保錡

《極度俏郎君》被封「世紀膠劇」 保錡踩劇本難明 自認演得衰:唔係太想拍

最新娛聞

廣告

保錡有份主演的ViuTV劇集《極度俏郎君》已經播完,雖然有宣萱同黑哥姜皓文擔大旗,劇集依然反應麻麻,更被網友評為「世紀膠劇」,保錡日前擔任JFFT頻道〈床哥心事台〉節目嘉賓,與主持人床哥邊打機邊傾偈,提及《極度俏郎君》劣評如潮,保錡竟自爆根本唔想拍,亦唔明劇本講乜,仲和議可以當《愛回家》咁睇,認真倒米!

極度俏郎君 世紀膠劇 保錡 保錡上床哥的直播節目,又打機又傾偈,玩足3個幾鐘。
保錡上床哥的直播節目,又打機又傾偈,玩足3個幾鐘。(圖片來源:YouTube@JFFLIVE)

保錡自認唔係專業演員

保錡日前擔任JFFT頻道〈床哥心事台〉節目嘉賓,有份在《極度俏郎君》客串的床哥對ERROR四子逐一評價,笑言193就最不問世事,只想快拍快收工,保錡直言:「實情係每日我都唔知拍緊啲咩…我呢啲唔專業嘅演員,好正常,每日都想快啲收工!」

極度俏郎君 世紀膠劇 保錡 《極度俏郎君》於上周五12日)播完,不過收視與口碑都麻麻。
《極度俏郎君》於上周五(12日)播完,不過收視與口碑都麻麻。(圖片來源:ViuTV圖片)
極度俏郎君 世紀膠劇 保錡 劇中主要演員。
劇中主要演員。(圖片來源:ViuTV圖片)

保錡全劇只用一個表情

當床哥提及已播完的《極度俏郎君》定位一定係膠劇,保錡更加滔滔不絕:「衰呀!衰!我演得衰,每次演大頭我都係交死一個表情同戲…其實我唔係太想做,所以Keep住交呢個戲,一嚟就七情上面好大力,個劇本係咁寫,我諗咗好耐點演繹,個角色一見到人就講:『你係咪要隻揪呀?』叫人隻揪一定係好大力叫,所以一定要用呢個表達…」

極度俏郎君 世紀膠劇 保錡 保錡即席示範如何揣摩劇中角色,仲話場場戲都係交同一個表情。
保錡即席示範如何揣摩劇中角色,仲話場場戲都係交同一個表情。(圖片來源:YouTube@JFFLIVE)
極度俏郎君 世紀膠劇 保錡 保錡話自己有個摩打交戲嘴。
保錡話自己有個摩打交戲嘴。(圖片來源:YouTube@JFFLIVE)

保錡解釋唔想拍原因

床哥指出網民封《極度俏郎君》「世紀膠劇」好垃圾,全因唔理解劇情需要,床哥還在直播中導讀劇情,建議大家可以重看,當《愛回家》睇會舒服些,保錡亦同意:「我都唔明!拍完都唔知拍過啲咩?不過亦有人話好睇,出街大讚演得出色好笑,係家庭觀眾鍾意套劇表達夠直率,唔使諗野,唔使諗劇情,即係結局一齊BBQ,食餐飯,家庭觀眾好鍾意呢啲…係囉!估唔到我做得咁差都咁好睇,因為我做得差,之前唔想做原因係知道自己做得差,驚影響到人哋眼睛…」之後保錡話自己的演技其實係抄張家輝,又不停教觀眾做自己最拿手的摩打嘴!

極度俏郎君 世紀膠劇 保錡 保錡心直口快,直認好唔想拍呢套劇。
保錡心直口快,直認好唔想拍呢套劇。(圖片來源:YouTube@JFFLIVE)

