【深宮計】大結局預告眾角色下場會係點？

《深宮計》大結局預告

《深宮計》最後一集，講到皇后(胡定欣飾)攜同太平公主(陳煒飾) 欲謀朝篡位、再創紅妝時代的鐵證趕至，叛軍亦已被鎮壓，整個局面扭轉過來，李隆基(馬浚偉飾)表示要為國除害，將太平問斬！

太平公主陰謀被揭發，但死到臨頭仍然口硬，指李隆基並未算實權在握，所以無權將自己問斬！

呢個時候太上皇(李龍基飾) 威風登場，揚言要免去太平公主的死罪，但隨即宣布將大權正式交託于李隆基，意即太平將由皇帝發落！

李隆基本來對任三恕(馬國明飾) 承諾將皇后治罪，但皇后指自己多年來忍辱負重助隆基平步青雲成為太子，不惜自殘身體、自毀容顏，而且又以曾為皇上擋刀一事作免死金牌，揚言自己永遠都係皇后。咁都得？

皇后作惡多端、滿手鮮血，但李隆基最後都不忍對其下殺手，最後並無廢除皇后，更稱永遠只有一個皇后，但對方餘生都只能以一琴相伴，永遠住在冷宮。

何離(蕭正楠飾) 雖然為前皇后遺孤，但只想過平靜的生活，所以在宋王(李天翔)協助下成功隱藏身份。太上皇雖希望對方留在宮中陪自己，可惜何離去意已決。

本來已出宮的太平公主自知死罪難逃，但臨死都不失霸氣，話唔會讓李隆基斬殺或賜毒酒，所以已自備白綾一匹…

同李隆基鬥足三十幾集，太平公主在大結局為自己生命畫上句號。

「一局四司」等幾位熟女，在太平公主事件後獲准出宮，南宮司設當然第一時間前去搵成恭(韋家雄飾)，但原來對方早已染病離世。

之前南宮收到的家書，其實都係成恭死前所寫，再托人定時寄出。呢對苦命男女，可謂全劇最悲慘的一對…

何離同元玥有情人終成眷屬，遠離深宮是非之地，享受二人世界，再送上一幕錫錫～

任三恕亦獲准出宮歸隱，見到佢卸下全劇幾十集一樣的武裝，變為一個白衣書生。