《死有對証》叫好叫座「民選視帝」韋家雄受訪曲線透露注定無獎攞關鍵原因

韋家雄獲封「民選視帝」：觀眾喜歡已當攞咗

韋家雄與陳曉華於10月3日現身《開心大派對》，宣傳《死有對証》。談到劇集播出後金句頻出，自己更被觀眾推舉角逐視帝，他笑言：「觀眾已經頒咗畀我。」又認為演員必須持續進步，否則便會退步。節目中，韋家雄亦稱讚陳曉華較首次合作時進步不少，拍攝期間兩人不時即場加對白，令師徒互動更自然；而即將播出一段劇情，程芷昕更會哭着反抗林法醫，兩人關係迎來重大反轉。

曲線透露注定無獎攞關鍵原因

雖然《死有對証》播出後口碑不俗，但韋家雄在訪問中多次提到「監製都退咗休」，似乎對劇集在年尾《萬千星輝頒獎典禮》的得獎前景未有太大期望。加上劇集完成製作後一度未獲安排播出，直至今年才正式出街，期間多位參演藝人亦已先後離巢，如今連核心監製亦已退休，即使觀眾希望原班人馬延續故事，開拍續集亦存在不少現實限制。

監製黃偉聲退休前留下最後代表作

現年69歲的黃偉聲於1981年入行，曾製作《戇夫成龍》、《學警》系列、《阿旺新傳》及《老表，你好嘢！》等劇集，擅長以人物關係及生活化細節推動故事。他在2025年完成《死有對証》後正式退休，雖然入行多年，離職時仍屬一般監製，未有晉升經理級，亦從未憑作品奪得「最佳劇集」。韋家雄過往談及演藝低潮時，也曾把黃偉聲列為賞識自己的監製之一，並感謝戚其義、曾勵珍及羅永賢等伯樂給予機會。

網民厭倦豪門恩怨劇惋惜好評劇集續篇恐落空

今年獲得好評的《非份之罪》與《死有對証》，巧合地同為資深監製離巢前完成的作品，兩劇均着重人性描寫與角色層次，令觀眾將焦點放回人物抉擇及演員表現。相較之下，近年部分合拍劇反覆圍繞豪門爭產與家族恩怨，有觀眾直言相關套路已經「睇到厭」，亦有人以「觀眾鍾意已經係最好獎項」力撐韋家雄，另有劇迷感嘆「監製退休先播真係可惜」，並希望《死有對証》即使難拍續集，仍可在年尾頒獎禮獲得肯定。