楊思琦

楊思琦被林盛斌追問虛擬老公:如果我講大話咪好辛苦﹗ 爆囡囡最開心終於有爸爸

最新娛聞

廣告

楊思琦01年成為港姐冠軍後,最為人熟悉應該是當年棄拍拖九年的李泳豪搭上空心老倌吳帥,結果未婚生女被指拜金一沉百踩。去年2月楊思琦再被踢爆離奇生多個仔,事後她解釋與圈外老公已結婚,不過從來冇人見過她口中的老公楊思琦的虛擬老公成謎,日前她接受阿Bob林盛斌和麥玲玲師傅《Master’s Talk師父有請》訪問,再被追問虛擬老公,楊思琦話覺得傳聞好搞笑﹗

撰文:東方新地 |圖片:《師父有請》截圖、楊思琦IG圖片

楊思琦和羅霖日前上《Master's Talk師父有請》節目,大談感情、婚姻﹗
楊思琦和羅霖日前上《Master’s Talk師父有請》節目,大談感情、婚姻﹗

爆舊愛冇畀過女兒生活費

主持指楊思琦當年突然傳出未婚懷孕的消息,一度震驚娛樂圈,楊思琦話:「生小朋友係我打算,不過之後發生嘅事,係我同對方(前男友吳帥)有問題冇再喺埋一齊。」楊思琦表示對方沒有經濟上支援女兒的生活費,她認為自己負擔到就問都沒有問對方。

兩位人母一講到仔女,便不其然感觸起來。
兩位人母一講到仔女,便不其然感觸起來。

阿Bob問大女有冇追問生父?楊思琦話:「佢冇問起生父,不過有講過話想要個弟弟,同埋話想要個爸爸,所以依家佢叫我現任丈夫做爸爸,不斷咁叫,佢恨咗好耐﹗」不過楊思琦對現任丈夫還是好口密,她解釋因為丈夫是圈外人,不讓對方曝光是尊重他的決定,楊思琦話:「我由細到大都喺呢行,大家記者朋友都睇住我大,有咩都可以講,不過佢話唔想講我咪配合,(呢個世界係咪冇乜人知你丈夫身份?」係呀,有傳聞話係虛擬老公㖭,又話我作出嚟,又話咩大話冚大話,我覺得好好笑,如果我作大話出嚟,我咪好辛苦囉,我點會諗到咁多嘢?」楊思琦又謂現在生活很開心﹗

楊思琦
楊思琦

早前楊思琦為陳志雲的網上節目《Stephen‧傾》做嘉賓,志雲大師打爛沙盤問到篤,楊思琦幾度被問到面有難色,期間更當場傷心痛哭……

楊思琦
楊思琦上陳志雲的網上節目做嘉賓,一見面即手踭踫手踭打招呼。《Stephen‧傾》網上影片截圖
楊思琦
楊思琦是歷年獲獎最多的港姐,她細數當年獲得冠軍、最上鏡小姐、網上最奪目小姐、纖體美態獎、最甜美笑容佳麗獎和最修長美腿佳麗獎。《Stephen‧傾》網上影片截圖
楊思琦
陳志雲由楊思琦01年參選港姐講起,回憶當年不少開心往事。《Stephen‧傾》網上影片截圖

楊思琦有口難言

楊思琦當年戀吳帥搞到變成未婚媽媽,逃去美國生女後兩個月返港,成為一時佳話,14年楊思琦約滿無綫電視後決定不續約,近年為養家攻入內地市場,去年唔聲唔聲又生仔,已經行錯一次的楊思琦今次仲離奇,老公與兒子生父身份隻字不提,只強調對方是圈外人不想曝光。愈神秘就愈惹人揣測,陳志雲在其網上節目《Stephen‧傾》內多方位單刀直問,楊思琦多次保持緘默唔知點答好,仲試過黑面。

楊思琦
楊思琦唔止要接受訪問,更要即場獻唱。《Stephen‧傾》網上影片截圖
楊思琦
近年有意轉型做歌星的楊思琦,唱功大有進步。

楊思琦痛失知心友落淚

陳志雲由楊思琦參選港姐開始問起,講到她是屋邨港姐,楊思琦表示好懷念以前讀書的日子,還透露之前一位要好的中學同學離世,她忍不住落淚說:「好突然,佢走咗之後冇耐,我就收到首〈仲夏陽光〉,我即刻喊咗出嚟,歌詞就好似講緊我同佢。我每晚瞓唔到,佢讀書好叻,係一位兒童心理學家,好值得我學習,佢善解人意、細心、有善心及愛心,對任何人都唔發脾氣,係我一個soulmate。」陳志雲見楊思琦好感觸,繼續問到底,結果搞到楊思琦喊得好傷心,她對陳志雲說:「本來只想輕描淡寫咁講,我強忍住,畀你咁問……」

