況復生 張國權

我和殭屍有個約會|況復生神隱12年出山 孖住東東進軍YouTube借醉約姜濤?

最新娛聞

廣告

《我和殭屍有個約會》的「殭屍仔」況復生(張國權飾)與《十二隻恐龍去野餐》的東東(張裕東)眨下眼已經33歲,原來兩人私下老友鬼鬼,仲夾埋一齊進軍YouTube。

況復生同東東依家都已經33歲,原來私底下老友鬼鬼夾埋拍YouTube。
況復生同東東依家都已經33歲,原來私底下老友鬼鬼夾埋拍YouTube。(圖片來源:YouTube@老未 Low May)

況復生孖住東東拍YouTube

「殭屍仔」況復生(張國權飾)與《十二隻恐龍去野餐》的東東(張裕東)現年33歲,大家都脫離童星行列一段時間。況復生自從拍完《我和殭屍有個約會》後淡出娛樂圈;而東東就轉戰幕後做配音員,韓劇《來自星星的你》的主角都敏俊,以及動畫《我的英雄學院》的主角綠谷出久都是由他聲演。他們開設YouTube頻道「老未 Low May」,其中一條片況復生扮醉說:「之後我一定開套《我和殭屍有個約會復生傳》!《我和殭B有個約會》!」雖然目前只得四條影片,但都足夠佢哋過足戲癮。

東東與況復生一齊拍過戲癮。
東東與況復生一齊拍過戲癮。(圖片來源:YouTube@老未Low May)
況復生片中扮醉,話要開套《我和殭B有個約會》,睇嚟想抽姜B水喎。
況復生片中扮醉,話要開套《我和殭B有個約會》,睇嚟想抽姜B水喎。(圖片來源:YouTube@老未)

復生太耐冇對鏡頭緊張?

除了扮醉,另一條片是復生與東東用不同形式介紹自己,片段一開始復生講完自己名就完咗,要東東再三追問先肯講多兩句,唔通係因為太耐冇上鏡緊張?明顯唔係啦,復生好戲就真,事關佢要扮一個零準備的角色。

況復生 復生要扮一個零準備嘅人自我介紹,佢講完名之後就靜咗。
復生要扮一個零準備嘅人自我介紹,佢講完名之後就靜咗。(圖片來源:YouTube@老未 Low May)
況復生 連東東都忍唔住要嗌聲「復生哥」。
連東東都忍唔住要嗌聲「復生哥」。(圖片來源:YouTube@老未 Low May)

況復生離開娛圈12年 與靚靚老婆結婚8年未生B

況復生(張國權)九歲時飾演亞視經典劇集《我和殭屍有個約會》的經典角色「殭屍仔」況復生,不過拍完劇集後就淡出娛樂圈。佢表示要讀書同埋想同朋友開舖頭投身第二行,所以冇再做演員,亦曾有網民報料指他在尖沙咀名店上班。

況復生 復生在片中交代自己離開娛樂圈已有12年。
復生在片中交代自己離開娛樂圈已有12年。(圖片來源:YouTube@老未)

張國權已為人夫

張國權2014年與太太Freby結婚,暫時未有下一代,二人在2021年開設YouTube Channel,不時拍Vlog分享生活。今年33歲的張國權攜同太太在「520日」到主題公園慶祝結婚8週年,帖文寫道:「8年嘅時間原來好快就會過,我每日都會同自己講要好好珍惜你,I love you 」。想不到大家可以看到「復生」長大成家立室,當年有份追《我和殭屍有個約會》的觀眾相信都覺得十分欣慰。

況復生 況復生呢個造型真係8、90後回憶!
況復生呢個造型真係8、90後回憶!(圖片來源:《我和殭屍有個約會》劇照)
況復生與靚靚老婆Freby結婚8年,非常恩愛。
況復生與靚靚老婆Freby結婚8年,非常恩愛。(圖片來源:[email protected]_cheung)

東東轉戰幕後做配音員 效力22年「死心」離開TVB

東東(張裕東)小時候翻唱過《白石嶺公園》(即「十二隻恐龍去野餐」),做過《閃電傳真機》及《至NET小人類》的小主持,參演過《烈火雄心》,又演過電影《風雲雄霸天下》的童年步驚雲、《賭神3之少年賭神》童年高進等等。他效力TVB超過22年,當時稱公司與自己想法不一致,憑一己之力難以改變,故「死心」離巢。他現為自由身配音員,多個人氣角色都由他聲演,例如:動畫《咒術迴戰》主角虎杖悠仁、《我的英雄學園》主角綠谷出久、電影《反斗奇兵》的安仔、韓劇《來自星星的你》主角都敏俊等等。

況復生 東東飾演童年步驚雲。
東東飾演童年步驚雲。(圖片來源:《風雲雄霸天下》劇照)
況復生 東東又演過童年版高進。
東東又演過童年版高進。(圖片來源:《賭神3之少年賭神》劇照)
況復生 東東現時係自由身配音員。
東東現時係自由身配音員。(圖片來源:[email protected]

常見問題

張國權與東東有咩新合作?

二人都已長大成人,淡出娛樂圈,最近二人開設YouTube頻道⋯⋯詳情請看

東東都結婚了嗎?

張國權2014年已成家立室,與太太亦不時拍片分享生活,而東東轉戰幕後⋯⋯詳情請看

撰文:東方新地圖片來源:YouTube@老未 Low May、[email protected]_cheung、[email protected]資料或影片來源:YouTube@老未 Low May

讀者留言