Angelica

極品港姐參加者 Angelica :我冇整容!

最新娛聞

廣告

一年一度的《香港小姐競選》又來了,大家近年都深深明白到最精彩唔係決賽當晚,而係首輪面試,因為真係咩人都有!其中一位名叫 Angelica 的參加者,一亮相就成為全場焦點,因為佢個鼻實在係… 好直!更有人將佢同「佛地魔」相提並論。話說Angelica原來一早入過行做藝人、做過YouTuber拍短片,又做過夜場公關及地產經紀等,不過一直沒有放棄成為港姐的夢想!Salute!

Angelica 「間尺鼻」突圍

《2017年香港小姐競選》日前進行首輪面試,參加者多達131人,「燕瘦環肥」呢個字眼真係最適合不過。當中呢位叫 Angelica 的小姐,一出場已經瘋狂謀殺菲林!見到佢個樣貌相當人工化,個間尺鼻勁直勁長,下巴尖一尖,兩邊蘋果肌又異常豐滿,厲害!佢被在場記者問到有冇整容,Angelica就否認:「冇冇冇!」

Angelica :自己不停被人炒作!

芳齡25歲的 Angelica 本名叫何沛沂,原來都算踏入了娛樂圈幾年,曾經係「信星亞太娛樂公司」的藝人。今次面試後揚威網絡,Angelica坦承受到一定壓力,對於一啲負面新聞感到莫名奇妙,覺得自己好似不停被人炒作。另外Angelica又表示唔知點解影出嚟啲相咁樣衰,明明真人都唔係咁,覺得被人針對!

做過地產經紀營業額46萬

據知 Angelica 參選前曾經在某地產公司做地產經紀,個人單月營業額曾高達近46萬,今年1月份分行最高營業額的亞軍!不過早前佢就毅然辭職,當然就係想全程投入港姐競選啦!

拍片教人電梯換衫

另外Angelica早年又拍過一條短片,教女士們如何利用搭電梯的短短時間大變身,片中一開始見到 Angelica 本來着住運動外套、運動褲及拖鞋的casual打扮,不過入電梯後就隨即寬衣解帶,貼身背心下見到激凸身材!

除完衫就除埋褲,再由拖鞋換上高踭鞋,照照鏡梳番靚個頭,搞掂!不過其實有幾多人真係需要喺電梯換衫換鞋呢?

全文完

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!