江嘉敏

江嘉敏3年情玩完 電競高層男友Anthony嫌棄短髮 網民齊心幫佢「植髮」

最新娛聞

廣告

27歲TVB小花江嘉敏,入行以來緋聞多多,與電競公司高層有米男友Anthony拍拖3年,經常合體放閃,甚至周街公主抱,不料卻傳出因男方出軌而分手!江嘉敏在社交網連環出po暗示情已逝,又以「舊人」來形容男友,都好嘅,心頭高的江嘉敏回復自由身,等疫情緩和又可以出海釣金龜喇!不少網民都戥佢唔抵,紛紛幫佢P圖植髮,唔知幫唔幫到佢呢?

江嘉敏營造失戀氛圍

江嘉敏與電競高層男友Anthony拍拖三年幾,都經歷過不少風波,不過二人在人前好似打風都打唔甩,今次應該真係大結局。有報道指江嘉敏與Anthony已正式分手,更有指是因為Anthony疑似「出軌」,雖然男方仍有於社交網Follow她,甜蜜合照仍在,不過江嘉敏已Unfollow對方,還連環出po營造失戀的氛圍。

江嘉敏 江嘉敏近日不斷在社交裝發表似是失戀後的感性言論。
江嘉敏近日不斷在社交裝發表似是失戀後的感性言論。(圖片來源:IG@kaman_kong)
江嘉敏 江嘉敏在社交網多謝對方給她快樂、經歷、回憶及教訓。
江嘉敏在社交網多謝對方給她快樂、經歷、回憶及教訓。(圖片來源:IG@kaman_kong)

字裡行間暗示男友嫌棄短髮

江嘉敏在2022年2月22日、正月廿二的星期二,更上載了兩張長髮舊照,留言似有所指:「趁今日有那麼多『愛』,給情侶們一個小分享,兩個人在一起久了呢,會膩,會沒有新鮮感,但你要知道,新鮮感是和舊的人去體驗新的事物,而不是和新的人去體驗舊的事物。」她又強調「知道嗎舊人」、「嗱長頭髮丫」、「一個人愛你係唔會理你長頭髮定短頭髮」,句句有骨,看來是畀說話男友Anthony聽。

江嘉敏 江嘉敏上載兩張昔日的長髮照片。
江嘉敏上載兩張昔日的長髮照片。(圖片來源:IG@kaman_kong)

網民幫江嘉敏P圖挽戀情

江嘉敏講到出口話男友嫌棄佢剪短頭髮,不少網民都戥佢唔抵,紛紛出手幫佢改圖換髮,變返長髮的江嘉敏又真係順眼好多,有長直髮有長曲髮,就連馮盈盈髮型連樣都有,網民創意無限,不過江嘉敏畀仔飛又未必係因為剪短髮一個原因。

即睇網民創意無限:

江嘉敏 網民發起幫江嘉敏改圖變髮。
網民發起幫江嘉敏改圖變髮。(圖片來源:網民改圖)
江嘉敏 金毛的江嘉敏。
金毛的江嘉敏。(圖片來源:網民改圖)
江嘉敏 似足徐子淇的江嘉敏。
似足徐子淇的江嘉敏。(圖片來源:網民改圖)
江嘉敏 《少林足球》阿梅造型的江嘉敏。
《少林足球》阿梅造型的江嘉敏。(圖片來源:網民改圖)
江嘉敏 軍佬頭的江嘉敏。
軍佬頭的江嘉敏。(圖片來源:網民改圖)
江嘉敏 悟空頭的江嘉敏。
悟空頭的江嘉敏。(圖片來源:網民改圖)
江嘉敏 禿頭的江嘉敏。
禿頭的江嘉敏。(圖片來源:網民改圖)
江嘉敏 百鳥歸巢的江嘉敏。
百鳥歸巢的江嘉敏。(圖片來源:網民改圖)
江嘉敏 馮盈盈頭的江嘉敏。
馮盈盈頭的江嘉敏。(圖片來源:網民改圖)
江嘉敏 長曲髮披面的江嘉敏。
長曲髮披面的江嘉敏。(圖片來源:網民改圖)
江嘉敏 長曲髮的江嘉敏。
長曲髮的江嘉敏。(圖片來源:網民改圖)
江嘉敏 變咗男仔之後,不少網民都大讚靚仔!
變咗男仔之後,不少網民都大讚靚仔!(圖片來源:網民改圖)

為新劇《四十二章經》狠斷長髮

其實江嘉敏之所以要剪短髮,原因是為了配合新劇《四十二章經》當日記者會她首次以短髮Look示人,不少人都大為震驚,劇入面她飾演現代「韋小寶」扮男仔頭,本身好有發揮。但另一方面,其實 監製陳冠維有喜好要求女演員剪頭髮,去年播放的劇集《七公主》同樣要求高海寧剪短髮扮男仔頭,結果高Ling亦換來長期單身⋯⋯