楊思琦
陳志雲問起楊思琦最好的中學同學,她透露對方早前逝世。
楊思琦
楊思琦突然情緒崩潰。
楊思琦
但她仍繼續講這位已逝世的知心好友。
楊思琦
陳志雲連忙遞上紙巾。
楊思琦
楊思琦喊得好傷心。
楊思琦
陳志雲講番自己的傷心事想安慰楊思琦,點知楊思琦愈聽愈喊。

重提豪仔 楊思琦好多嘢唔想講

其實楊思琦上得陳志雲節目就預了要答刁鑽問題,不過當話題轉到前度李泳豪時,楊思琦妹態度迴避,表示感情世界好難拿捏,面對負面新聞指她專搵有錢人,楊思琦叫陳志雲幫佢平反。對於當年未婚誕女,她說自己諗清諗楚,決定獨力撫養,自言好鍾意小朋友,不會因為其他因素抹殺生存權利,不過陳志雲不斷追問當年的情況,楊思琦就話:「呢啲嘢唔想答唔想講!細節嘢唔想提!」楊思琦只肯回答當年她與吳帥,最後是由她主動斬纜。

楊思琦
另一個糾纏好耐的話題,就是當年錯愛吳帥,陳志雲話要「畀個叻楊思琦」,因為當年是她主動斬纜。

網友回應:「真係好怕呢種女人」

對於楊思琦在節目的表現,網友大多唔收貨,無法洗白,仲嬲多兩分:

楊思琦陳志雲

網民對楊思琦的訪問有著不同的意見。
網民對楊思琦的訪問有著不同的意見。
陳志雲訪問一陣又叫楊思琦唱吓歌,唱完又再迫供。
陳志雲訪問一陣又叫楊思琦唱吓歌,唱完又再迫供。

楊思琦聲稱不接受有婦之夫

對於楊思琦再生第二胎,陳志雲來來回回不停追問,對於虛擬老公被質疑根本無此人,楊思琦堅持老公是圈外人要低調,即使永遠不曝光都無所謂,不過陳志雲就追問如何可以永遠不曝光,又問楊思琦與老公怎樣共同生活,楊思琦的答案全部都好虛,不停在遊花園。陳志雲繼續窮追不捨,問楊思琦會不會接受與其他人共享一個男人,楊思琦面色一沉答得有點遲疑:「如果對方結咗婚唔可以接受!」

楊思琦
陳志雲多番追問,話題離不開楊思琦的虛擬老公,搞到佢數度面有難色口窒窒。
楊思琦上陳志雲節目喊住受訪 被追問虛擬老公繼續落閘
網民都對楊思琦老公的存在有質疑。

楊思琦自爆被在位者傷害

講到當年在美國生女的經歷,楊思琦突然自爆當年某人做了傷害她的事情,現在已原諒對方:「佢做過傷害我嘅事,我可以原諒佢對我做過嘅嘢,我唔係講緊另一半嗰啲,係在位者!因為嗰個人係在位者,當其時嘅在位者。如果依家見到我都會同佢打招呼!」陳志雲表示對在位者身份好好奇,不過楊思琦不肯透露半句內情,陳志雲笑言訪問後會私底下問清楚楊思琦。

楊思琦
楊思琦更自爆曾被在位者傷害,但她唔肯開名爆係邊個!
楊思琦
楊思琦女兒Krystal經已9歲,兒子Kody下月亦一歲,她說回想當年誕女後飽受外界負評,感到很大壓大,並謂感情冇對錯,每個人做事都有自己原因,楊思琦話自己好彩撐得住。

Stephen.傾 (嘉賓:楊思琦) 去片:

睇返原片,網友表示「志雲大師在引導受訪者交心方面的技巧是絕對高超的!」

前文提要:41歲楊思琦為囝囡產後急撲水 虛擬老公offline為錢返內地出騷唔驚!

楊思琦當年與吳帥珠胎暗結,點知投資錯誤男方走佬,她咬緊牙關誕下女兒楊卓穎成為單親媽媽。八年後楊思琦離奇懷上第二胎,兒子Kody今年2月出世,生父成謎BB都係跟阿媽姓楊,雖然楊思琦屢以老公是圈外人希望保持低調為由解釋,但孕婦寫真老公冇參與,囝囝初生寫真都係得三母子,思琦口中的Mr.Right如同網上遊戲的虛擬人物一樣,offline咗就煙消雲散。

feat_1170_26
去年報導,楊思琦為錢返內地出騷唔驚⋯⋯

楊思琦為囝囡產後急撲水

產前陀住巨肚依然搏命搵錢的楊思琦,產後極速修身為細仔的奶粉錢努力,未坐滿月已周圍𢱑job,即使肺炎疫情對娛樂圈影響甚大,楊思琦依然大無畏唔介意接洽內地登台騷,看來唔容許手停口停。思琦講到虛擬老公錫到佢燶,但產後即復出撲水養家,真係講唔通囉!

