楊愛瑾

楊愛瑾三年抱兩宣布誕下細囡 「你令一切變得完美!」

最新娛聞

廣告

楊愛瑾(Miki)同永安太子爺郭永淳2016年結婚,翌年一索得男誕下囝囝Luken,去年10月宣布再懷孕,成功三年抱兩。呢日,Miki就喺社交網站分享最新孕照,宣布誕下囡囡Emma,囡囡個樣十分精靈,超可愛!

原文:Sunday kiss-Kammy|圖片來源:Instagram|編輯:東方新地

楊愛瑾誕下千金 湊夠好字

現年34歲、前女子組合Cookies成員Miki,自婚後甚少出席公開活動,專心照顧小朋友,Miki去年更宣布再次造人成功。呢日佢就上載最新嘅照片,宣布誕下第二胎,原來Miki嘅第二胎係囡囡嚟,囡囡個樣十分精靈,超可愛!

Miki仲引用經文指「各樣美善的恩賜和各樣全備的賞賜都是從上頭來的(Every good and perfect gift is from above)」,仲喺Instagram到話喺10個月前上帝將Emma放喺自己肚內,依家終於可以見到小天使,自己從未諗過可以幸運地成為兩個小朋友嘅媽媽,仲話囡囡叫做Emma,係因為佢嘅出現令家庭變得完美,真係恭喜晒!

 

Miki發文內容:

Every good and perfect gift is from above…” James 1:17

Our good Lord has miraculously put you in my tummy 10 months ago, and we finally get to meet you little angel. I never thought I could be so lucky to be a mother of two. We named you Emma because you now complete our family and make everything perfect!

Welcome to our family baby EMMA!

 

至索媽媽大晒孕照

早前Miki上載自己嘅最新孕照,相中Miki以一字膊白色衫示人,雖然孕肚巨大,但佢手腳依然十分纖瘦,仲散發住仙氣,有種媽媽的美態。佢仲留言表示,轉眼間已經嚟到懷孕嘅最後階段,但呢幾個月一直都過得充實,原因係帶住大仔Luken周圍玩,「總是陪他東走西走,讓他探索更多這個世界!」Miki又指,懷孕期間已經每日都同Luken介紹肚內嘅BB,仲會每日都錫BB講「好愛好愛你」,仲話自已係「big brother」,真係好Sweet呀!大仔咁生性,令到Miki覺得好溫暖,仲表示已經準備好心情迎接未來。

Miki發文內容:

轉眼之間,肚子就這麼大了,不經不覺的來到懷孕的最後階段,這幾個月一直都過得充實,帶著Luken的日子沒有太多時間停下來,總是陪他東走西走,讓他探索更多這個世界!懷孕到現在每天都和他介紹媽媽肚子裹的小生命,他每天都會親一下肚子說好愛好愛你,看著他由似懂非懂的到現在說著:「I am a big brother!」這位未到兩歲的小朋友給了我無限溫暖!我知道母親這條路還有很長,也不是永遠都會順利,但我也准備好了心情迎接未來,盡我所能做好一切!

宣怖懷第二胎:引導我們度過生命中高低

去年十月,Miki喺Instagram中宣怖再懷孕 ,分享兩張家庭照,並用英文留言:「We are truly blessed with everything we have. Life is full of hope and surprises…… a NEW family member is ON THE WAY!!! May our faith continue to grow and guide us through the ups and downs in days to come!(我們擁有的一切很幸運,人生真是充滿希望與驚喜,一個新成員正在來臨,願我們的信念在未來的日子裏繼續成長,引導我們度過生命中高低)」。

回顧生第一胎 楊愛瑾:冇想像中咁痛

回顧返楊愛瑾生第一胎,喺上年3月30日誕下囝囝Luken,B仔比預產期早2星期出世,出世未夠六磅,佢當時話:「生B過程非常順利,冇我想像中咁痛。」佢仲話生完嗰刻同老公可以即刻生多一個啊,之後就同老公進行造人大計,結果成功三年抱兩!

楊愛瑾:享受做媽媽

Miki自從生咗BB後,已經甚少出席公開活動,專心湊B,經常都會喺IG貼吓同囝囝、老公嘅合照,放閃一番。Miki仲曾經留言指,雖然做媽媽會遇上「超級疲倦,失眠,情緒激動」等問題,但自己就「really enjoy being a mother(我真的很享受當媽媽)」!

Miki作為媽媽,仲會幫囝囝作唔同打扮,又熊貓又龍蝦,十分可愛!

首次帶兒子旅行

Miki曾在IG分享咗同囝囝、老公去布吉嘅旅行相,她留言說:「第一次帶Baby Luken去旅行,出發前預早做了好多功課,亦都請教了好多媽媽需要准(準)備甚麼,寶寶去到要食甚麼,我預早了一星期開始執拾行李(我非常緊張)。終於到達了目的地,這幾天一切尚算順利,而且我們一家都覺得十分開心,很享受一起去渡假的日子,一切出發前的擔憂都沒有了。感謝各位媽媽的意見和幫忙。令到寶寶的等一次旅遊經歷很順利」。

Luken眼大似媽咪

相中見到佢哋一家三喺沙灘到同陽光玩遊戲,九個月大嘅Luken擁有大眼睛,肥肥白白好好肉地,着住泳褲仔同帽仔坐喺沙灘,真係好可愛,不少網民也大讚Luken得意。

Miki好纖瘦

除了和老公、囝囝的合照,Miki又貼咗張水著照,雖然只得背面,見佢跳落水高舉V字手勢,真係睇得出佢好開心,而且Miki又大晒23吋小蠻腰及纖瘦身形,生完BB後成功修身!

楊愛瑾:感謝囝囝為他們帶來的一切

早前囝囝Luken嘅半歲生日,Miki喺社交網站分享咗幾張家庭照同埋Luken嘅寫真,囝囝眼大大十分精靈,Miki指一路走來的六個月的確有血有淚,但回頭看就發覺一切都是快樂的,他們感謝囝囝為他們帶來的一切,亦承諾會繼續好好照顧Luken,讓他一直都快快樂樂。

為愛子搞百日宴

早前Luken出世一百日喇,Miki幫愛子搞咗個百日宴派對,而Miki嘅好友譚凱琪(Zoie)都有出席,Zoie同樣讚Luken眼大大好得意。當日百日宴party以藍色做主題,周圍佈滿汽球,布置好清新,而Luken亦着住件藍色衫仔,萌爆!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!