江嘉敏 她以「舊人」來形容男友Anthony。
她以「舊人」來形容男友Anthony。(圖片來源:IG@kaman_kong)

分手呼之欲出

其實江嘉敏這個宣布分手的方式都幾有鋪排,去年11月生日的她,日前出po留言「最後‧晚餐」,又刻意標籤「見到我仲係金毛就知係latergram」、「一切嚟得太突然」、「2022年我哋嘅第一餐亦都係最後一餐」,又埋怨對方冇準備蛋糕,一直稱呼Anthony做「超人」的她,又hashtag「拯救地球系列」、「結局篇」。講到咁白係人都知江嘉敏情場失認,網民紛紛留言叫佢加油。

江嘉敏 江嘉敏形容她與Anthony最後一次食飯慶生,是最後的晚餐。
江嘉敏形容她與Anthony最後一次食飯慶生,是最後的晚餐。(圖片來源:IG@kaman_kong)
江嘉敏 佢自己都寫埋係結局篇。
佢自己都寫埋係結局篇。(圖片來源:IG@kaman_kong)

唔否認已分手

對於因為男友Anthony出軌而導致分手,江嘉敏接受傳媒訪問時沒有否認,只說現階段努力抗疫及照顧自己身體,要努力熟讀劇本研究新角色,等疫情緩和就要埋位,希望給觀眾帶到新感覺同新火花,仲叫傳媒畀啲時間她,因為最近好多事要忙。

江嘉敏 去年11月4日江嘉敏生日,當時她已為新劇《四十二章經》剪了短髮,男友Anthony亦有出po為她慶生,上載兩人頭貼頭齊嘟嘴合照,以英文留言:「Happy birthday to my perfect one......」網友還以為他放風好事近。
去年11月4日江嘉敏生日,當時她已為新劇《四十二章經》剪了短髮,男友Anthony亦有出po為她慶生,上載兩人頭貼頭齊嘟嘴合照,以英文留言:「Happy birthday to my perfect one……」網友還以為他放風好事近。(圖片來源:[email protected]
江嘉敏
(圖片來源:IG@kaman_kong)
江嘉敏
(圖片來源:IG@kaman_kong)
江嘉敏
(圖片來源:IG@kaman_kong)
江嘉敏 去年Anthony30歲生日,二人更穿情侶裝慶祝。
去年Anthony30歲生日,二人更穿情侶裝慶祝。(圖片來源:[email protected]
江嘉敏被男友公主抱
江嘉敏前年獲男友Anthony以公主式抱起影相。

男友投訴 ︰是你大褸太重還是…

江嘉敏近排新聞多多,曾被指背住電競公司高層男友Anthony,疑似偷食男友嘅好朋友X先生嘅新聞被翻炒而嬲爆,搞到佢要喺IG發文表達不滿!不過,前年聖誕節,江嘉敏已放下怒氣,喺IG大晒同男友拍拖行街嘅合照,男友仲懶理途人目光,以「公主抱」抱起佢,而江嘉敏亦好識做,即時樹熊上身依偎在男友臂彎內,又頭貼頭深情互望,畫面羨煞旁人!不過,Anthony之後竟敢投訴女友好似肥咗唔少,江嘉敏留言話:「𝐶ℎ𝑟𝑖𝑠𝑡𝑚𝑎𝑠 𝑖𝑠 𝑐𝑜𝑚𝑖𝑛𝑔﹗大褸終於出動了!見到聖誕樹,忍不住要合照一下,感覺好幸福。剛巧合照站在蝴蝶結下面,我們都是互相的禮物吖!臨走時,他說了一句:『是你大褸太重還是……』!」

江嘉敏被男友公主抱
江嘉敏前年聖誕節,孖住男友拍拖行街。
江嘉敏被男友公主抱
二人不時在IG放閃。
江嘉敏被男友公主抱
江嘉敏與男友Anthony感情穩定。
江嘉敏被男友公主抱
江嘉敏男友Anthony Cheng 在美國加州柏克萊大學畢業,在本地一間著名電競公司擔任產品部總監,家住太子道西價值千多萬港元的豪宅。
江嘉敏被男友公主抱
男友對江嘉敏當公主般看待。
江嘉敏被男友公主抱
江嘉敏常常以「超人」稱呼男友。