楊思琦絕對是圈中奇女子,當年因飛甩拍拖多年感情穩定的李泳豪,搭上空心吳帥錯晒,在美國生埋大女楊卓穎後,她返港重過新生活,辛苦養家又要供五個物業,搵少啲都唔掂,所以楊思琦14年離開無綫後,密集式中港兩地走,拍劇、拍電影、代言、登台與酒吧騷來者不拒,生活上自己慳得就慳,甚至為工作捱到病都要供囡囡讀國際學校,培育女兒多方面發展。

單身多年一直話感情冇著落的楊思琦,去年10月驚爆又大肚,臨盆前與囡囡卓穎去影孕婦寫真,老公未見影。
單身多年一直話感情冇著落的楊思琦,去年10月驚爆又大肚,臨盆前與囡囡卓穎去影孕婦寫真,老公未見影。
今年2月中兒子出世,楊思琦只透露囝囝英文名叫 Kody,暱稱「豬豬」,她更與囝囝去影初生寫真,雖然細仔出世前她聲稱與老公在外地已婚,但Kody也跟媽咪姓楊。
今年2月中兒子出世,楊思琦只透露囝囝英文名叫 Kody,暱稱「豬豬」,她更與囝囝去影初生寫真,雖然細仔出世前她聲稱與老公在外地已婚,但Kody也跟媽咪姓楊。
為湊B冇覺好瞓的楊思琦,笑指大女卓穎懂事聽話,是照顧弟弟的好幫手,而兩個月大的「豬豬」能吃能睡,生長線超晒標,現在已變成「大豬豬」。
為湊B冇覺好瞓的楊思琦,笑指大女卓穎懂事聽話,是照顧弟弟的好幫手,而兩個月大的「豬豬」能吃能睡,生長線超晒標,現在已變成「大豬豬」。

虛擬老公從未online 為錢返內地出騷唔驚

去年10月楊思琦突然被驚爆大肚,近年冇承認過有拍拖,第二胎經手人自然備受關注,每次被追問老公身份,她都避重就輕遊花園,只表示在對的時間遇上對的人,對方是圈外人卻十分支持她的工作,對於被質疑老公在懷孕期間冇影,她又解釋老公要低調,到兒子出世被發現都是與大女一樣跟楊思琦姓楊,外界對其老公是否真的存在更加成疑。據知情者透露:「真係從來冇人見過思琦老公,佢喺香港生,冇理由一次都未見過佢有男人陪佢產檢,就算影孕前同產後寫真,爸爸都係冇出現,搞到思琦好似一直喺度虛擬緊自己個老公咁,成件事真係好奇怪,所以大家都猜測 BB生父唔見得光嘅種種原因。最離奇就係生前同生後思琦都繼續搏命搵錢,佢講到個虛擬老公對佢咁好,又點解會忍心佢未坐完月已經急住復出做嘢?」

得天獨厚的楊思琦,懷孕期間都是肥胎唔肥人,產後她即搵專人紮肚,唔使一個月已回復美好身材。
得天獨厚的楊思琦,懷孕期間都是肥胎唔肥人,產後她即搵專人紮肚,唔使一個月已回復美好身材。
上年推出單曲〈愛的森林〉正式進軍樂壇的楊思琦,產後一個月現身公開活動接下《 2019年 AEG音樂排行榜頒獎典禮》「鑽石新人獎」及「鑽石全方位歌手」獎。
上年推出單曲〈愛的森林〉正式進軍樂壇的楊思琦,產後一個月現身公開活動接下《 2019年 AEG音樂排行榜頒獎典禮》「鑽石新人獎」及「鑽石全方位歌手」獎。

今年2月兒子 Kody出世後,楊思琦即急不及待搵專人幫她紮肚修身,很快小蠻腰已經歸位,而她亦四出放風準備好產後復出,可惜香港受新冠肺炎影響,九成九的演藝工作都叫停,據知楊思琦非常心急,不斷聯絡國內的中介單位,知情者說:「原來內地好多夜場都繼續經營,思琦話唔驚,佢會做好抗疫措施,總之有登台同騷佢都照接,可以繼續安排。」楊思琦博成咁,全因有對年幼仔女要養又要孭起頭家,而佢口中嘅好老公究竟身在何方呢?

思琦妹年過四十女人當自強,雖然口口聲聲說有個非常關心和照顧她的老公在身邊,但老公形同虛擬,生完囝囝遇上疫情亦冇有怕,狀態已回勇的她希望疫情過去可以繼續正常搵錢養家。
思琦妹年過四十女人當自強,雖然口口聲聲說有個非常關心和照顧她的老公在身邊,但老公形同虛擬,生完囝囝遇上疫情亦冇有怕,狀態已回勇的她希望疫情過去可以繼續正常搵錢養家。
楊思琦在情路上極盡坎坷,幸有母親做最強後盾,年初被影到陀住巨肚湊大女放學,而囝囝出世後,楊母亦幫忙湊孫,分擔楊思琦的辛勞。
楊思琦在情路上極盡坎坷,幸有母親做最強後盾,年初被影到陀住巨肚湊大女放學,而囝囝出世後,楊母亦幫忙湊孫,分擔楊思琦的辛勞。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!