楊千嬅

楊千嬅回應周啟生狠批唔適宜做歌手:對我嚟講好濕碎! 梁詠琪尷尬避談

最新娛聞

廣告

日前(24日)楊千嬅出席「聯合國兒童基金香港委員會35周年慈善晚宴」,接受傳媒訪問時,認錯無綫男主播許文軒自嘲腦霧,對於周啟生廿年前已經狠批她唔適合做歌手,楊千嬅表情不屑話自己放大假熄機,唔知對方講過乜,不過唔知又回應,坦言呢啲評論對佢嚟講好濕碎!

楊千嬅 返內地賺人仔賺夠?楊千嬅曾揚言想回歸香港娛樂圈。
返內地賺人仔賺夠?楊千嬅曾揚言想回歸香港娛樂圈。(圖片來源:IG@yeungchinwah)
楊千嬅 楊千嬅在IG出po話想重新再出發。
楊千嬅在IG出po話想重新再出發。(圖片來源:IG@yeungchinwah)

49歲殘樣千嬅 自嘲腦霧認錯人

過去幾年,楊千嬅都留在國內發展,不斷出席國內真人騷節目,在內地還被譽為「行走中的CD」,其中最為人知是《聲生不息》,直至去年底通關後她便回歸香港,聲言想重新開始。可能太耐冇見香港傳媒,日前楊千嬅出席活動接受無綫娛樂新聞台訪問,狂撩主播許文軒一心扮熟,點知認錯人,場面十分老尷,她只好即時以笑遮醜,還自嘲腦霧,點知呢一笑令殘樣盡現。

楊千嬅 楊千嬅主動狂撩無綫娛樂新聞台的許文軒吹水。
楊千嬅主動狂撩無綫娛樂新聞台的許文軒吹水。(圖片來源:YouTube@無綫娛樂新聞台影片截圖)

呃水吹出事

楊千嬅手持咪牌等埋位時,與身旁的無綫娛樂主播許文軒扮熟呃水吹,點知點錯相出事。
楊:楊千嬅 許:許文軒
楊:瘦咗喎你!
許:多謝
楊:真係瘦咗,比起嗰日做騷。
許:嗰日做騷?
楊:我自己演唱會呀!
許:你見到我咩?
楊:你冇嚟到咩?個嗰唔係你咩?
許:我有呀!但我冇入後台呀!
楊:吓!個嗰揸牌邊個嚟㗎?唔通我腦霧?嘩,神對話呀!(尷尬笑)
楊:(再追問)嗰日你唔喺度咩?

許:我冇入後台呀!
楊:唔係喎有訪問喎!
許:12月個嗰吖嘛,我有睇但冇入後台。
楊:哦⋯⋯死囉!咁個嗰邊個嚟,同我做訪問嗰個?

楊千嬅 發現認錯人吹錯水,楊千嬅以笑遮醜。
發現認錯人吹錯水,楊千嬅以笑遮醜。(圖片來源:YouTube@無綫娛樂新聞台影片截圖)

叉電多個月都補唔返

老貓燒鬚嘅楊千嬅尷尬到不停大笑,網民睇咗咁多年都見慣不怪,紛紛留言:「扮笑呢招用咗咁多年,自己都呃埋」、「千嬅在香港翻生機會是zero」。今次博唔到大霧扮Friend 外,楊千嬅49歲將近半百殘樣盡現,除咗頸紋、面上嘅苦紋、木偶紋、川字紋同勁下陷嘅眼窩都好礙眼。去年12月開完演唱會便一直放假休養的楊千嬅,農曆新年仲去完瑞士滑雪,都係敵不過歲月催人。

楊千嬅 49歲的楊千嬅個樣突然一沉,面上乜嘢紋都出晒黎。
49歲的楊千嬅個樣突然一沉,面上乜嘢紋都出晒黎。(圖片來源:YouTube@無綫娛樂新聞台影片截圖)
楊千嬅 網民指千嬅以笑遮醜用足多年。
網民指千嬅以笑遮醜用足多年。(圖片來源:YouTube討論區截圖)
楊千嬅 楊千嬅剛去完瑞士滑雪,影了不少素顏滑雪照。
楊千嬅剛去完瑞士滑雪,影了不少素顏滑雪照。(圖片來源:IG@yeungchinwah)

回應周啟生批評 千嬅表情不屑

對於早前周啟生重提20年前曾批評楊千嬅不適合唱歌,楊千嬅首次親身回應,她坦言因放大假沒留意報道:「我休息,放假條天線收埋咗同埋熄機啦!我唔知做咩喎……嘩!20年前呀?20年前我都有懷疑自己,無論係乜嘢評語都好,都係希望大家進步嘅啫,雖然我唔知佢講嘅內容係乜嘢,我相信都係希望大家喺自己嘅專業上面有空間進步,喺我今時今日我嘅理解所有嘢都係好事嚟嘅⋯⋯同埋對我來講好濕碎咋喎,呢啲事過咗去唔使咁執着。」千嬅說時故作輕鬆,露出一絲絲不屑的表情。

