唐詩詠

洪永城唐詩詠甜蜜團拜 粉碎「分訊」

最新娛聞

廣告

唐詩詠 樣靚身材正,性格亦令人大讚,被封為「不能錯過的女友」。洪永城雖抱得美人歸,但仍未改其花弗本性,拍拖之後仍頻頻撩女,令唐詩詠嬲嬲豬,頻傳感情觸礁。唔通兩年情就咁玩完?但原來洪永城初四晚同女友詩詠現身團拜活動,仲甜笑合照,「分訊」似乎不攻自破!

洪永城唔單止拍劇時同眾多女星傳緋聞、被踢爆同舊愛Bird藕斷絲連,今年年頭更傳出佢秘冧「翻版徐子淇」Kanice Po達十年,關係複雜,認真唔抵幫!其實外界對於佢哋嘅戀情一直唔睇好,家人朋友仲屢勸詩詠分手。早前有報道指女方最近忍痛割愛,狠飛花心蘿蔔,以WhatsApp同洪永城講分手!

 

另外詩詠同契哥馬國明感情要好,不少人認爲兩人更加登對。最近唐詩詠同「荀盤」馬明亦緋聞不斷,馬明更於公開場合對詩詠表達鍾愛之情,話詩詠係自己「杯茶」,談及洪永城詩詠結婚一事,馬明仲叫契妹「睇定啲」。

洪永城喺回應時就強調雙方並無分手,仲叫大家唔好作故仔添!係堅定流呀?係堅㗎!洪永城初四就孖住唐詩詠團拜,同場仲有古仔添!有人就上載咗同古仔嘅合照,咦?!咁啱又捕捉到洪永城唐詩詠兩個坐隔離位!

而另一張合照中,洪永城同詩詠笑容燦爛,表情自然,點睇都唔似分咗手啦!著名堪輿學家麥玲玲師傅喺今年一月底曾經話過,洪永城及詩詠今年有望拉埋天窗,仲有機會添丁!唔通詩詠嘅真命天子就係洪永城,今次終於可以結束坎坷感情路?

全文完

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!