photo_2021-01-20_18-44-50

江嘉敏自認食物焚化爐 煮飯白痴搞到微波爐爆炸

最新娛聞

江嘉敏早前在《萬千星輝頒獎典禮2020》完美演繹其厚切身形,一條透視連身裙出晒事,事後她承認天氣凍食多咗,仲自嘲新一年可以吸納減肥界客戶。 江嘉敏與陸永一齊做無綫新烹飪節目《煮場爭霸》嘉賓,二人同樣自理能力失調,陸永話自己只識煮公仔麵,江嘉人敏仲弊,好食懶煮,仲會搞到微波爐爆炸!

撰文:東方新地 圖片:TVB娛樂新聞台影片截圖、江嘉敏IG圖片

江嘉敏
江嘉敏上無綫新烹飪節目《煮場爭霸》做嘉賓,自認完全唔識煮嘢食。
江嘉敏
身為港女代表,江嘉敏好食懶煮,仲話父母同男友識煮就得啦!

江嘉敏上節目拒幫手

無綫新烹飪節目《煮場爭霸》請來江嘉敏同陸永擔任嘉賓,兩位同樣廚藝零分,同樣只識煮公仔麵,江嘉敏知道可能要在節目中幫手切吓蔥幫吓手,即時耍手擰頭,因為佢話自己一入廚必定出事。

江嘉敏
江嘉敏上《煮場爭霸》聽到要幫手,大嗌盡量唔好。
江嘉敏
陸永同江嘉敏一樣,自理能力偏低。

陸永恥笑江嘉敏連電器都唔識用

江嘉敏被陸永問及其廚藝如何差勁時,她自爆曾經把蛋糕放入微波爐叮,結果叮唔夠5秒就聽到爆炸聲,所以入廚房免得就免,平時最叻是食完幫手洗碗,江嘉敏表示由細到大都由父母煮飯,陸永就加把嘴話最緊要未來老公識煮,江嘉敏就笑言男朋友都係煮得之人,他日唔使擔心。

江嘉敏
江嘉敏自爆曾經放蛋糕入微波爐,5秒後即爆炸。
江嘉敏
江嘉敏做埋手勢,形容當時個微波爐著晒火。

江嘉敏承認乜都放入口

此外,江嘉敏自爆對食物全冇反抗之力,乜都鍾意食,平時拍劇仲會連道具飯餸都清晒,所以劇組人員都好愛佢,咁食得真係好難減,疊埋心水走肉女路線。

江嘉敏
江嘉敏唔識煮飯仲覺得好自豪,陸永話最緊要未來老公識煮,江嘉敏甜到漏話現任男友會煮飯,仲拍晒手好興奮。
江嘉敏
早前江嘉敏在頒獎禮出晒事,脹爆身形無所遁形,胃腩和肚腩相當顯眼。
江嘉敏
被封似肥婆奶奶的江嘉敏,再次在IG出po強調自己不追求瘦,會努力繼續吃下去。
江嘉敏
江嘉敏話自己對食來者不拒,睇佢社交網啲相就知道佢真係好大食。
江嘉敏
江嘉敏經常叫外賣返屋企狂食,難怪易肥難瘦。

讀者留言