江嘉敏

江嘉敏不忿被叫「肥膩嘢」決心減磅 發近照騷成果竟變薛凱琪

最新娛聞

廣告

28歲的無綫小花江嘉敏 (Kaman)向來觀眾緣都麻麻,近年剪短髮身形又長期脹爆更加趕客,今年初她出席劇集《黃金萬両》宣傳活動時,更被拍檔馬貫東當眾叫「肥膩嘢」,她澄清自己只是有肉地。為一雪前恥,江嘉敏連月發奮減磅終於見成效,她急不及待在社交網po近照,真係好似索咗喎!

江嘉敏 江嘉敏拎住跳繩遮住自己個靚樣。
江嘉敏拎住跳繩遮住自己個靚樣。(圖片來源:IG@kaman_kong)

江嘉敏po近照脫胎換骨

向來唔係瘦底的江嘉敏,經過多月的努力原來成功減磅,日前她於社交網出po分享近照,又留言:「呢幾日一返公司,個個都話我瘦咗成個碼。好開心!努力有成果……」睇江嘉敏自己po的素顏照,的確見到塊面變V,下顎線緊緻咗,五官輪廓更加立體,有脫胎換骨的感覺。

江嘉敏 江嘉敏做完運動塊面紅卜卜,修身成功面都尖埋。
江嘉敏做完運動塊面紅卜卜,修身成功面都尖埋。(圖片來源:IG@kaman_kong)
江嘉敏 江嘉敏發文分享修身成果。
江嘉敏發文分享修身成果。(圖片來源:IG@kaman_kong)

堅持做3件事

江嘉敏寫長文公開自己的成功秘訣,原來唔係佢一個人的功勞,「每次肚餓好想食零食,我妹就會勁惡咁啤住我(搞到佢好似先係我家姐),佢哋仲會陪我夜晚跑步。多謝我嘅朋友知道我努力keep fit,二話不說send成箱雞胸過嚟畀我。仲有 Michelle同Hebe成日輪流哦我,要我勤力啲護膚同埋去做增肌減脂,咁就可以事半功倍!」江嘉敏除了做運動,仲要忍口節食同埋勤力做機,真係幾有恆心。

江嘉敏 江嘉敏勤力做機整靚自己。
江嘉敏勤力做機整靚自己。(圖片來源:IG@kaman_kong)
江嘉敏 修身餐單包括食蕃薯。
修身餐單包括食蕃薯。(圖片來源:IG@kaman_kong)
江嘉敏 食烚蛋。
食烚蛋。(圖片來源:IG@kaman_kong)
江嘉敏 仲有白烚雞肉加青瓜。
仲有白烚雞肉加青瓜。(圖片來源:IG@kaman_kong)

年初被馬貫東當眾恥笑

江嘉敏的起心肝修身,據知真要多謝馬貫東,今年初出席劇集《黃金萬両》宣傳時她曾被拍檔馬貫東當眾稱呼她做「肥膩嘢」,當時Kaman就反駁:「我唔知你講咩喎,我聽唔到。其實呢個名係有一個來源之處,我係劇裏面都係比較有肉地嗰個嚟嘅,有肉地啊,後尾佢哋諗咗個方法去解釋呢樣嘢,就係因為我個名叫金枝,屋企有啲錢嗰個,就話我由細到大食啲山珍海味,食到個人圓潤咗啲。」化憤怒為動力都好嘅!

江嘉敏 年初出席新劇活動時,江嘉敏全個人都係圓碌碌。
年初出席新劇活動時,江嘉敏全個人都係圓碌碌。(圖片來源:IG@maboboma)
新四十二章 江嘉敏現晒粗腰肥pat。
江嘉敏曾於《萬千星輝頒獎典禮2020》現粗腰肥pat。(圖片來源:TVB截圖)

網民一致好評 指索爆似薛凱琪

江嘉敏更叫網民慎入她的po,因為內有素顏照,而她更放埋自己近月堅持食烚蛋、烚蕃薯及烚雞肉,網民紛紛留言大讚「「唔好講笑,真心素顏仲靚,開始有健康美嘅氣息」、「素顏都咁靚好羨慕呀!」、「直頭後生到成個學生妹咁」,更有網民指她變靚後撞樣薛凱琪,氹得江嘉敏沾沾自喜好開心。

江嘉敏 被指靚到似薛凱琪。
被指靚到似薛凱琪。(圖片來源:IG@kaman_kong)
江嘉敏 獲網民大讚的江嘉敏極度開心。
獲網民大讚的江嘉敏極度開心。(圖片來源:IG@kaman_kong)

江嘉敏近期靚樣

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

撰文:東方新地圖片來源:IG@kaman_kong、IG@maboboma