AA

江嘉敏村姑Look重現!重溫江嘉敏《福爾摩師奶》齊蔭頭造型

最新娛聞

留住一把側邊分界長直髮多時的江嘉敏日前為新劇試造型時,竟然驚現她拍《福爾摩師奶》時的齊蔭頭「村姑Look」,變番做「齊蔭敏」,雖然齊蔭髮型有減齡作用,但江嘉敏早前先被男友Anthony投訴太肥,小心剪咗個齊蔭頭後望落去會更加「珠圓玉潤」呀!

文:東方新地|圖:東星圖片、《福爾摩師奶》截圖及江嘉敏IG圖片

江嘉敏:監製話我珠圓玉潤

江嘉敏日前出席新劇《黯夜守護者》試造型活動時,以一頭齊蔭馬尾Look加黑色皮褸、長靴造型現身,重現了她在2019年劇集《福爾摩師奶》時的齊蔭頭「村姑Look」。

江嘉敏村姑Look重現
新劇主要女角仲有陳煒同陳敏之。
江嘉敏村姑Look重現
劇中江嘉敏飾演陳敏之繼女,將會迷戀謝東閔。

提到早前在社交網上載被男友Anthony「公主抱」的照片,江嘉敏笑言是送給男友30歲的生日禮物:「我平時出post要收錢㗎!我梗係覺得好Sweet,不過佢叫我要減吓肥,因為拍嗰陣NG咗十幾次先拍到,見佢抱起我個樣都有少少猙獰!」

江嘉敏村姑Look重現
謝東閔拍埋江嘉敏身邊,足足高出一個頭。
江嘉敏村姑Look重現
江嘉敏早前在IG大晒同男友Anthony以「公主抱」抱起佢嘅合照,不過Anthony之後竟敢投訴女友好似肥咗唔少,說了一句:「是你大褸太重還是……」!
江嘉敏村姑Look重現
江嘉敏仲話男友抱起佢個樣有少少猙獰!

江嘉敏笑指自己已努力減了十多磅,但體重依然有過百磅,她表示:「《食腦喪B》嘅監製叫我唔好笑咁多,話我笑得多塊面會好『珠圓玉潤』,所以剪咗我好多鏡頭。」

江嘉敏村姑Look重現
江嘉敏新造型件皮褸望落有啲似紮粽咁,真係要趁新劇開拍前落力啲減肥先得啦。

江嘉敏又透露1月將會上J2新節目《野外步出》做嘉賓,一邊登山一邊呼吸新鮮空氣,相信對她減肥亦有幫助。

江嘉敏村姑Look重現
江嘉敏仲搞笑話自己塊面好似足球咁圓!

早前台慶江嘉敏曾性感谷胸上陣,她直言全靠努力做咗一星期運動,仲食咗好多菜,先Keep得住咁Fit嘅身形!

江嘉敏村姑Look重現
台慶時江嘉敏嘅造型相當性感。
江嘉敏村姑Look重現
江嘉敏話當日為咗著得起呢條裙成日冇食過嘢。
江嘉敏村姑Look重現
笑起嚟更加靚。
江嘉敏村姑Look重現
希望江嘉敏可以盡快回復到身材最佳狀態。
江嘉敏村姑Look重現
同埋向粉絲派多啲福利照。

《福爾摩師奶》演齊蔭村姑

2019年無綫民初劇《福爾摩師奶》中,江嘉敏曾以一個齊蔭頭造型飾演村姑「丁曉堯」。

江嘉敏村姑Look重現
當時塊面都幾尖。
江嘉敏村姑Look重現
但一拍喊戲又變包包面。
江嘉敏村姑Look重現
當時劇中有唔少喊戲。

本身喜歡清爽髮型的江嘉敏,當年為拍劇首次嘗試剪齊蔭頭扮村姑,配合一對孖辮,獲網民大讚好有鄰家女孩Feel。

江嘉敏村姑Look重現
雖然係化晒妝嘅村姑,但整體感覺都好pure好true。
江嘉敏村姑Look重現
仲著埋女僕裝。
江嘉敏村姑Look重現
同陳瀅爭余德丞。

當時江嘉敏自稱「齊蔭敏」,直言當時的自己「口腫面腫」,但都「瘦過而家」,仲笑評「齊蔭係細個少少嘅」。

江嘉敏村姑Look重現
齊蔭頭真係有減齡作用。
江嘉敏村姑Look重現
唔紮孖辮一樣咁好睇。
江嘉敏村姑Look重現
新劇會由孖辮妹變馬尾妹,唔知粉絲又Buy唔Buy呢?

讀者留言