男友做阿四

本刊曾全程直擊江嘉敏搵男友幫手搬屋,當日約早上十一時 許,只見Anthony 在村屋外指示搬運工人搬嘢上貨車,江嘉敏則留在屋內 打點,全程點男友做阿四,Anthony 來回十多次搬雜物及清理垃圾,搞了 兩個多小時,傢俬雜物塞滿成架貨車,男友搬搬抬抬十幾轉都依然咁冧,無他,姣功耍家的江嘉敏,搬搬吓嘢,可以冧男友玩畫手仔,只見 Anthony 摸著江嘉敏手仔寫字喺手掌,之後她又撒嬌要寫埋一份,江嘉敏捉住男友手臂寫嘢時,Anthony 更合埋眼極之享受,似乎女友姣功已經令他無法抗拒。

江嘉敏 屋企有米的 Anthony,呢日放下少爺身段,幫江嘉敏不停將屋企唔要廢物,攞出外面掉!
屋企有米的 Anthony,呢日放下少爺身段,幫江嘉敏不停將屋企唔要廢物,攞出外面掉!
江嘉敏 大件傢俬床褥有搬屋工人幫手搬,Anthony則幫手攞燙衫板等雜物放上自己私家車。
大件傢俬床褥有搬屋工人幫手搬,Anthony則幫手攞燙衫板等雜物放上自己私家車。
江嘉敏 有男友幫手搬屋兼 做司機,江嘉敏可以翹埋手做公主, 上車等男友車去新居。
有男友幫手搬屋兼 做司機,江嘉敏可以翹埋手做公主, 上車等男友車去新居。

忽然撒嬌扭抱

之後江嘉敏坐男友的寶馬座駕,跟在貨車後面一同出發,去到太子道西新居,男友先將座駕泊到自己寓所停車位,再同江嘉敏前後腳返新居執嘢。晚上九時,兩人執嘢執到肚餓,一齊行去九龍城搵餐廳醫肚,江嘉敏全程戴上口罩唔想畀人認出,兩人連行去食飯都好癡纏,近六呎高的Anthony全程搭著女友膊頭行,又幫女友孭住手袋,行到路口,江嘉敏忽然撒嬌扭抱,Anthony竟唔理路人注目將她成個抱起過馬路,江嘉敏姣功果然名不虛傳!

江嘉敏 江嘉敏
江嘉敏一身便裝仲著住類似酒店的輕便拖鞋!
江嘉敏 Anthony駕車載女友去到太子道,先將寶馬座駕泊返自己寓所屋苑,再同江嘉敏前後腳行返隔籬新居。
Anthony駕車載女友去到太子道,先將寶馬座駕泊返自己寓所屋苑,再同江嘉敏前後腳行返隔籬新居。
江嘉敏 屋貨車泊在江嘉敏太子道西 新居屋苑外,只見成架貨車都 塞滿嘢,除咗大件傢俬、仲有 床褥、被鋪及唔少膠箱,獨居 的江嘉敏家當多到塞爆貨車。
屋貨車泊在江嘉敏太子道西 新居屋苑外,只見成架貨車都 塞滿嘢,除咗大件傢俬、仲有 床褥、被鋪及唔少膠箱,獨居 的江嘉敏家當多到塞爆貨車。
江嘉敏 兩人到附近茶餐廳醫肚,吃飽飽後,Anthony醒目行去埋單,再陪女友行返新居。
兩人到附近茶餐廳醫肚,吃飽飽後,Anthony醒目行去埋單,再陪女友行返新居。
Anthony對女友照顧無微不至,行街仲幫女友孭埋手袋, 行到去路口,女友突然撒嬌話攰扭抱,他更man爆將女友 成個抱起過馬路,江嘉敏腳撐撐,搞到男友鬼咁high!
Anthony對女友照顧無微不至,行街仲幫女友孭埋手袋, 行到去路口,女友突然撒嬌話攰扭抱,他更man爆將女友成個抱起過馬路,江嘉敏腳撐撐,搞到男友鬼咁high!
搬屋靠晒朋友,江嘉敏負責發號施令,但竟然要求全程主力搬搬抬抬嘅男友為她按摩膊頭。
搬屋靠晒朋友,江嘉敏負責發號施令,但竟然要求全程主力搬搬抬抬嘅男友為她按摩膊頭。

江嘉敏擔正做女主角的《食腦喪B》即將開播,即睇:食腦喪B|1-20集劇情介紹/角色/主題曲:何廣沛飾喪屍、江嘉敏扮黑幫女

江嘉敏如何字裡行間暗示男友嫌棄她?

江嘉敏近日發文疑似失戀後的感言,字裡行間暗示男友嫌疑棄自己變成短髮造型…詳情請看

江嘉敏的新作《食腦喪B》將於何日播出?

新劇《食腦喪B》將緊接《家族榮耀》播出,全劇20集…即睇播放詳情

撰文:東方新地圖片來源:IG@kaman_kong、[email protected]