正義女神｜女新人倪嘉雯挑戰性感尺度！拍走光戲緊張到通紅 獲陳煒親授防走光秘技？

昨晚低胸俯身執筆 倪嘉雯險走光畫面震撼

劇中，倪嘉雯飾演的補習老師Lydia，幫高成彬（劉倬昕飾）補習時只顧玩電話，一聽到可以提早下課去玩，更興奮得將枱上的筆掃跌一地。當Lydia身穿低胸衫俯身執筆時，豐滿上圍呼之欲出，令高成彬瞬間動了歪念，畫面極具張力。其後二人相約行山，高成彬更向Lydia露出陰森笑容及古怪眼神，讓大批網民不禁為Lydia的安危感到擔心，深怕她會遭遇不測。

倪嘉雯首談大尺度演出 直言：真係冇經驗

對於這次突破，倪嘉雯坦言是她入行以來最大尺度的角色，拍攝時相當緊張。她受訪時透露：「因為我之前都係接開乖乖女角色，所以呢個對我嚟講都算係大挑戰嘅角色，因為我之前都冇演過咁大尺度。」她憶述拍攝走光戲份時，全靠陳煒出手相救：「我好記得拍心口走光嗰場時，我好疑惑點樣先唔會真係走光，好彩當時現場煒哥咁啱喺度，我就請教佢，好多謝煒哥教我點做好防護措施，因為我真係冇經驗，唔知點樣保護好自己之餘，又可以配合到鏡頭拍到個效果。」

網民擔心Lydia安危 大讚倪嘉雯演出突破

劇集播出後，網民除了緊張Lydia的命運，亦對倪嘉雯的演出給予肯定，認為她成功擺脫乖乖女形象。「高成彬個眼神好恐怖，Lydia快啲走啊！」、「倪嘉雯今次好大犧牲，睇得出佢好緊張，但演得好好！」、「估唔到佢可以演呢種角色，有驚喜！」、「睇到佢心口紅晒，真係好可愛又敬業。」更有網民大讚前輩陳煒的無私分享：「煒哥真係好前輩，肯教新人！」