楊千嬅 雖然好大方咁回應,不過聽到唔想聽的提問,楊千嬅都有一兩下眉頭緊皺。
雖然好大方咁回應,不過聽到唔想聽的提問,楊千嬅都有一兩下眉頭緊皺。(圖片來源:YouTube@無綫娛樂新聞台影片截圖)
楊千嬅 楊千嬅回應時的不屑樣。
楊千嬅回應時的不屑樣。(圖片來源:YouTube@無綫娛樂新聞台影片截圖)

梁詠琪聞梁文禮時感尷尬

因為梁文禮暗踩梁詠琪,繼而引發楊千嬅被周啟生點名狠批事件,事後梁文禮透過DJ好友雲妮向Gigi道歉,並向她示愛,於25日出席活動時,Gigi再被記者追問是否接受對方道歉,她說:「我諗都唔重要,大家都向前行,唔好喺呢件事上面停留……我諗都唔重要,唔再講!無謂再喺呢年事上面兜圈,有更多重要嘅嘢要做!」至於周啟生公開撐梁文禮,並批評當今歌手唔夠班等,Gigi眼仔碌碌被問到口啞啞,當場dead air達十幾秒才開口:「我諗都唔去評論咁多,大家都繼續向前行,不如大家都做好自己……(記者再追問梁文禮事件)我唔知點答呀!」

楊千嬅 被問及是否接受梁文禮的道歉,梁詠琪已不欲多談。
被問及是否接受梁文禮的道歉,梁詠琪已不欲多談。(圖片來源:YouTube@無綫娛樂新聞台影片截圖)
楊千嬅 梁詠琪拒絕回應周啟生的言論,一度令現場氣氛好尷尬。
梁詠琪拒絕回應周啟生的言論,一度令現場氣氛好尷尬。(圖片來源:YouTube@無綫娛樂新聞台影片截圖)

楊千嬅回應周啟生

楊千嬅話20年前都有懷疑過自己。

梁詠琪尷尬避談

梁詠琪就唔想再喺梁文禮事件上兜圈。

周啟生狠批樂壇:一班食客,垃圾都可以吞落肚

樂壇前輩加音樂人周啟生日前激罕開腔撐「雙面人」梁文禮,疑遭梁詠琪粉絲狙擊。周啟生指梁文禮「去批評一個根本唔識唱歌嘅名歌手」係無錯嘅!卻遭網民狙擊,周啟生再出口:「A鬧阿B,暫且唔討論A啱定唔啱,阿B搵一千人去對付A,我認為阿B唔啱!」他慨嘆香港樂觀壇缺乏實力派歌手,更比喻「一班食客,垃圾都可以吞落肚,仲邊度會有好嘅廚師?」之後周啟生再發長文,今次點名去年回歸香港開騷的楊千嬅!

楊千嬅去年忽然回歸香港樂壇開騷,今年搞大壽時,又爭住咪唱歌,自嘲熱愛唱歌!
楊千嬅去年忽然回歸香港樂壇開騷,今年搞大壽時,又爭住咪唱歌,自嘲熱愛唱歌!(圖片來源:IG@yeungchinwah)

周啟生廿年前批中:楊千嬅唔適宜唱歌

周啟生發文重提廿年前曾狠批過楊千嬅根本唔適宜唱歌,他指當年被人鬧到飛起,但現在人人鬧楊千嬅,正正批中了。他長文寫道:「活在一個奇特嘅城市叫做香港,音樂藝術在流行市場裏面,其實商業佔了大部分。一個歌手會否成名,同佢本身音樂嘅能力同天份絕對不成正比例!在這環境工作差不多五十年了,曾經合作,共事嘅成名歌手也有很多,其中有著漂亮外型、俊朗、性感身材嘅也有不少…….經驗所見,真正成名利就,同唱歌好叻或者音樂造詣好高嘅,絕對唔成正比例。我經常掛喺嘴邊嘅都以實力行先,差不多20年前我曾經講過楊千樺根本唔適宜唱歌!當時畀人鬧到飛起,而家人人都鬧緊佢。改變嘅並非係事實而係大家嘅心態……寄語香港嘅迷哥迷妹,再瞓身誓死保護偶像同時,唔好忘記實力兩個字,否則香港音樂界前途堪虞….Alas!」

楊千嬅 周啟生 周啟生去年到加拿大開騷,遇見夏蕙BB。
周啟生去年到加拿大開騷,遇見夏蕙BB。(圖片來源:FB@周啟生)
楊千嬅 周啟生 周啟生長文批評香港現今樂壇的奇怪現像,指大家都不著重實力!
周啟生長文批評香港現今樂壇的奇怪現像,指大家都不著重實力!(圖片來源:FB@周啟生)
楊千嬅 周啟生 61歲的周啟生日日做運動保持弗爆身材,幾十年來都會練琴練歌!
61歲的周啟生日日做運動保持弗爆身材,幾十年來都會練琴練歌!即使四面楚歌,周啟生仍語出驚人,指樂迷不應盲目追星,歌手具備實力是基本,更重提自己廿年前狠批「楊千嬅唔適宜唱歌」,令網民轉軚支持其見解。(圖片來源:FB@周啟生)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

撰文:東方新地圖片來源:YouTube@無綫娛樂新聞台影片截圖、IG@yeungchinwah