《極度俏郎君》衰四宗罪

以ViuTV的原創劇來看,《極度俏郎君》的演員陣容與幕後班底都唔弱,奈何播出後反應與收視都未如理想,可分為4大致命原因。

極度俏郎君 世紀膠劇 保錡 保錡與床哥叫大家當《極度俏郎君》係《愛回家》咁睇,其實《愛回家》係TVB收視保證,根本唔同路數點比?
保錡與床哥叫大家當《極度俏郎君》係《愛回家》咁睇,其實《愛回家》係TVB收視保證,根本唔同路數點比?(圖片來源:TVB
極度俏郎君 世紀膠劇 保錡 《極度俏郎君》無聲無息播完,掀起唔到任何迴響。
《極度俏郎君》無聲無息播完,掀起唔到任何迴響。(圖片來源:ViuTV圖片)

1.TVB式大團圓結局

觀眾普遍覺得故事節奏頗慢,劇情亦好一般,結局好「TVB作風」,唔知同監製係來自TVB的陳翹英有冇關係,觀眾有時睇到一頭霧水,難有墜入感。保琦的感情線仲離奇,原來佢在拍攝最後一日先知自己會與骨妹小玉(Crystal梁又仟飾演)有感情戲,仲有向星爺致敬的的對白及情節,都好無厘頭。

極度俏郎君 世紀膠劇 保錡 劇集結尾,Crystal梁又仟送咗本「黯然銷魂掌」秘笈俾保錡,好多人都唔明點解!
劇集結尾,Crystal梁又仟送咗本「黯然銷魂掌」秘笈俾保錡,好多人都唔明點解!(圖片來源:ViuTV圖片)

2.冇一個角色彈起

劇集成功唔多唔少要靠演員,有指《極度俏郎君》男女主角的年輕版由Phoebus@P1X3L與Candy@COLLAR演出,二人基本上冇乜發揮空間,表現令人失望,當中Candy爆樽一幕更令人睇到有啲尷尬,至於ERROR四子飾演的「四大金光」一開始已經甚有「鄧腳Feel」,去到中段先有得發揮搞笑本能推動劇情。

極度俏郎君 世紀膠劇 保錡 男女主角的年輕版由Phoebus@P1X3L與Candy@COLLAR演出。
男女主角的年輕版由Phoebus@P1X3L與Candy@COLLAR演出。(圖片來源:ViuTV圖片)
極度俏郎君 世紀膠劇 保錡 ERROR四子在劇中非常無聊,都係做番自己負責搞笑。
ERROR四子在劇中非常無聊,都係做番自己負責搞笑。(圖片來源:ViuTV圖片)

3.姜皓文極度浮誇

身為男主角的黑哥姜皓文,全套劇都以浮誇演技演出,當中一幕對住杯好多年都冇飲過的奶茶喜極而泣,嗰種表情over到,真係得佢做到!

極度俏郎君 世紀膠劇 保錡 入獄多年的黑哥望住杯奶茶好感動!
入獄多年的黑哥望住杯奶茶好感動!(圖片來源:ViuTV圖片)
極度俏郎君 世紀膠劇 保錡 望咗好耐仲流晒眼淚,好浮誇!
望咗好耐仲流晒眼淚,好浮誇!(圖片來源:ViuTV圖片)

4.宣萱冇驚喜又做「人質女王」

最後一個失敗原因可能係搵宣萱做女主角,雖然52歲仲Keep到外貌與身形十年不變,不過阿姐表情都係好單一,最叻瞪大對眼,而且去到ViuTV都難逃被綁架一劫,不愧為「人質女王」。

極度俏郎君 世紀膠劇 保錡 宣萱的演技與其外表一樣,十年如一日。
宣萱的演技與其外表一樣,十年如一日。(圖片來源:ViuTV圖片)
極度俏郎君 世紀膠劇 保錡 宣萱無論去到邊個台都要被綁架。
宣萱無論去到邊個台都要被綁架。(圖片來源:ViuTV圖片)

網民mean爆留言狠批:同《和解在後》簡直一個天一個地

網民一致地留言狠批:「同和解在後簡直一個天一個地」、「宣萱始終逃唔過做人質嘅命運。」、「劇情重心擺喺幾個中佬中女度,唔講以為自己睇咗CCTVB」。

保錡
(圖片來源:網上截圖)
保錡
(圖片來源:網上截圖)
保錡
(圖片來源:網上截圖)
保錡
(圖片來源:網上截圖)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

撰文:東方新地圖片來源:YouTube@JFFLIVE、IG@k_p0k1、ViuTV圖片