江嘉敏 分手

江嘉敏分手宣言有骨暗指前度出軌 網民:睇文就知佢份人難頂﹗

最新娛聞

廣告

27歲江嘉敏早前暗示同有米電競高層男友Anthony分手,有傳因男方嫌棄她剪男仔頭,疑似出軌被江嘉敏揭發而結束三年多戀情﹗江嘉敏情傷個月後,今日突然發文證分手,不過內文卻有骨,被網民指發個文都要咁mean「份人一定好難頂」﹗

江嘉敏 江嘉敏之前貼出舊照,留言「永遠不要責怪你生命裡的任何人, 好的人給你快樂, 壞的人給你經歷, 最差的人給你教訓, 最好的人給你回憶。」
江嘉敏之前貼出舊照,留言「永遠不要責怪你生命裡的任何人, 好的人給你快樂, 壞的人給你經歷, 最差的人給你教訓, 最好的人給你回憶。」(圖片來源:IG@kaman_kong)

江嘉敏分手祝福前度 實質踢爆?

江嘉敏和有米男友Anthony拍拖以來不時放閃,早前突然傳分手,江嘉敏都未有正面回應,但就不停有意無意暗示情傷﹗事隔個多月,江嘉敏終於認分手,但祝度「你們都會好好的」,被指有骨落地,還要tag埋前度Anthony,不過前度已刪除了該社交帳號,似乎想同江嘉劃清界線:

一切的起點,都是最美的瞬間。
美好的回憶,會長存在腦海中。

四年了,感謝你一路以來的相伴。
我相信,我們都會以更好的自己迎接未來。

這奇妙旅程的火車到站了,
就好好的一起畫上句號吧。

我知道,你們都會好好的。
我也一樣,會繼續努力,讓你驕傲,曾經的相伴,留下了很多足夠潤澤我往後日子,支持著我好好的成長。

對不起,你在身邊時,我還未是最好的自己。
謝謝你,旅程結束時,讓我知道我可以更好。
再見了,期待我們再見時,我們都過得理想。

江嘉敏 江嘉敏還配上和前度最後一次到巴黎旅行相作結束,並#最終話的最終場景 #終於太陽還是升起,真係成篇嘢諗過度過﹗
江嘉敏還配上和前度最後一次到巴黎旅行相作結束,並#最終話的最終場景 #終於太陽還是升起,真係成篇嘢諗過度過﹗(圖片來源:IG@kaman_kong)
江嘉敏 江嘉敏發分手宣言,證實結束四年情﹗
江嘉敏發分手宣言,宣布結束四年情﹗(圖片來源:IG@kaman_kong)

網民指分手宣言花生度高

江嘉敏的有骨分手宣言引起網上熱討,有網民支持她單身快樂「重新站起,你先27歲」、「三四年過咗就算,可以搵個更好」。不過有更多網民認為江嘉敏對前度「祝福」明顯帶刺,留言:「分手宣言都要咁mean,份人一定好難頂」、「你們會好好的呢句真係好有骨好天蠍座﹗」、「做人不要太江嘉敏」、「呢個真係極品,平時鍾意R著數,有男友又去姣第二啲人」,「佢唔會就咁完,買定花生啦」等等。

網民:佢想話自己係被背叛﹗

江嘉敏

相關文章:江嘉敏有米男友起底

江嘉敏暗示剪短髮被嫌棄兼催婚失敗 屈到病閉關

27歲的江嘉敏月前暗示同3年的電競高層男友Anthony分手,又出po唱通街,意指剪短髮被嫌棄,男方疑似出軌令她徹底死心。不過已經唔係首次畀仔飛的江嘉敏今次似乎放唔低,連日在社交網繼續盡訴心中鬱,透露閉關唔出街,失眠個幾月要睇中醫,仲上載舊MV暗示與男友對結婚意見有分歧。

江嘉敏 拍拖三年多四年來經常放閃﹗
拍拖三年多四年來經常放閃﹗(圖片來源:IG@kaman_kong)

江嘉敏受重創匿家療傷

傳出江嘉敏與有米男友Anthony甩拖後,除Unfollow對方的社交帳號外,連日來不停發文抒發感受,似乎傷得甚重,她透露自己足足半個月沒有離開家門。

江嘉敏 江嘉敏未能走出分手陰霾。
江嘉敏似未能走出分手陰霾。(圖片來源:IG@kaman_kong)
江嘉敏 江嘉敏連日在社交網抒發失戀情感。
江嘉敏連日在社交網抒發失戀情感。(圖片來源:IG@kaman_kong)

江嘉敏閉關睇書悼念已死愛情 失眠個多月求醫

江嘉敏在社交網上載兩本書,書名分別是《自愛是》與《靜心是》,似乎想透露自己當下心情,更留言:「把自己關在家裡快半個月了,大家放心,我沒生病,身體好得很……也有準時吃飯……謝謝朋友送我的兩本書……都是很值得深思的課題。」江嘉敏閉關療傷的同時,更因為失眠個幾月,最終要去睇中醫。

江嘉敏 江嘉敏公開自己最近睇的兩本書。
江嘉敏公開自己最近睇的兩本書。(圖片來源:IG@kaman_kong)
江嘉敏 江嘉敏又透露已失眠個幾月,要去搵中醫急救。
江嘉敏又透露已失眠個幾月,要去搵中醫急救。(圖片來源:IG@kaman_kong)

江嘉敏暗示與男友意見分歧

此外,江嘉敏在限時動態上載2016年為曹震豪拍攝的《循序漸愛》MV,觸景傷情留言:「呢個時候彈呢個MV出嚟,好咩?啲對白……真係好入心入肺!」這個MV內容講述一對同居戀人,生活變得平淡,開始嫌棄對方,似乎是江嘉敏的真實寫照,江嘉敏更在MV內向曹震豪表示:「我同你一齊咁耐,點解我唔覺得你有諗過我哋將來嘅?」曹震豪答她:「將來嘅嘢邊個知呀?依家唔好咩?」據知江嘉敏近年非常進擊,不時提出結婚的要求,似乎是在暗示與Anthony在結婚問題上意見分歧,仲分手收場。

江嘉敏 江嘉敏憑歌寄意。
江嘉敏憑歌寄意。(圖片來源:IG@kaman_kong)

網民P圖令江嘉敏笑容再現

分手雖然傷心,但江嘉敏亦苦中作樂,她上載了多張網民的改圖,對於因剪男仔頭畀仔飛,網民戥她唔抵,仲幫佢P了多張長髮靚靚圖,江嘉敏睇完表示呢兩個月笑得最開心,多謝網民咁有創意,仲留言:「見到自己可塑性原來可以咁高,唔驚冇人追啦」。

江嘉敏
(圖片來源:IG@kaman_kong)
江嘉敏
(圖片來源:IG@kaman_kong)

江嘉敏有提到前男友Anothy如何出軌嗎?

江嘉敏早前一直未有回應分手傳聞,近日終於發文認分手並暗示分手原因……詳情請看

江嘉敏分手文為何被網民攻擊?

有網民直指江嘉敏字裡行間都講反話,更直批江嘉敏為人……詳情請看

關鍵詞
江嘉敏
撰文:東方新地圖片來源:IG@kaman_kong