【港姐2018】15秒才藝表演 網民狠批：究竟我睇咗啲咩？
原文：環球膠報｜圖片：Facebook
【港姐2018】15秒才藝表演
TVB其實真係好有心，為咗令廣大市民更深入認識一眾港姐佳麗，所以上載了各位港姐佳麗15秒的才藝表演片段，請大家細心欣賞……
1號佳麗 – 蘭倚婷
1號佳麗蘭倚婷用「1999之急口令」做才藝表演。
有就網民好奇：「其實，佢係咪對才藝有咩誤解，做得好既先叫才藝喎，佢依加叫獻醜喎！」
2號佳麗 – 庄嘉慧
2號佳麗庄嘉慧就表演唱歌，識唱又真係唔怕唱啊！
3號佳麗 – 梁致欣
3號佳麗梁致欣扮女團Twice跳舞。
但就被網民狠批外表同Twice相差好多。只可以話，無乜事就唔好亂扮喇！
4號佳麗 – 鄧美欣
4號佳麗鄧美欣最「食腦」，一於擺幾個甫士當才藝！
5號佳麗 – 鞏姿希
5號佳麗鞏姿希又係唱歌。
6號佳麗 – 杜愛恩
6號佳麗杜愛恩的才藝表演都係唱歌，不過杜愛恩就大玩自編、自填、自作、自唱… 真係辛苦晒。
7號佳麗 – 丁子田
7號佳麗丁子田又係擺甫士，但唔係將啲頭髮來撥去就叫性感㗎喎！
網民都忍唔住問：「肯定係才藝？」
8號佳麗 – 陳靜堯
呢位8號佳麗陳靜堯就真係得啖笑！
網民恥笑：「8號係咪去錯左場？佢係咪應該搵譚玉瑛？」
9號佳麗 – 工藤佑采
9號工藤佑采跳舞原本都安全嘅，但唔知點解要「自摸」！網民都忍唔住講句：「好低質！」
10號佳麗 –李芷晴
被網民評為最好的10號李芷晴，識得利用一把靚聲，清唱Twins 的〈下一站天后〉，輕鬆贏得網民掌聲！
11號佳麗 – 李明芙
11號佳麗李明芙嘅表演慘被網民指「集漏口同1999於一身」，點解？
香港小姐係選「美貌」與「智慧」並重，如果口齒咁唔清晰，又何必用急口令做表演呢？正所謂「獻醜不如藏拙」嘛！真係無你「芙」啊～
12號佳麗 – 童銘欣
但要數經典又點可以少得呢位12號佳麗童銘欣，表演不少人都識的Floss Dance，但相信大家睇完都係咩知睇咗咩。
13號佳麗 – 黎智
13號佳麗黎智獻唱林宥嘉〈突然想起你〉，另外雙手再加啲動作咁，不過不失啦。
14號佳麗 –何泳芍
被視為大熱之一的14號佳麗何泳芍(Honey)，表演「扮鬼臉」，又鬥雞眼又嘟嘴咁，靚女做咩都可愛㗎啦！
15號佳麗 – 陳苑澄
因為Kiki Challenge被鬧爆的15號佳麗陳苑澄，繼續都係表演跳舞，相信去到決賽當日佢都係會繼續跳。
16號佳麗 – 黃子桐
「一蚊一隻龜, 七蚊一隻雞……」
17號佳麗 – 陳曉華
另一位大熱陳曉華(Hera)，個才藝表演叫做「天使的笑容」… 好啦係笑得幾甜。
18號佳麗 – 高育英
「一起喵喵喵喵喵…」完。
19號佳麗 – 楊帆
19號佳麗楊帆有唔少支持者，佢唱〈My Destiny〉幾好聽又幾有感情，不錯！
20號佳麗 – 鄧卓殷
細細粒20號佳麗鄧卓殷(Amber)，類似係扮車聲？好似係。
