多情,但不會想女多情。」
連詩雅:「作為女人聽到呢件事好唔放心,好唔想生女,只係想生仔,因為仔可以多情,但不會想女多情。」(圖片來源:《絲打圍佬》影片截圖)
絲打圍爐 絲打圍佬 森美理性分析戀愛其實喺生物角度嚟講,就係為咗繁衍下一代,將基因流傳到下一代。
森美理性分析戀愛其實喺生物角度嚟講,就係為咗繁衍下一代,將基因流傳到下一代。(圖片來源:《絲打圍佬》影片截圖)

森美提醒女性不宜太早獻出第一次,因為俾咗個初 夜出去,女人價值便大下跌。(圖片來源:《絲打圍佬》影片截圖)

立即睇上集《絲打圍佬》

森美大哥愛情觀真獨特。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

撰文:東方新地圖片來源:《絲打圍佬》影片截圖資料或影片來源:YouTube@ChillGOOD TV