歐陽震華

歐陽震華以「祝枝山」玩穿越!客串《愛回家》群姐同對戲

最新娛聞

廣告

處境劇《愛.回家之開心速遞》播出以來深受觀眾喜愛,劇中唔少角色都備受網民關注,好似「群姐」許思敏喺戲中出晒名鍾意「歐陽波比」(歐陽震華),但係只可以同Bobby仔嘅紙牌對戲,早前佢哋終於有機會喺劇外合體,為商場拍攝母親節特輯,不過就有唔少網民希望佢哋可以喺劇中「團圓」。結果網民集氣成功!終於如願咁將佢哋撮合,群姐唔使再對住紙牌做戲啦!歐陽震華以「祝枝山」角色玩穿越,登陸《愛.回家》再會群姐做對手戲!

 

撰文:東方新地 | 圖片:新傳媒圖片、微博劇照

歐陽震華穿越《愛.回家》

歐陽震華(Bobby)昨晚喺社交網晒出一張同《愛.回家》劇組嘅合照,相中見Bobby以經典劇集《金裝四大才子》「祝枝山」嘅造型現身,佢留言:「為何『祝枝山』會出現在《愛.回家》?謎底即將解開……..」相中所見,成枱都係薯條、煎釀三寶等做餸,認真搞笑!Bobby接受傳媒訪問時表示會在《愛.回家》客串兩集,劇中內容會有穿越情節,佢話知道劇中嘅群姐好鍾意佢,仲同佢嘅紙牌公仔,令佢想加入劇組演出玩下,佢向無綫高層曾勵珍講起呢個諗法,就促成今次嘅客串喇!

Bobby向來係無綫收視福將,當年《金裝四大才子》最高收視有40點,今次加入《愛回家》,收視肯定再創高峰!

《金裝四大才子》演「祝枝山」

歐陽震華在《金裝四大才子》中飾演四大才子之一的「祝枝山」,呢個角色說話刻薄,又貪財好食,還帶着近視眼鏡。未知他現身《愛.回家》是否繼續扮演「祝枝山」呢?!

群姐愛Bobby歐陽震華反應熱烈 最終成功合體

Bobby較早前於微博上載兩張合照仲留言「機會終於嚟喇,飛雲! 我和許思敏終於合作!」

歐陽震華同群姐並非拍《愛.回家》,而係為一個商場拍攝嘅母親節特輯,片中群姐個名叫「勤姐」,群姐身上唔係「接龍集團」嘅招牌黃色風褸!網民表示支持同興奮 終於見證群姐、歐陽震華世紀合體,留言話「終於客串開心速遞!」、「歐陽波比和群姐終於要合體了!」、「群姐見到他的偶像了!」、「群姐的追星路好順利啊,還可以摸偶像臉!」

歐陽震華:抹返啲口水先!

喺廣告中入面,許思敏飾演商場內清潔工人勤姐。但係因為佢個仔未能同佢一齊度過母親節而只可以擁抱印有歐陽震華嘅咕𠱸過節。「勤姐」抱住咕𠱸後入睡,喺夢入面仲畀Bobby歐陽震華邀請跳舞,佢仲搣住歐陽震華塊面,佢地之間嘅互動十分搞笑有趣!男神歐陽震華仲獻花畀「勤姐」,仲話:「你個仔喺度,冷靜啲,含蓄啲,抹返啲口水先!」呢個群姐、歐陽震華世紀合體雖然可以暫時滿足下大家,但係相信所有網民最想嘅都係喺見到佢哋《開心速遞》入面成功合體!

歐陽震華送花畀許思敏

Bobby早前上《開心速遞》辦公室秘談

《開心速遞》劇組辦公室有一張海報,而有份參與該劇嘅藝人都會喺上面簽名,編審李綺華就喺自己個人微博上載咗一張相,而相中人就正正係Bobby仔歐陽震華喺《開心速遞》海報上面簽名,即刻引起咗一眾網民熱議。同時令人諗起早前Bobby非常有心咁為思敏姐拍片,透露自己想客串番一集半集!

許思敏群姐一角成功入屋

其實劇組早前睇到大家對群姐同Bobby歐陽震華紙牌反應咁熱烈,都特別增加咗群姐嘅戲份,滿足一眾網友對群姐嘅傾慕之情!

嗰一集劇情講到群姐為見Bobby歐陽震華一面,不惜以身犯險偽造印花。最後畀大小姐揭發,正當大小姐興師問罪嘅時侯。群姐真情流露,表達對偶像傾慕之情,仲有保留一顆少女心,令網民大讚演技出色!

思敏姐仲喺網上面被票選為「愛回家最正女角色」。一班90後嘅女神(蘇韻姿、謝芷倫等)都唔夠思敏姐鬥。

希望劇組睇到呢條廣告片之後可以加速將佢哋喺《開心速遞》入面合體啦!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!